ជាតិ
រដ្ឋាករទឹកស្វយ័ត ប្រាប់ឲ្យពលរដ្ឋទៅទូទាត់យកប្រាក់លម្អៀងលើសរបស់ខ្លួនវិញ
×![]()
ដោយ: ថ្មីៗ
ភ្នំពេញ៖ ក្រោយពីចេញមុខទទួលស្គាល់ពីកំហុសឆ្គងខ្លួន រដ្ឋាករទឹកស្វយ័តក្រុងភ្នំពេញ ប្រាប់ឲ្យពលរដ្ឋទៅទូទាត់យកប្រាក់លម្អៀងលើស ពីខាងរដ្ឋាករទឹកវិញ ចាប់ពីថ្ងៃទី៤ កញ្ញា ឆ្នាំ២០១៧ ខាងមុខនេះ។
សេចក្តីជូនដំណឹងរបស់រដ្ឋាករទឹកស្វយ័ត នៅថ្ងៃទី២៩ សីហា នេះ បានឲ្យដឹងថា ពលរដ្ឋរស់នៅក្រុងភ្នំពេញ និងក្រុងតាខ្មៅ អាចទូទាត់សាច់ប្រាក់លម្អៀងលើសរបស់ពួកគេ នៅតាមបញ្ជរបេឡារដ្ឋាករទឹកក្រុងភ្នំពេញទាំងអស់ ដោយគ្រាន់តែពួកគេកាន់យកវិក្កយបត្របង់ប្រាក់ថ្លៃទឹកថ្មី (ក្រោយពីការកែសម្រួលតាមការគណនាចាស់) និងសក្ខីបត្រដែលនឹងចែកជូនដោយភ្នាក់ងាររបស់រដ្ឋាករទឹកស្វយ័តក្រុងភ្នំពេញ ក្នុងពេលខាងមុខនេះ។
កាលពីថ្ងៃទី២៨ សីហា ក្រសួងឧស្សាហកម្ម និងសិប្បកម្ម បានសុំទោសប្រជាពលរដ្ឋនៅរាជធានីភ្នំពេញ និងក្រុងតាខ្មៅ ដែលរដ្ឋាករទឹកស្វយ័តក្រុងភ្នំពេញ ចេញវិក្ក័យបត្រយកថ្លៃទឹកពីប្រជាពលរដ្ឋខ្ពស់លើស ដោយសារខុសបច្ចេកទេស។ ការសុំទោសនេះ ធ្វើឡើងបន្ទាប់ពីនាយករដ្ឋមន្ត្រី ទទួលព័ត៌មានថា រដ្ឋាករនេះទូទាត់លុយថ្លៃទឹកពីប្រជាពលរដ្ឋខុសប្រក្រតី ហើយសម្តេចបង្ហោះនៅលើបណ្តាញសង្គមហ្វេសប៊ុក៕
សេចក្តីជូនដំណឹងរបស់រដ្ឋាករទឹកស្វយ័ត នៅថ្ងៃទី២៩ សីហា នេះ បានឲ្យដឹងថា ពលរដ្ឋរស់នៅក្រុងភ្នំពេញ និងក្រុងតាខ្មៅ អាចទូទាត់សាច់ប្រាក់លម្អៀងលើសរបស់ពួកគេ នៅតាមបញ្ជរបេឡារដ្ឋាករទឹកក្រុងភ្នំពេញទាំងអស់ ដោយគ្រាន់តែពួកគេកាន់យកវិក្កយបត្របង់ប្រាក់ថ្លៃទឹកថ្មី (ក្រោយពីការកែសម្រួលតាមការគណនាចាស់) និងសក្ខីបត្រដែលនឹងចែកជូនដោយភ្នាក់ងាររបស់រដ្ឋាករទឹកស្វយ័តក្រុងភ្នំពេញ ក្នុងពេលខាងមុខនេះ។
កាលពីថ្ងៃទី២៨ សីហា ក្រសួងឧស្សាហកម្ម និងសិប្បកម្ម បានសុំទោសប្រជាពលរដ្ឋនៅរាជធានីភ្នំពេញ និងក្រុងតាខ្មៅ ដែលរដ្ឋាករទឹកស្វយ័តក្រុងភ្នំពេញ ចេញវិក្ក័យបត្រយកថ្លៃទឹកពីប្រជាពលរដ្ឋខ្ពស់លើស ដោយសារខុសបច្ចេកទេស។ ការសុំទោសនេះ ធ្វើឡើងបន្ទាប់ពីនាយករដ្ឋមន្ត្រី ទទួលព័ត៌មានថា រដ្ឋាករនេះទូទាត់លុយថ្លៃទឹកពីប្រជាពលរដ្ឋខុសប្រក្រតី ហើយសម្តេចបង្ហោះនៅលើបណ្តាញសង្គមហ្វេសប៊ុក៕
Tag:
រដ្ឋាករទឹក
© រក្សាសិទ្ធិដោយ thmeythmey.com
«មជ្ឈការ»មានន័យខុសពី«វិមជ្ឈការ»ដូចម្តេច?
1 សប្តាហ៍
