ពីនេះ ពីនោះ
ព័ត៍មានសុខភាព
ជំងឺលើសសម្ពាធឈាម ជាជំងឺឈាមត្រជាក់ ប៉ុន្តែអាចសម្គាល់ដឹង
×
ជំងឺលើសសម្ពាធឈាមកើតឡើងនៅពេលដែលសម្ពាធឈាមដែលធ្លាប់តែមានកម្រិតធម្មតាបែរជាកើនឡើងខ្ពស់។ ជំងឺនេះជាទូទៅ គឺជាជំងឺស្ងៀមស្ងាត់ ដែលជាហេតុនាំឲ្យអ្នកជំងឺភាគច្រើនមិនបានដឹងថាខ្លួនឯងមានជំងឺនេះឡើយដោយសារតែវាគ្មានបង្ករោគសញ្ញា។ វាអាចនឹងត្រូវការពេលច្រើនឆ្នាំ ឬគ្រប់គ្រាន់នឹងដល់កម្រិតមួយធ្ងន់ធ្ងរ ទើបចេញជារោគសញ្ញាជាក់ស្តែង។
លក្ខណៈសម្គាល់ជំងឺឡើសសម្ពាធឈាមដែលយើងគួរតែកត់ចំណាំនោះមានដូចជា៖
• ឈឺក្បាល
• ពិបាកដកដង្ហើម
• ឈាមច្រមុះ
• ក្តៅពេញខ្លួន
• វិលមុខ
• ឈឺក្នុងទ្រូង
• បម្រែបម្រួលគំហើញ
• មានឈាមក្នុងទឹកនោម
រោគសញ្ញាទាំងនេះមិនកើតឡើងលើអ្នកជំងឺគ្រប់គ្នាទេ ប៉ុន្តែការរងចាំដល់តែឃើញជំងឺនេះតែម្តងនោះអាចជារឿងគ្រោះថ្នាក់បាន។ មធ្យោបាយដ៏ល្អបំផុតដើម្បីដឹងថាមានជំងឺឡើសសម្ពាធឈាមឬអត់នោះ គឺត្រូវវាស់សម្ពាធឈាមជាទៀងទាត់។
បើសិនជាអ្នកត្រូវទៅជួបជាមួយគ្រូពេទ្យជារៀងរាល់មួយឆ្នាំម្តង ចូរពិគ្រោះជាមួយគាត់អំពីការប្រឈមមុខនៃជំងឺនេះ និងលទ្ធផលផ្សេងៗពីការវាស់សម្ពាធឈាមនៅផ្ទះដោយខ្លួនឯង។
ឧទាហរណ៍ បើសិនជាអ្នកមានគ្រួសារធ្លាប់មានជំងឺលើសសម្ពាធឈាម ឬមានកត្តាប្រឈមនឹងជំងឺនេះ តម្រូវការវាស់សម្ពាធឈាមរបស់អ្នកអាចនឹងត្រូវធ្វើឡើងពីរដងក្នុងមួយឆ្នាំ។ វានឹងជួយឲ្យអ្នក និងគ្រូពេទ្យអាចរកឃើញអាការៈច្រើនមុននឹងវាបង្កជាបញ្ហាធ្ងន់ធ្ងរ៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com