ជាតិ
លោក William Heidt ៖អ្នកស្ម័គ្រចិត្ត Peace Corps ចូលរួមកសាងទំនាក់ទំនងកម្ពុជា-អាមេរិក ឲ្យកាន់តែមាំ
×![]()
ដោយ: ខន ចំប៉ា
អ្នកស្ម័គ្រចិត្តរបស់ទីភ្នាក់ងារ Peace Corps ចំនួន៧១នាក់ទៀត បានស្បថចូលធ្វើការងារនៅសហគមន៍ជនបទកម្ពុជា នៅថ្ងៃទី១៥ ខែកញ្ញានេះ។ ពួកគេ នឹងត្រូវរស់នៅជាមួយគ្រួសារម្ចាស់ផ្ទះ នៅតាមសហគមន៍ជនបទ រយៈពេល២ឆ្នាំ ដើម្បីជួយឲ្យពួកគេអាចសម្រមខ្លួនទៅក្នុងសហគមន៍ រៀនពីវប្បធម៌ ប្រពៃណី និងរៀននិយាយភាសាខ្មែរ។ នៅក្នុងពិធីស្បថនេះ លោក William Heidt ឯកអគ្គរដ្ឋទូតសហរដ្ឋអាមេរិកប្រចាំកម្ពុជា បានគូសបញ្ជាក់ថា អ្នកស្ម័គ្រចិត្ត Peace Corps ដែលតំណាងឲ្យពលរដ្ឋអាមេរិក គឺជាផ្នែកមួយក្នុងការកសាងទំនាក់ទំនងរវាងកម្ពុជា និងអាមេរិក ឲ្យកាន់តែរឹងមាំ។
នៅថ្ងៃទី១៥ ខែកញ្ញានេះ អ្នកស្ម័គ្រចិត្តនៃទីភ្នាក់ងារ Peace Corps ចំនួន៧១នាក់ទៀត បានស្បថចូលបំពេញការងាររបស់ខ្លួន ក្នុងនាមជាគ្រូបង្រៀនភាសាអង់គ្លេស និងអ្នកអប់រំសុខភាពនៅតាមមណ្ឌលសុខភាពក្នុងសហគមន៍ជនបទរបស់កម្ពុជា។ អ្នកស្ម័គ្រចិត្តរបស់ទីភ្នាក់ងារ Peace Corps ត្រូវធ្វើការនៅទីនោះរយៈពេល២ឆ្នាំ នៅតាមសហគមន៍ជនបទ ក្នុងបណ្តាខេត្តនានានៅកម្ពុជា និងរស់នៅជាមួយគ្រួសារខ្មែរ ដើម្បីឲ្យពួគគេ សម្រមខ្លួនទៅក្នុងសហគមន៍ រៀនពីវប្បធម៌ ប្រពៃណី និងរៀននិយាយភាសាខ្មែរ។
នៅក្នុងពិធីស្បថនេះ លោក William Heidt ឯកអគ្គរដ្ឋទូតសហរដ្ឋអាមេរិកប្រចាំប្រទេសកម្ពុជា បានថ្លែងថា លោករីករាយនៅពេលដែលអ្នកស្ម័គ្រចិត្ត Peace Corps បានលះបង់ពេលវេលា និងកម្លាំងកាយពួកគេ ក្នុងការកសាងទំនាក់ទំនងរវាងកម្ពុជា និងអាមេរិក។ លោកបន្ថែមថា អ្នកស្ម័គ្រចិត្ត Peace Corps គឺជាតំណាងនៃពលរដ្ឋអាមេរិក ក្នុងការបង្កើនទំនាក់ទំនងគ្នា ស្វែងរកសន្តិភាព និងមិត្តភាពរវាងប្រទេសទាំងពីរ ឲ្យឈរយ៉ាងរឹងមាំ។ លោកឯកអគ្គរដ្ឋទូត បញ្ជាក់ដូច្នេះ៖«ខ្ញុំរីករាយណាស់ ដែលថ្ងៃនេះ អ្នកស្ម័គ្រចិត្តរបស់ទីភ្នាក់ងារ Peace Corpsចំនួន៧១នាក់ ដែលតាំងចិត្តធ្វើឲ្យខ្លួនឯងក្លាយជាផ្នែកមួយនៃការកសាងទំនាក់ទំនងរវាងកម្ពុជា និងអាមេរិក ចែករំលែកបទពិសោធន៍ជីវិតនៅក្នុងសហគមន៍ នៅសាលារៀន និងមណ្ឌលសុខភាព ដែលធ្វើឲ្យប្រទេសទាំងពីរ យល់ពីគ្នាកាន់តែប្រសើរឡើង»។
ក្នុងពិធីនោះដែរ អ្នកស្រី Paula Albertson នាយកទីភ្នាក់ងារ Peace Corps ប្រចាំកម្ពុជា បានស្នើឲ្យអ្នកស្ម័គ្រចិត្តទាំង៧១នាក់ ដែលជាតំណាងឲ្យពលរដ្ឋអាមេរិក ត្រូវចាត់ទុកការងារនេះអាទិភាព ធ្វើប្រឹងប្រែងធ្វើការដោយការទទួលខុសត្រូវ។
ទីភ្នាក់ងារ Peace Corps បានបញ្ជូនអ្នកស្ម័គ្រចិត្តរបស់ខ្លួន ឲ្យមកធ្វើការងារនៅក្នុងសហគមន៍នៅកម្ពុជា ចាប់តាំងពីឆ្នាំ២០០៦មក។ មកទល់ពេលនេះ មានអ្នកស្ម័គ្រចិត្តចំនួន៥០២នាក់ហើយ ដែលបានមកធ្វើការនៅកម្ពុជា ដោយពួកគេបានបង្រៀនភាសាអង់គ្លេស និងបណ្តុះបណ្តាលគ្រូ និងអ្នកអប់រំសុខភាពតាមមណ្ឌលសុខភាពនានាក្នុងសហគមន៍។
បង្កើតឡើងនៅឆ្នាំ១៩៦១ ដោយអតីតប្រធានាធិបតីអាមេរិក John F. Kennedy ទីភ្នាក់ងារ Peace Corps មានគោលដៅជំរុញសន្តិភាព និងមិត្តភាពក្នុងពិភពលោក និកសាងសមត្ថភាពរបស់មនុស្សប្រុស ស្រី នៅក្នុងប្រទេសដែលមានការពាក់ព័ន្ធ និងលើកកម្ពស់ ការយល់គ្នា រវាងសហរដ្ឋអាមេរិក និងប្រទេសដទៃ៕
នៅថ្ងៃទី១៥ ខែកញ្ញានេះ អ្នកស្ម័គ្រចិត្តនៃទីភ្នាក់ងារ Peace Corps ចំនួន៧១នាក់ទៀត បានស្បថចូលបំពេញការងាររបស់ខ្លួន ក្នុងនាមជាគ្រូបង្រៀនភាសាអង់គ្លេស និងអ្នកអប់រំសុខភាពនៅតាមមណ្ឌលសុខភាពក្នុងសហគមន៍ជនបទរបស់កម្ពុជា។ អ្នកស្ម័គ្រចិត្តរបស់ទីភ្នាក់ងារ Peace Corps ត្រូវធ្វើការនៅទីនោះរយៈពេល២ឆ្នាំ នៅតាមសហគមន៍ជនបទ ក្នុងបណ្តាខេត្តនានានៅកម្ពុជា និងរស់នៅជាមួយគ្រួសារខ្មែរ ដើម្បីឲ្យពួគគេ សម្រមខ្លួនទៅក្នុងសហគមន៍ រៀនពីវប្បធម៌ ប្រពៃណី និងរៀននិយាយភាសាខ្មែរ។
នៅក្នុងពិធីស្បថនេះ លោក William Heidt ឯកអគ្គរដ្ឋទូតសហរដ្ឋអាមេរិកប្រចាំប្រទេសកម្ពុជា បានថ្លែងថា លោករីករាយនៅពេលដែលអ្នកស្ម័គ្រចិត្ត Peace Corps បានលះបង់ពេលវេលា និងកម្លាំងកាយពួកគេ ក្នុងការកសាងទំនាក់ទំនងរវាងកម្ពុជា និងអាមេរិក។ លោកបន្ថែមថា អ្នកស្ម័គ្រចិត្ត Peace Corps គឺជាតំណាងនៃពលរដ្ឋអាមេរិក ក្នុងការបង្កើនទំនាក់ទំនងគ្នា ស្វែងរកសន្តិភាព និងមិត្តភាពរវាងប្រទេសទាំងពីរ ឲ្យឈរយ៉ាងរឹងមាំ។ លោកឯកអគ្គរដ្ឋទូត បញ្ជាក់ដូច្នេះ៖«ខ្ញុំរីករាយណាស់ ដែលថ្ងៃនេះ អ្នកស្ម័គ្រចិត្តរបស់ទីភ្នាក់ងារ Peace Corpsចំនួន៧១នាក់ ដែលតាំងចិត្តធ្វើឲ្យខ្លួនឯងក្លាយជាផ្នែកមួយនៃការកសាងទំនាក់ទំនងរវាងកម្ពុជា និងអាមេរិក ចែករំលែកបទពិសោធន៍ជីវិតនៅក្នុងសហគមន៍ នៅសាលារៀន និងមណ្ឌលសុខភាព ដែលធ្វើឲ្យប្រទេសទាំងពីរ យល់ពីគ្នាកាន់តែប្រសើរឡើង»។
ក្នុងពិធីនោះដែរ អ្នកស្រី Paula Albertson នាយកទីភ្នាក់ងារ Peace Corps ប្រចាំកម្ពុជា បានស្នើឲ្យអ្នកស្ម័គ្រចិត្តទាំង៧១នាក់ ដែលជាតំណាងឲ្យពលរដ្ឋអាមេរិក ត្រូវចាត់ទុកការងារនេះអាទិភាព ធ្វើប្រឹងប្រែងធ្វើការដោយការទទួលខុសត្រូវ។
ទីភ្នាក់ងារ Peace Corps បានបញ្ជូនអ្នកស្ម័គ្រចិត្តរបស់ខ្លួន ឲ្យមកធ្វើការងារនៅក្នុងសហគមន៍នៅកម្ពុជា ចាប់តាំងពីឆ្នាំ២០០៦មក។ មកទល់ពេលនេះ មានអ្នកស្ម័គ្រចិត្តចំនួន៥០២នាក់ហើយ ដែលបានមកធ្វើការនៅកម្ពុជា ដោយពួកគេបានបង្រៀនភាសាអង់គ្លេស និងបណ្តុះបណ្តាលគ្រូ និងអ្នកអប់រំសុខភាពតាមមណ្ឌលសុខភាពនានាក្នុងសហគមន៍។
បង្កើតឡើងនៅឆ្នាំ១៩៦១ ដោយអតីតប្រធានាធិបតីអាមេរិក John F. Kennedy ទីភ្នាក់ងារ Peace Corps មានគោលដៅជំរុញសន្តិភាព និងមិត្តភាពក្នុងពិភពលោក និកសាងសមត្ថភាពរបស់មនុស្សប្រុស ស្រី នៅក្នុងប្រទេសដែលមានការពាក់ព័ន្ធ និងលើកកម្ពស់ ការយល់គ្នា រវាងសហរដ្ឋអាមេរិក និងប្រទេសដទៃ៕
Tag:
William Heidt
Peace Corps
កម្ពុជា-អាមេរិក
© រក្សាសិទ្ធិដោយ thmeythmey.com
