ជាតិ
×![]()
ដោយ: ថ្មីៗ
ភ្នំពេញ៖ លោក ហ៊ុន ម៉ាណែត កូនប្រុសច្បងរបស់នាយករដ្ឋមន្ត្រី បានដឹកនាំប្រតិភូទៅបំពេញទស្សនកិច្ចផ្លូវការនៅក្រសួងការពារជាតិបារាំង នាប្រទេសបារាំង ចាប់ពីថ្ងៃទី ២១ ខែកញ្ញានេះ ។ ដំណើរទស្សនកិច្ចនេះ តបតាមការអញ្ជើញរបស់ក្រសួងការពារជាតិបារាំង។
ដំណើរទស្សនកិច្ចនេះ មានការសម្របសម្រួលពីលោក ចែម វិឌ្យ៉ា ឯកអគ្គរាជទូតកម្ពុជា ប្រចាំសាធារណរដ្ឋបារាំង។ ក្នុងដំណើរទស្សនកិច្ចរបស់លោក ហ៊ុន ម៉ាណែត នេះ មានគោលបំណងរឹតបន្តឹងចំណងមិត្តភាព សាមគ្គីភាព និងកិច្ចសហប្រតិបត្តិការល្អ រវាងកម្ពុជា-បារាំង។ ក្នុងអំឡុងទស្សនកិច្ចនេះ លោក ហ៊ុន ម៉ាណែត នឹងជួបពិភាក្សាការងារជាមួយលោក ឧត្តមសនីយ៍ Gen. Philippe ERRERA អគ្គនាយកនៃអគ្គនាយកដ្ឋានទំនាក់ទំនងអន្តរជាតិ និងយុទ្ធសាស្ត្រ (DGRIS) នៃក្រសួងការពារជាតិបារាំងនៅទីក្រុង ប៉ារីស រួមទាំងជួបជាមួយ លោកឧត្តមសេនីយ៍ Gen. Patrick COLLET នាយសេនាធិការប្រចាំតំបន់ Occitanie នៅទីក្រុង Toulouse។
ជាមួយគ្នានេះ លោក ហ៊ុន ម៉ាណែត នឹងជួបពិភាក្សាការងារជាមួយ Madame Marie-France MARCHAND-BAYLET ប្រធានអគ្គនាយិកា Groupe La Dépèche du Midi ផងដែរ។ ក្នុងដំណើរទស្សនកិច្ចដដែលនេះ លោក ហ៊ុន ម៉ាណែត និងគណៈប្រតិភូ ត្រូវបានអនុញ្ញាតឲ្យចូលជួបពិភាក្សាការងារមួយ លោក M.Michel HERBILLON តំណាងរាស្ត្រ និងជាប្រធានសមាគមមិត្តភាពបារាំង-កម្ពុជា នៅវិមានរដ្ឋសភាបារាំង។
សូមបញ្ជាក់ថា ដំណើរទស្សនកិច្ចខាងលើនេះ ជាដំណើរទស្សនកិច្ចលើកទី៣ហើយ ទៅកាន់បណ្ដាប្រទេសនៅទ្វីបអឺរ៉ុប។ ក្រៅពីដំណើរទស្សនកិច្ចលើកនេះ លោក ហ៊ុន ម៉ាណែត មានគម្រោងជួបជាមួយយុវជន និងនិស្សិតខ្មែរ ពាណិជ្ជករខ្មែរ-ចិន និងពលរដ្ឋខ្មែរ ជាច្រើន នៅតាមប្រទេសមួយចំនួនទៀត ក្នុងទ្វីបអឺរ៉ុបផងដែរ៕
ដំណើរទស្សនកិច្ចនេះ មានការសម្របសម្រួលពីលោក ចែម វិឌ្យ៉ា ឯកអគ្គរាជទូតកម្ពុជា ប្រចាំសាធារណរដ្ឋបារាំង។ ក្នុងដំណើរទស្សនកិច្ចរបស់លោក ហ៊ុន ម៉ាណែត នេះ មានគោលបំណងរឹតបន្តឹងចំណងមិត្តភាព សាមគ្គីភាព និងកិច្ចសហប្រតិបត្តិការល្អ រវាងកម្ពុជា-បារាំង។ ក្នុងអំឡុងទស្សនកិច្ចនេះ លោក ហ៊ុន ម៉ាណែត នឹងជួបពិភាក្សាការងារជាមួយលោក ឧត្តមសនីយ៍ Gen. Philippe ERRERA អគ្គនាយកនៃអគ្គនាយកដ្ឋានទំនាក់ទំនងអន្តរជាតិ និងយុទ្ធសាស្ត្រ (DGRIS) នៃក្រសួងការពារជាតិបារាំងនៅទីក្រុង ប៉ារីស រួមទាំងជួបជាមួយ លោកឧត្តមសេនីយ៍ Gen. Patrick COLLET នាយសេនាធិការប្រចាំតំបន់ Occitanie នៅទីក្រុង Toulouse។
ជាមួយគ្នានេះ លោក ហ៊ុន ម៉ាណែត នឹងជួបពិភាក្សាការងារជាមួយ Madame Marie-France MARCHAND-BAYLET ប្រធានអគ្គនាយិកា Groupe La Dépèche du Midi ផងដែរ។ ក្នុងដំណើរទស្សនកិច្ចដដែលនេះ លោក ហ៊ុន ម៉ាណែត និងគណៈប្រតិភូ ត្រូវបានអនុញ្ញាតឲ្យចូលជួបពិភាក្សាការងារមួយ លោក M.Michel HERBILLON តំណាងរាស្ត្រ និងជាប្រធានសមាគមមិត្តភាពបារាំង-កម្ពុជា នៅវិមានរដ្ឋសភាបារាំង។
សូមបញ្ជាក់ថា ដំណើរទស្សនកិច្ចខាងលើនេះ ជាដំណើរទស្សនកិច្ចលើកទី៣ហើយ ទៅកាន់បណ្ដាប្រទេសនៅទ្វីបអឺរ៉ុប។ ក្រៅពីដំណើរទស្សនកិច្ចលើកនេះ លោក ហ៊ុន ម៉ាណែត មានគម្រោងជួបជាមួយយុវជន និងនិស្សិតខ្មែរ ពាណិជ្ជករខ្មែរ-ចិន និងពលរដ្ឋខ្មែរ ជាច្រើន នៅតាមប្រទេសមួយចំនួនទៀត ក្នុងទ្វីបអឺរ៉ុបផងដែរ៕
© រក្សាសិទ្ធិដោយ thmeythmey.com
