សម្ដេច ហ៊ុន សែន ៖តំណាងរាស្ត្រCNRPម្នាក់ ដែលមាននៅក្នុងបញ្ជីឈ្មោះឆ្នាំ២០១៣ បានរត់ឆ្លងដែនទៅថៃ

ជាតិ

សម្ដេច ហ៊ុន សែន ៖តំណាងរាស្ត្រCNRPម្នាក់ ដែលមាននៅក្នុងបញ្ជីឈ្មោះឆ្នាំ២០១៣ បានរត់ឆ្លងដែនទៅថៃ

11, Sep 2017 , 9:33 am

រូបភាព

ដោយ: ធឿន បញ្ញាឬទិ្ធ

ភ្នំពេញ៖ ពីពិធីប្រគល់សញ្ញាបត្រដល់និស្សិតនៃសកលវិទ្យាល័យវិទ្យាសាស្ត្រសុខាភិបាល នៅព្រឹកថ្ងៃទី ១១ កញ្ញា សម្ដេចនាយករដ្ឋមន្ត្រី ហ៊ុន សែន បាននិយាយថា តំណាងរាស្ត្រគណបក្សសង្គ្រោះជាតិម្នាក់ ដែលជាប់ពាក់ព័ន្ធនឹងករណីឯកឧត្តម កឹម សុខា បានចេញពីកម្ពុជាឆ្លងដែនចូលទឹកដីថៃ។ បើតាមសម្ដេច ហ៊ុន សែន តំណាងរាស្ត្រគណបក្សសង្គ្រោះជាតិ ដែលបានឆ្លងដែនទៅថៃនេះ គឺមានឈ្មោះនៅក្នុងបញ្ជីពាក់ព័ន្ធនឹងករណីប្រធានបក្សប្រឆាំង កាលពីឆ្នាំ២០១៣។

ប្រមុខរដ្ឋាភិបាល បានបញ្ជាក់ដូច្នេះថា៖«ហើយសូមអ្នកដែលបានឆ្លងដែន នៅម៉ោង៥៖២០នាទី កាលម្សិលមិញ ជាតំណាងរាស្ត្រដែលរត់ចេញទៅប្រទេសថៃ គួរតែមកវិញ ព្រោះខ្លួនឯងមានបញ្ជីឈ្មោះ នៃការចែកនំបុ័ងកាលពីឆ្នាំ២០១៣។ ហើយក៏មាន(តំណាងរាស្ត្រ)មួយចំនួនចេះតែចាកចេញ និងមានខ្លះនៅក្លាហាន មានអ្នកខ្លះក៏ភ័យដែរ ព្រោះរឿងនេះវាមិនមែនរឿងតូច»។

សូមស្ដាប់សំឡេង៖