កីឡាអន្តរជាតិ
អន្តរជាតិ
×![]()
ដោយ: ទេព ពិទូរ្យ
Mauricio Pochettino អ្នកចាត់ការទូទៅក្រុម Tottenham Hotspur បានសារភាពថាលោកស្រឡាញ់ Harry Kane ខ្លាំងពេកដល់ថ្នាក់ប្រពន្ធច្រណែន និងប្រចណ្ឌទៀតផង ដោយសារតែខ្សែប្រយុទ្ធសញ្ជាតិអង់គ្លេសនេះអាចស៊ុតបញ្ចូលទី៣គ្រាប់ (Hat-trick) ជួយក្រុមយកជ័យជម្នះលើ Apoel Nicosia ៣-០ ពាន UEFA Champions League។
«ពេលនេះប្រពន្ធខ្ញុំកំពុងប្រចណ្ឌខ្លាំងណាស់ ហើយប្រពន្ធរបស់ Kane ក៏អ៊ីចឹងដែរ។ ទេខ្ញុំគិតថាវាមិនគួរឲ្យជឿ។ អ្នកដឹងទេថានោះគឺមកពី Harry Kane»។ នេះជាសម្តីរបស់ Pochettino ដែលបាននិយាយដោយស្នាមញញឹម ហើយបន្ថែមថា៖« Kane មានជំនាញមិនគួរឲ្យជឿនៅពេលគាត់នៅពីមុខបង្គោលទីដើម្បីសម្រេចគ្រាប់បាល់។ គាត់មានអ្វីពិសេស។ នោះហើយជាមូលហេតុដែលគាត់គឺជាខ្សែប្រយុទ្ធម្នាក់ល្អបំផុត»។
បើតាមការចុះផ្សាយរបស់ DailyMail អ្នកចាត់ការសញ្ជាតិអាហ្សង់ទីន វ័យ៤៥ឆ្នាំ សារភាពថាលោកពិតជាស្រឡាញ់ Kane ខ្លាំងណាស់បន្ទាប់ពីរូបគេអាចស៊ុតបាល់បញ្ចូលទីជាច្រើនគ្រាប់ក្នុងរយៈពេលចុងក្រោយ ពោលគឺតាំងពីរកបាន២គ្រាប់នាជំនួបក្នុងលីកជាមួយ West Ham និងធ្វើបានហ៊េតទ្រីកលើកនេះទៀត។
៣គ្រាប់ដ៏អស្ចារ្យរបស់ Kane ទល់នឹងក្រុម Apoel ធ្វើបានដោយជើងឆ្វេង ស្តាំ និងក្បាលរបស់គេគឺបានក្លាយជាកីឡាករដំបូងបំផុតរបស់ Spurs ដែលអាចធ្វើបាននៅក្នុងក្របខណ្ឌ Champions League។
សូមបញ្ជាក់ថា ខ្សែប្រយុទ្ធអន្តរជាតិអង់គ្លេស វ័យ២៤ឆ្នាំនេះអាចរកបាន១១គ្រាប់ហើយ ក្នុងការប្រកួត៧លើកចុងក្រោយសម្រាប់ក្រុម និងជម្រើសជាតិនៅឆ្នាំ២០១៧នេះ។ លើសពីនេះទៀត ម្ចាស់ស្បែកជើងមាសនៅ Premier League រដូវកាលមុន ក៏បានក្លាយជាកីឡាកររបស់អង់គ្លេសទី ៧ ផងដែរដែលអាចធ្វើបាន Hat-trick ក្នុងពានរង្វាន់ Champions League បន្ទាប់ពី Andy Cole, Mike Newell, Michael Owen, Wayne Rooney, Alan Shearer និង Danny Welbeck ធ្វើបានរួចមកហើយ៕
«ពេលនេះប្រពន្ធខ្ញុំកំពុងប្រចណ្ឌខ្លាំងណាស់ ហើយប្រពន្ធរបស់ Kane ក៏អ៊ីចឹងដែរ។ ទេខ្ញុំគិតថាវាមិនគួរឲ្យជឿ។ អ្នកដឹងទេថានោះគឺមកពី Harry Kane»។ នេះជាសម្តីរបស់ Pochettino ដែលបាននិយាយដោយស្នាមញញឹម ហើយបន្ថែមថា៖« Kane មានជំនាញមិនគួរឲ្យជឿនៅពេលគាត់នៅពីមុខបង្គោលទីដើម្បីសម្រេចគ្រាប់បាល់។ គាត់មានអ្វីពិសេស។ នោះហើយជាមូលហេតុដែលគាត់គឺជាខ្សែប្រយុទ្ធម្នាក់ល្អបំផុត»។
បើតាមការចុះផ្សាយរបស់ DailyMail អ្នកចាត់ការសញ្ជាតិអាហ្សង់ទីន វ័យ៤៥ឆ្នាំ សារភាពថាលោកពិតជាស្រឡាញ់ Kane ខ្លាំងណាស់បន្ទាប់ពីរូបគេអាចស៊ុតបាល់បញ្ចូលទីជាច្រើនគ្រាប់ក្នុងរយៈពេលចុងក្រោយ ពោលគឺតាំងពីរកបាន២គ្រាប់នាជំនួបក្នុងលីកជាមួយ West Ham និងធ្វើបានហ៊េតទ្រីកលើកនេះទៀត។
៣គ្រាប់ដ៏អស្ចារ្យរបស់ Kane ទល់នឹងក្រុម Apoel ធ្វើបានដោយជើងឆ្វេង ស្តាំ និងក្បាលរបស់គេគឺបានក្លាយជាកីឡាករដំបូងបំផុតរបស់ Spurs ដែលអាចធ្វើបាននៅក្នុងក្របខណ្ឌ Champions League។
សូមបញ្ជាក់ថា ខ្សែប្រយុទ្ធអន្តរជាតិអង់គ្លេស វ័យ២៤ឆ្នាំនេះអាចរកបាន១១គ្រាប់ហើយ ក្នុងការប្រកួត៧លើកចុងក្រោយសម្រាប់ក្រុម និងជម្រើសជាតិនៅឆ្នាំ២០១៧នេះ។ លើសពីនេះទៀត ម្ចាស់ស្បែកជើងមាសនៅ Premier League រដូវកាលមុន ក៏បានក្លាយជាកីឡាកររបស់អង់គ្លេសទី ៧ ផងដែរដែលអាចធ្វើបាន Hat-trick ក្នុងពានរង្វាន់ Champions League បន្ទាប់ពី Andy Cole, Mike Newell, Michael Owen, Wayne Rooney, Alan Shearer និង Danny Welbeck ធ្វើបានរួចមកហើយ៕
Tag:
បាល់ទាត់
Mauricio Pochettino
Harry Kane
Tottenham
© រក្សាសិទ្ធិដោយ thmeythmey.com
