CC Double O និន្នាការដ៏ធំដែលនឹងឈានជើងចូលក្នុងទីផ្សារ ម៉ូតសម្លៀកបំពាក់នៅក្រុងភ្នំពេញ
04, Sep 2017 , 3:44 pm
រូបភាព
×
ដោយ:
រាជធានីភ្នំពេញ៖ CC Double O ដែលជាក្រុមហ៊ុនលក់សម្លៀកបំពាក់មួយដ៏ធំជាងគេនៅក្នងប្រទេសថៃ មានក្តីរំភើប និងសូមប្រកាសយ៉ាងឱឡារិកអំពីការបើកដំណើរការជាផ្លូវការ ហាងទី១ របស់ខ្លួននៅក្នុងប្រទេសកម្ពុជា ដែលមានទីតាំងនៅក្នុងផ្សារទំនើប AEON Mall Phnom Penh ។
CC Double O គឺជាម៉ាកដ៏ល្បីល្បាញមួយក្នុង ចំណោមម៉ាកល្បីៗដទៃទៀតដូចជា៖ Jelly Bunny, Lyn និង Lynn Around ដែលត្រូវបានផលិតឡើងពីផលិតផលវាយណភណ្ឌរបស់ប្រទេសថៃ និងស្ថិតនៅក្រោមការដឹកនាំនៃសម្ព័ន្ធ ក្រុមហ៊ុនផលិតសម្លៀកបំពាក់លំដាប់អន្តរជាតិ Jaspal Group ។ ជាមួយគ្នានេះផងដែរ CC Double O គឺជានិមិត្តសញ្ញាដែលតំណាងឲ្យ ភាពរស់រវើក ភាពស្រស់ស្អាត ក៏ដូចជាការឆ្នៃប្រឌិតប្រកបដោយសោភ័ណភាព ដែលលោកអ្នកអាចពិនិត្យឃើញយ៉ាងច្បាស់ តាមរយៈផលិតផលនានាដូចជា កាបូប និងសម្លៀកបំពាក់ជាដើម ដែលសុទ្ធតែជាជម្រើសដ៏មានគុណភាពខ្ពស់ ស្របទៅតាមតម្រូវការ និងចំណង់ចំណូលចិត្តរបស់អតិថិជនកម្ពុជា ។
CC Double O មានសាខាចំនួន ៤៥ នៅក្នុងប្រទេសថៃ និងបានក្លាយខ្លួនជា «ផលិតផលមួយដ៏ពេញនិយមបំផុត» នៅក្នុងទីផ្សារសម្លៀកបំពាក់នៃប្រទេសនេះ ជាពិសេសក្នុងចំណោមយុវវ័យថៃតែម្តង ។ CC Double O មានមោទកភាពយ៉ាងខ្លាំង ក្នងដំណើរឆ្ពោះទៅកាន់ការបើកសាខាទី៤៦ របស់ខ្លួនក្នុងគោលបំណងផ្តល់ជូនអតិថិជន ទាំងឡាយនូវជម្រើសដ៏សម្បូរបែបនៃទីផ្សារលក់សម្លៀកបំពាក់ដ៏ធំជាងគេ ។
លោក Krit Singhsachathet មានតួនាទីជា Brand Director បានថ្លែងថា៖ «យើងខ្ញុំពិតជាមានក្តីរំភើប ក៏ដូចជាមានភ័ព្វសំណាងដែលបានបើកដំណើរការហាងទី១ នៅក្នុងប្រទេសកម្ពុជាដែលមានទីតាំងនៅក្នុងផ្សារទំនើប AEON Mall Phnom Penh នេះ» ។ CC Double O នឹងនាំលោកអ្នកទៅកាន់ជីវិតដ៏រស់រវើក ពោរពេញដោយភាពស្រស់ស្អាត ទាក់ទាញ និងទាន់សម័យ! ជាងនេះទៅទៀត យើងខ្ញុំពិតជាមានមោទកភាពដើម្បីនាំមកជូនលោកអ្នកនូវផលិតផលដ៏មានគុណភាពខ្ពស់ អមដោយការរចនាដ៏អស្ចារ្យ ពោរពេញដោយគុណតម្លៃ និងមានច្រើនជម្រើសស្របទៅតាមតម្រូវការ ព្រមទាំងចំណង់ចំណូលចិត្តរបស់អតិថិជនគ្រប់ៗរូប» ។ លោកបានបន្ថែមថា៖ «យើងខ្ញុំជឿជាក់យ៉ាងមុតមាំថា CC Double O នឹងទទួលបានការគាំទ្រដ៏ច្រើនពីសំណាក់ប្រជាជនកម្ពុជា! ។ ព្រោះនាពេលបច្ចុប្បន្ននេះ យុវវ័យកម្ពុជាមានទស្សនៈបើកទូលាយ ព្រមទាំងអាចសម្របខ្លួន និងទទួលយកនិន្នាការថ្មីៗបានយ៉ាងឆាប់រហ័ស ។ បទពិសោធន៍ជោគជ័យនៅក្នងប្រទេសថៃ និងសហរដ្ឋអាមេរិគនាពេលកន្លងមក បានបង្ហាញឲ្យឃើញថា យើងនឹងទទួលបានលទ្ធផលវិជ្ជមានក្នុងទីផ្សារកម្ពុជា! »។