ពីនេះ ពីនោះ
×![]()
ដោយ: ថ្មីៗ
ជាទូទៅមនុស្សកាន់តែលែងមានទំនុកចិត្តលើខ្លួនឯង នៅពេលដែលពួកគេជួប ឬនិយាយជាមួយបុគ្គលដែលមានអំណាច (ចំណេះដឹង, លុយ និងបុណ្យសក្តិ) ធំជាងខ្លួន និងនៅពេលដែលនិយាយនៅក្នុងចំណោមមហាជនរាប់រយនាក់ ឬធ្វើកិច្ចការណាមួយដែលពួកគេគិតថា ធំហួសពីសមត្ថភាពរបស់ខ្លួន។ ការគ្មានទំនុកចិត្តលើខ្លួនឯងបែបនេះ នឹងធ្វើឱ្យពួកគេកាន់តែមានអារម្មណ៍ភ័យខ្លាច, បាក់ទឹកចិត្ត, និងមិនជឿជាក់លើសមត្ថភាពរបស់ខ្លួន។ល។ គន្លឹះខាងក្រោមនេះ នឹងអាចជួយលោកអ្នកឱ្យមានទំនុកចិត្តលើខ្លួនឯងកាន់តែខ្លាំង៖
១) កុំមើលងាយខ្លួនឯង៖ ការមិនចុះញ៉ម, មិនរួញរា, មិនបន្ទច់បង្អាប់ខ្លួនឯង និងក្លាហានក្នុងការធ្វើកិច្ចការអ្វីមួយ ឬនិយាយជាសាធារណៈនៅចំពោះមុខមហាជនច្រើនរយនាក់ ដោយមិនខ្លាចអ្នកដទៃសើចចំអក គឺជាការផ្តល់តម្លៃ និងទំនុកចិត្តដ៏ធំមួយ មកលើខ្លួនឯង។
២) មើលពីចំណុចល្អរបស់ខ្លួន៖ អ្នកត្រូវគិតថា នៅលើលោកនេះគ្មាននរណាម្នាក់ដែលល្អឥតខ្ចោះ និងចេះគ្រប់ដប់នោះទេ ពោលគឺមនុស្សម្នាក់ៗតែងតែមានចំណុចពិសេស ឬទេព្យកោសល្យរៀងៗខ្លួន។ ដូច្នេះ មុនចឹងចាប់ផ្តើមធ្វើអ្វីមួយ អ្នកត្រូវគិតបែបវិជ្ជមានដោយអ្នកយល់ថា អ្វីដែលអ្នកកំពុងធ្វើ គឺត្រឹមត្រូវ ហើយអ្នកអាចធ្វើវាបាន ដូច្នេះ អ្នកត្រូវតែតាំងចិត្ត, អត់ធ្មត់, ខំធ្វើវា ប្រកបដោយភាពប្រាកដនិយម និងជឿជាក់សម្ថភាពលើរបស់ខ្លួន។
៣) ត្រៀមលក្ខណៈមុននឹងធ្វើអ្វីមួយ៖ ការត្រៀមលក្ខណៈទុកមុន គឺជាផ្នែកមួយដ៏សំខាន់ ពីព្រោះនៅពេលដែលអ្នកបានត្រៀមចិត្ត, ត្រៀមគំនិត និងរៀបចំកិច្ចការនោះរួចជាស្រេចដើម្បីបំពេញវា ពេលនោះអ្វីៗ គឺហាក់បីដូចជារួចរាល់ហើយ។ ដូច្នេះ អ្នកប្រាកដជាមានទំនុកចិត្តច្រើនក្នុងការបំពេញកិច្ចការនោះ ដោយមិនមានបញ្ហា ឬមានកង្វល់នៅក្នុងចិត្តច្រើនឡើយ។
៤) ត្រូវមានទំនុកចិត្ត និងជឿជាក់លើសមត្ថភាពរបស់ខ្លួន៖ បើធ្វើអ្វីមួយត្រូវធ្វើឱ្យដល់ទីបញ្ចប់ បើទោះជាត្រូវចំណាពេលតិច ឬច្រើនក៏ដោយ ដាច់ខាតកុំបោះបង់វាចោល។ ការប្តេជ្ញាចិត្តបែបនេះ គឺជាកម្លាំងចិត្តដ៏ធំមួយ ដែលធ្វើឱ្យអ្នកមានទំនុកចិត្តយ៉ាងមុតមាំលើខ្លួនឯងក្នុងការធ្វើកិច្ចការអ្វីមួយឱ្យជោគជ័យ។ ម្យ៉ាងទៀត អ្នកត្រូវប្តេជ្ញាចិត្តថា គេអាចធ្វើបាន ខ្ញុំក៏អាចធ្វើបានដែរ។ យ៉ាងហោចណាស់ ក៏ត្រូវជឿជាក់លើសមត្ថភាពរបស់ខ្លួនថា ប្រសិនបើ ខ្ញុំធ្វើមិនបានល្អដូចគេ ក៏ខ្ញុំអាចធ្វើបានប្រហាក់ប្រែលនឹងគេដែរ។
៥) ការអនុវត្ត៖ ការអនុវត្តន៍ គឺជាដំណាក់កាលចុងក្រោយ ដែលអ្នកត្រូវតែចាប់ផ្តើមហាត់សមធ្វើកិច្ចការនោះដដែលៗឲ្យក្លាយទៅជាទម្លាប់ រហូតដល់ពេលដែលអ្នកដឹងថា ខ្លួនឯងលេងភ័យក្លាច ហើយមានទំនុចចិត្ត និងជឿជាក់លើខ្លួនកាន់តែខ្លាំង ដោយអ្នកប្រាកដក្នុងចិត្តថា «ខ្ញុំអាចធ្វើកិច្ចការនោះបានយ៉ាងល្អបំផុត»៕
១) កុំមើលងាយខ្លួនឯង៖ ការមិនចុះញ៉ម, មិនរួញរា, មិនបន្ទច់បង្អាប់ខ្លួនឯង និងក្លាហានក្នុងការធ្វើកិច្ចការអ្វីមួយ ឬនិយាយជាសាធារណៈនៅចំពោះមុខមហាជនច្រើនរយនាក់ ដោយមិនខ្លាចអ្នកដទៃសើចចំអក គឺជាការផ្តល់តម្លៃ និងទំនុកចិត្តដ៏ធំមួយ មកលើខ្លួនឯង។
២) មើលពីចំណុចល្អរបស់ខ្លួន៖ អ្នកត្រូវគិតថា នៅលើលោកនេះគ្មាននរណាម្នាក់ដែលល្អឥតខ្ចោះ និងចេះគ្រប់ដប់នោះទេ ពោលគឺមនុស្សម្នាក់ៗតែងតែមានចំណុចពិសេស ឬទេព្យកោសល្យរៀងៗខ្លួន។ ដូច្នេះ មុនចឹងចាប់ផ្តើមធ្វើអ្វីមួយ អ្នកត្រូវគិតបែបវិជ្ជមានដោយអ្នកយល់ថា អ្វីដែលអ្នកកំពុងធ្វើ គឺត្រឹមត្រូវ ហើយអ្នកអាចធ្វើវាបាន ដូច្នេះ អ្នកត្រូវតែតាំងចិត្ត, អត់ធ្មត់, ខំធ្វើវា ប្រកបដោយភាពប្រាកដនិយម និងជឿជាក់សម្ថភាពលើរបស់ខ្លួន។
៣) ត្រៀមលក្ខណៈមុននឹងធ្វើអ្វីមួយ៖ ការត្រៀមលក្ខណៈទុកមុន គឺជាផ្នែកមួយដ៏សំខាន់ ពីព្រោះនៅពេលដែលអ្នកបានត្រៀមចិត្ត, ត្រៀមគំនិត និងរៀបចំកិច្ចការនោះរួចជាស្រេចដើម្បីបំពេញវា ពេលនោះអ្វីៗ គឺហាក់បីដូចជារួចរាល់ហើយ។ ដូច្នេះ អ្នកប្រាកដជាមានទំនុកចិត្តច្រើនក្នុងការបំពេញកិច្ចការនោះ ដោយមិនមានបញ្ហា ឬមានកង្វល់នៅក្នុងចិត្តច្រើនឡើយ។
៤) ត្រូវមានទំនុកចិត្ត និងជឿជាក់លើសមត្ថភាពរបស់ខ្លួន៖ បើធ្វើអ្វីមួយត្រូវធ្វើឱ្យដល់ទីបញ្ចប់ បើទោះជាត្រូវចំណាពេលតិច ឬច្រើនក៏ដោយ ដាច់ខាតកុំបោះបង់វាចោល។ ការប្តេជ្ញាចិត្តបែបនេះ គឺជាកម្លាំងចិត្តដ៏ធំមួយ ដែលធ្វើឱ្យអ្នកមានទំនុកចិត្តយ៉ាងមុតមាំលើខ្លួនឯងក្នុងការធ្វើកិច្ចការអ្វីមួយឱ្យជោគជ័យ។ ម្យ៉ាងទៀត អ្នកត្រូវប្តេជ្ញាចិត្តថា គេអាចធ្វើបាន ខ្ញុំក៏អាចធ្វើបានដែរ។ យ៉ាងហោចណាស់ ក៏ត្រូវជឿជាក់លើសមត្ថភាពរបស់ខ្លួនថា ប្រសិនបើ ខ្ញុំធ្វើមិនបានល្អដូចគេ ក៏ខ្ញុំអាចធ្វើបានប្រហាក់ប្រែលនឹងគេដែរ។
៥) ការអនុវត្ត៖ ការអនុវត្តន៍ គឺជាដំណាក់កាលចុងក្រោយ ដែលអ្នកត្រូវតែចាប់ផ្តើមហាត់សមធ្វើកិច្ចការនោះដដែលៗឲ្យក្លាយទៅជាទម្លាប់ រហូតដល់ពេលដែលអ្នកដឹងថា ខ្លួនឯងលេងភ័យក្លាច ហើយមានទំនុចចិត្ត និងជឿជាក់លើខ្លួនកាន់តែខ្លាំង ដោយអ្នកប្រាកដក្នុងចិត្តថា «ខ្ញុំអាចធ្វើកិច្ចការនោះបានយ៉ាងល្អបំផុត»៕
© រក្សាសិទ្ធិដោយ thmeythmey.com
