ជាតិ
«រណ្តៅថ្មី ដែលក្រុមហ៊ុនហាមមិនឲ្យពលរដ្ឋចូលកាយរើសអេតចាយ»។ រូបភាព៖ លោក ច័ន្ទ រស្មី
×![]()
សៀមរាប៖ យ៉ាងហោចណាស់មានសំរាមប្រមាណ ៩០០តោន ដែលត្រូវបានស្ទះក្នុងក្រុងសៀមរាប ដោយសារការខកខានមិនបានប្រមូលកាលពីដើមខែ កញ្ញា នេះ។ អភិបាលក្រុងសៀមរាបបានបញ្ជាក់ថា ការប្រមូលសំរាមនៅក្នុងក្រុងបានវិលរកសភាពដើមវិញ បន្ទាប់ពីរកដំណោះស្រាយរួមគ្នារួចមក។
លោក សូរ ប្លាតុង អភិបាលក្រុងសៀមរាប បានឲ្យដឹងថា យ៉ាងហោចណាស់មានសំរាមប្រមាណ ៩០០តោន ដែលស្ទះក្នុងក្រុង ក្រោយពេលឡានដឹកសំរាមរបស់ក្រុមហ៊ុន ហ្គាអ៊ីយ៉ា (Gaea) មិនបានចូលដឹកចេញពីក្នុងក្រុង ចាប់ពីថ្ងៃទី២៩ សីហា ដល់ថ្ងៃទី៣ កញ្ញា។ តាមលោកអភិបាលក្រុង ការប្រមូលសំរាមបានវិលទៅរកសភាពដើមវិញហើយនៅថ្ងៃទី៦ កញ្ញា ក្រោយពេលដែលអាជ្ញាធរបានសម្របសម្រួល និងដោះស្រាយជាមួយប្រជាពលរដ្ឋនៅទីលានចាក់សំរាម។
កាលពីថ្ងៃទី២៩ ខែសីហា ប្រជាពលរដ្ឋចំនួន ១៣០នាក់ ដែលប្រកបរបររើសអេតចាយនៅ ទីលានចាក់សំរាម ក្នុងភូមិសាស្ត្រឃុំត្រពាំងធំ ស្រុកប្រាសាទបាគង បានបិទចរាចរណ៍ មិនឲ្យ រថយន្តដឹកសំរាម ចេញចូលក្នុងទីលាន។ ហេតុផលដោយសារក្រុមហ៊ុនសំរាម ហ្គាអ៊ីយ៉ា បានហាមមិនឲ្យប្រជាពលរដ្ឋចូលទៅរើសអេតចាយ ក្នុងរណ្តៅដែលទើបនឹងជីកថ្មី ដែលមានជម្រៅរហូតដល់ទៅជាង ១២ម៉ែត្រ ព្រោះបារម្ភពីគ្រោះថ្នាក់។
អភិបាលក្រុងសៀមរាប លោក សូរ ប្លាតុងបានបញ្ជាក់ថា ដំណោះស្រាយដំបូងនេះ គឺក្រុមហ៊ុនបានអនុញ្ញាតឲ្យពលរដ្ឋ ១៣០នាក់ ចុះរើសអេតចាយក្នុងរណ្តៅនោះធម្មតា ប៉ុន្តែមានអាជ្ញាធរពាក់ព័ន្ធ ចុះត្រួតពិនិត្យ និងណែនាំឲ្យមានការប្រុងប្រយ័ត្នខ្ពស់បំផុត។
គួរបញ្ជាក់ថា ក្រុងសៀមរាបមានសំរាមក្នុងមួយថ្ងៃប្រមាណ ៣០០តោន។ បច្ចុប្បន្នមានតែ ក្រុមហ៊ុន ហ្គាអ៊ីយ៉ា តែមួយប៉ុណ្ណោះ ដែលកំពុងប្រតិបត្តិការដឹកនាំសំរាមចេញពីក្រុងសៀមរាប ដោយប្រើប្រាស់រថយន្តចំនួន ២៧គ្រឿង ទៅចាក់នៅទីលានសំរាមនៅឃុំត្រពាំងធំ ស្រុកប្រាសាទបាគង។ កន្លងមក អាជ្ញាធរធ្លាប់បានបញ្ជាក់ថា សេវាប្រមូលសំរាមនៅក្នុងក្រុង ទេសចរណ៍មួយនេះនៅមានកម្រិតនៅឡើយ និងឲ្យពលរដ្ឋមានការអធ្យាស្រ័យខ្ពស់ យោគយល់ចំពោះភាពយឺតយ៉ាវនៃសេវាប្រមូលសំរាមនេះ៕
លោក សូរ ប្លាតុង អភិបាលក្រុងសៀមរាប បានឲ្យដឹងថា យ៉ាងហោចណាស់មានសំរាមប្រមាណ ៩០០តោន ដែលស្ទះក្នុងក្រុង ក្រោយពេលឡានដឹកសំរាមរបស់ក្រុមហ៊ុន ហ្គាអ៊ីយ៉ា (Gaea) មិនបានចូលដឹកចេញពីក្នុងក្រុង ចាប់ពីថ្ងៃទី២៩ សីហា ដល់ថ្ងៃទី៣ កញ្ញា។ តាមលោកអភិបាលក្រុង ការប្រមូលសំរាមបានវិលទៅរកសភាពដើមវិញហើយនៅថ្ងៃទី៦ កញ្ញា ក្រោយពេលដែលអាជ្ញាធរបានសម្របសម្រួល និងដោះស្រាយជាមួយប្រជាពលរដ្ឋនៅទីលានចាក់សំរាម។
កាលពីថ្ងៃទី២៩ ខែសីហា ប្រជាពលរដ្ឋចំនួន ១៣០នាក់ ដែលប្រកបរបររើសអេតចាយនៅ ទីលានចាក់សំរាម ក្នុងភូមិសាស្ត្រឃុំត្រពាំងធំ ស្រុកប្រាសាទបាគង បានបិទចរាចរណ៍ មិនឲ្យ រថយន្តដឹកសំរាម ចេញចូលក្នុងទីលាន។ ហេតុផលដោយសារក្រុមហ៊ុនសំរាម ហ្គាអ៊ីយ៉ា បានហាមមិនឲ្យប្រជាពលរដ្ឋចូលទៅរើសអេតចាយ ក្នុងរណ្តៅដែលទើបនឹងជីកថ្មី ដែលមានជម្រៅរហូតដល់ទៅជាង ១២ម៉ែត្រ ព្រោះបារម្ភពីគ្រោះថ្នាក់។
អភិបាលក្រុងសៀមរាប លោក សូរ ប្លាតុងបានបញ្ជាក់ថា ដំណោះស្រាយដំបូងនេះ គឺក្រុមហ៊ុនបានអនុញ្ញាតឲ្យពលរដ្ឋ ១៣០នាក់ ចុះរើសអេតចាយក្នុងរណ្តៅនោះធម្មតា ប៉ុន្តែមានអាជ្ញាធរពាក់ព័ន្ធ ចុះត្រួតពិនិត្យ និងណែនាំឲ្យមានការប្រុងប្រយ័ត្នខ្ពស់បំផុត។
គួរបញ្ជាក់ថា ក្រុងសៀមរាបមានសំរាមក្នុងមួយថ្ងៃប្រមាណ ៣០០តោន។ បច្ចុប្បន្នមានតែ ក្រុមហ៊ុន ហ្គាអ៊ីយ៉ា តែមួយប៉ុណ្ណោះ ដែលកំពុងប្រតិបត្តិការដឹកនាំសំរាមចេញពីក្រុងសៀមរាប ដោយប្រើប្រាស់រថយន្តចំនួន ២៧គ្រឿង ទៅចាក់នៅទីលានសំរាមនៅឃុំត្រពាំងធំ ស្រុកប្រាសាទបាគង។ កន្លងមក អាជ្ញាធរធ្លាប់បានបញ្ជាក់ថា សេវាប្រមូលសំរាមនៅក្នុងក្រុង ទេសចរណ៍មួយនេះនៅមានកម្រិតនៅឡើយ និងឲ្យពលរដ្ឋមានការអធ្យាស្រ័យខ្ពស់ យោគយល់ចំពោះភាពយឺតយ៉ាវនៃសេវាប្រមូលសំរាមនេះ៕
Tag:
សំរាម
សូរ ប្លាតុង
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
1 សប្តាហ៍
