សម្តេច ស ខេង ប្តឹងទៅតុលាការកំពូល សុំឲ្យរំលាយបក្សចំនួន៩

ជាតិ

សម្តេច ស ខេង ប្តឹងទៅតុលាការកំពូល សុំឲ្យរំលាយបក្សចំនួន៩

29, Aug 2017 , 2:31 pm

រូបភាព

ដោយ: ម៉ៅ សុផា

ភ្នំពេញ៖ សម្តេច ស ខេង រដ្ឋមន្ត្រីក្រសួងមហាផ្ទៃ បានដាក់សំណើទៅកាន់តុលាការកំពូល ដើម្បីសុំឲ្យរំលាយគណបក្សចំនួន៩ ដោយសារតែមិនបានអនុវត្តឲ្យបានត្រឹមត្រូវតាមច្បាប់គណបក្សនយោបាយ។

សម្តេច ស ខេង បានប្រាប់មូលហេតុដល់តុលាការកំពូលនៅក្នុងសំណើថា គណបក្សទាំង៩នោះ មិនបានផ្ញើរបាយការណ៍ប្រចាំឆ្នាំ ទៅកាន់ក្រសួងមហាផ្ទៃឡើយ ដែលវាជាទង្វើខុសទៅនឹងច្បាប់ស្តីពីគណបក្សនយោបាយ ហើយគណបក្សខ្លះទៀតក៏កំពុងជាប់បណ្តឹងនៅតុលាការរាជធានីភ្នំពេញផងដែរ។

គណបក្សទាំង៩ ដែលក្រសួងមហាផ្ទៃស្នើឲ្យតុលាការកំពូលលុបចោលនោះ គឺគណបក្សប្រជាជាតិខ្មែរ គណបក្សពលរដ្ឋខ្មែរ គណបក្សសង្គមខ្មែរនិយម គណបក្សសង្គមថ្មី គណបក្សខ្មែរជាតិនិយម គណបក្សនាងនាគនារីខ្មែរ គណបក្សពន្លឺសេរីភាពលោក ថាច់ រ៉េង គណបក្សស្ត្រីសង្គ្រោះកម្ពុជា និងគណបក្សសេរីបង្រួបបង្រួមជាតិ។

លិខិតរដ្ឋមន្ត្រីក្រសួងមហាផ្ទៃ ស្នើទៅតុលាការកំពូលនៅថ្ងៃទី២៩ ខែសីហា ឆ្នាំ២0១៧នេះ បានលើកឡើងដូច្នេះថា៖«មកដល់ពេលនេះ គណបក្សខាងលើ មិនបានបំពេញកាតព្វកិច្ច និងបំពេញបែបបទ មកក្រសួងមហាផ្ទៃ ឲ្យស្របតាមច្បាប់ស្តីពីគណបក្សនយោបាយនោះទេ។ ពាក់ព័ន្ធនឹងករណីនេះ ក្រសួងមហាផ្ទៃ ស្នើសុំឯកឧត្តម មេតា្តពិនិត្យសម្រេចលើសំណើប្តឹងរំលាយគណបក្សទាំង៩នេះ»៕