ពីនេះ ពីនោះ
ព័ត៍មានសុខភាព
ករណីអ្វីខ្លះដែលត្រូវប្រើវិធីព្យាបាលដោយភាពក្តៅ ឬស្អំទឹកក្តៅ?
× ការព្យាបាលដោយប្រើភាពក្តៅ នឹងជំរុញដល់របត់ឈាមរត់ និងលំហូរឈាមទៅកាន់កន្លែងដែលព្យាបាលនោះដើម្បីឲ្យកន្លែងនោះឡើងកម្តៅ។ កាលណាកម្តៅឡើងបែបនេះ វាអាចនឹងជួយឲ្យធូរស្រាលបញ្ហា និងបង្កើនភាពបត់បែនរបស់សាច់ដុំផង។ ការព្យាបាលដោយប្រើភាពក្តៅអាចបន្ធូរ និងសម្រួលដល់សាច់ដុំ និងឲ្យជាលិកាដែលខូចខាតនៅកន្លែងនោះឆាប់ជាផង។
ការព្យាបាលដោយប្រើភាពក្តៅមានពីរប្រភេទ នោះគឺក្តៅស្ងួត និងក្តៅសើម៖
• ក្តៅស្ងួត ជាការប្រើវិធីស្អំទឹកក្តៅដោយមានទ្រនាប់ត្រឹមត្រូវ ហើយក៏ងាយស្រួលធ្វើដែរ
• ក្តៅសើម ជាវិធីដែលប្រើកន្សែងក្តៅស្អំ ឬការងូតទឹកក្តៅ
មានករណីច្រើនណាស់ដែលការព្យាបាលនេះមិនគួរធ្វើលើរាងកាយ។ បើសិនជាអ្នកមានអាការៈហើម ឬជាប់ស្បែក យកល្អគួរតែប្រើវិធីព្យាបាលដោយប្រើភាពត្រជាក់វិញ។ ការព្យាបាលដោយប្រើភាពក្តៅក៏មិនគួរធ្វើលើរបួសដែលមានដំបៅបើកមុខដែរ។
ករណីជំងឺខាងក្រោមនេះក៏មិនត្រូវការការព្យាបាលដោយភាពក្តៅដែរ៖
• ជំងឺទឹកនោមផ្អែម
• ការរលាកស្បែក
• ជំងឺសរសៃឈាម
• ការកើតជាកំណកក្នុងសរសៃឈាមវ៉ែនជ្រៅៗ
• ជំងឺគ្រិនរឹងច្រើនកន្លែង
បើសិនជាអ្នកមានជំងឺបេះដូង ឬលើសសម្ពាធឈាម ចូរពិគ្រោះជាមួយគ្រូពេទ្យសិនថាអ្នកអាចប្រើវិធីព្យាបាលនេះឬអត់។ បើសិនជាអ្នកមានផ្ទៃពោះ យកល្អគួរតែពិគ្រោះជាមួយគ្រូពេទ្យដែរមុននឹងជ្រើសរើសការប្រើស៊ូណា ឬងូតទឹកក្តៅ។
ការព្យាបាលដោយប្រើភាពក្តៅជាញឹកញាប់គឺមានប្រយោជន៍នៅពេលប្រើក្នុងអំឡុងពេលមួយដែលត្រឹមត្រូវ។ ការគាំង ឬតឹងសាច់ដុំ ឬសន្លាក់តិចតួចច្រើនតែអាចធូរស្រាលមកវិញតាមរយៈការស្អំទឹកក្តៅពី ១៥ ទៅ២០នាទី។ ចំពោះករណីឈឺចាប់ពីកម្រិតមធ្យម ទៅធ្ងន់ធ្ងរអាចនឹងធូរស្រាលវិញតាមរយៈការងូតទឹកក្តៅរយៈពេលយូរចន្លោះពី ៣០នាទី ទៅ២ម៉ោង៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com