អន្តរជាតិ
លិខិតឆ្លងដែនប្រទេសណាដែលមានឥទ្ធិពលបំផុតរបស់ពិភពលោក និងតំបន់អាស៊ាន?
× អាល្លឺម៉ង់ បានក្លាយជាប្រទេសដែលមានលិខិតឆ្លងដែនដ៏មានឥទ្ធិពលបំផុតរបស់ពិភពលោក ខណៈ ឥទ្ធិពលលិខិតឆ្លងដែនសិង្ហបុរី ស្ថិតនៅក្នុងលំដាប់ទីពីរបន្ទាប់ពីអាល្លឺម៉ង់ និងស្ថិតនៅលំដាប់ទីមួយប្រើប្រៀបធៀបក្នុងក្របខណ្ឌរបស់អាស៊ាន។ នេះបើយោងតាមរបាយការណ៍ស្ទាបស្ទង់ស្តីពីចំណាត់ថ្នាក់ឥទ្ធិពលលិខិតឆ្លងដែនសកលឆ្នាំ២០១៧ (Global Passport Power Rank 2017)។
ក្រុមហ៊ុនប្រឹក្សាហិរញ្ញវត្ថុសកល Arton នៅដើមឆ្នាំ២០១៧ បានចេញផ្សាយរបាយការណ៍ស្តីពីចំណាត់ថ្នាក់នៃឥទ្ធិពលលិខិតឆ្លងដែនសកលឆ្នាំ២០១៧របស់ប្រទេស១៩៣ និងតំបន់ស្វយ័តចំនួន៦។ របាយការណ៍ស្ទាបស្ទង់ និងការធ្វើចំណាត់ថ្នាក់នេះ ត្រូវបានធ្វើឡើងដោយផ្អែកលើចំនួនប្រទេសដែលអ្នកកាន់លិខិតឆ្លងដែននីមួយៗអាចចូលទៅធ្វើដំណើរ ឬកម្សាន្តដោយមិនចាំបាច់ទិដ្ឋាការ ឬកន្លែងដែលអ្នកប្រើប្រាស់ទិដ្ឋាការសម្រាប់ការទៅដល់របស់ពួកគេ។
Global Passport Power Rank 2017 បានបង្ហាញថា អាល្លឺម៉ង បានជាប់ចំណាត់ថ្នាក់ទីមួយ ជាមួយនឹងពិន្ទុសរុបលើកលែងទិដ្ឋាការ ១៥៨ ពោលគឺអាល្លឺម៉ង គឺជាប្រទេសដែលមានលិខិតឆ្លងដែន មានឥទ្ធិពលខ្លាំងជាងគេរបស់ពិភពលោក។ អ្វីគួរកត់សម្គាល់នោះ សិង្ហបុរី ដែលជាប្រទេសអ្នកមានជាងគេនៅអាស៊ីអាគ្នេយ៍នោះ ក៏ជាប្រទេសដែលមានលិខិតឆ្លងដែនដ៏មានឥទ្ធិពលលំដាប់ទីពីររបស់ពិភពលោកផងដែរ។
យ៉ាងណាក៏ដោយ បើនិយាយក្នុងក្របខណ្ឌអាស៊ានវិញ សិង្ហបុរី បានស្ថិតនៅក្នុងលំដាប់ទីមួយ ខណៈ មីយ៉ាន់ម៉ា ស្ថិតនៅបាតតារាង។ ខាងក្រោមនេះ គឺជាចំណាត់ថ្នាក់ឥទ្ធិពលនៃលិខិតឆ្លងដែនរបស់ប្រទេសអាស៊ានឆ្នាំ២០១៧ក្នុងចំណោមប្រទេស១៩៣ និងតំបន់ស្វយ័ត៦ ដែលវាយតម្លៃដោយ Arton៖
១. សិង្ហបុរី ស្ថិតនៅក្នុងចំណាត់ថ្នាក់ទី ២
២. ម៉ាឡេស៊ី ស្ថិតនៅក្នុងចំណាត់ថ្នាក់ទី ៥
៣. ព្រុយណេ ស្ថិតនៅក្នុងចំណាត់ថ្នាក់ទី ២០
៤. ថៃ ស្ថិតនៅក្នុងចំណាត់ថ្នាក់ទី ៥៨
៥. ហ្វីលីពីន ស្ថិតនៅក្នុងចំណាត់ថ្នាក់ទី ៦៧
៦. ឥណ្ឌូណេស៊ី ស្ថិតនៅក្នុងចំណាត់ថ្នាក់ទី ៦៩
៧. កម្ពុជា ស្ថិតនៅក្នុងចំណាត់ថ្នាក់ទី ៧៩
៨. វៀតណាម ស្ថិតនៅក្នុងចំណាត់ថ្នាក់ទី ៧៩
៩. ឡាវ ស្ថិតនៅក្នុងចំណាត់ថ្នាក់ទី ៨២
១០. មីយ៉ាន់ម៉ា ស្ថិតនៅក្នុងចំណាត់ថ្នាក់ទី ៨៧៕
Tag:
អាស៊ាន
លិខិតឆ្លងដែន
© រក្សាសិទ្ធិដោយ thmeythmey.com