ជាតិ
នយោបាយជាតិ
ឯ.ឧ កឹម សុខា ត្រូវបានបញ្ជូនទៅពន្ធនាគារត្រពាំងផ្លុង ខេត្តត្បូងឃ្មុំ រូបពីហ្វេសប៊ុកឯកឧត្តម កឹម សុខា
× ក្រោយអាជ្ញាធរចាប់ខ្លួនលោកប្រធានគណបក្សសង្គ្រោះជាតិ កាលពីអធ្រាត្រឈានចូលថ្ងៃទី ៣ ខែកញ្ញា អាជ្ញាធរបានបញ្ជូនឯកឧត្តម កឹម សុខា ទៅឃុំខ្លួននៅពន្ធនាគារត្រពាំងផ្លុង ខេត្តត្បូងឃ្មុំ។
នៅមុននេះ បន្តិចកូនស្រីរបស់ឯកឧត្តម កឹម សុខា គឺកញ្ញា កឹម មនោវិទ្យា បានអះអាងនៅលើបណ្តាញសង្គមTwitter ថា ឯកឧត្តម កឹម សុខា ត្រូវបានសមត្ថកិច្ច បញ្ជូនទៅពន្ធនាគារត្រពាំងផ្លុង ខេត្តត្បូងឃ្មុំ។
យ៉ាងណា អ្នកនាំពាក្យលោកអគ្គស្នងការនគរបាលជាតិ លោក គៀត ចាន់ថារិទ្ធ មិនអាចនិយាយបានថា ពេលនេះឯកឧត្តម កឹម សុខា កំពុងស្ថិតនៅទីណានោះដែរ។ លោកគ្រាន់តែប្រាប់សារព័ត៌មានថ្មីៗដូច្នេះថា៖« ករណីឯកឧត្តម កឹម សុខា ពេលនេះសមត្ថកិច្ចកំពុងធ្វើការ ហើយវាជារឿងធំ ដែលខ្ញុំមិនអាចប្រាប់បានថា លោកស្ថិតនៅត្បូងឃ្មុំ ឬភ្នំពេញនោះ»។
© រក្សាសិទ្ធិដោយ thmeythmey.com