ពីនេះ ពីនោះ
ព័ត៍មានសុខភាព
ញ៉ាំគ្រឿងស្រវឹងក្នុងកម្រិតមធ្យមអាចបន្ថយការខ្សោយបេះដូងដែរទេ?
× ការសិក្សាមួយរបស់សហរដ្ឋអាមេរិកបានឲ្យដឹងថា ការញ៉ាំគ្រឿងស្រវឹងក្នុងកម្រិតមធ្យមប្រហែលជាវិធីជួយបង្ការជំងឺខ្សោយបេះដូងបាន។ វាគឺជាការសិក្សាដ៏ធំមួយដែលតាមដានទៅលើមនុស្សអាយុ ៤៥ឆ្នាំឡើងទៅចំនួនច្រើនជាង ១៤០០០នាក់រយៈពេល ២៤ឆ្នាំ។ ជាលទ្ធផលបានរកឃើញថា អ្នកដែលញ៉ាំគ្រឿងស្រវឹងក្នុងកម្រិតមធ្យមមួយក្នុងមួយសប្តាហ៍តាំងពីពេលចាប់ផ្តើមសិក្សា គឺមានការថយចុះនៃការប្រឈមនឹងជំងឺខ្សោយបេះដូងជាងអ្នកដែលមិនបានញ៉ាំគ្រឿងស្រវឹងសោះ។ ក្នុងនោះបុរសដែលញ៉ាំក្នុងកម្រិតមធ្យមគឺថយចុះការកើតជំងឺខ្សោយបេះដូងជាអ្នកអមិនបានញ៉ាំ ២០ភាគរយ និងស្ត្រី ១៦ភាគរយ។
យ៉ាងណាមិញ រឿងច្រើនណាស់ដែលអ្នកអាចធ្វើបានដើម្បីបន្ថយការប្រឈមនឹងជំងឺខ្សោយបេះដូង និងជំងឺបេះដូងផ្សេងៗទៀតដូចជា ការញ៉ាំអាហារផ្តល់សុខភាព រក្សាទម្ងន់ឲ្យនៅមានសុខភាពល្អ និងឈប់ជក់បារី។
ដើម្បីទទួលទានគ្រឿងស្រវឹងក្នុងកម្រិតមួយផ្តល់សុខភាពយកល្អគួរតែធ្វើដូចខាងក្រោមនេះ៖
• បុរសមិនគួរណាញ៉ាំគ្រឿងស្រវឹងច្រើនជាង ៣ ទៅ៤ដងក្នុងមួយថ្ងៃឡើយ
• ស្ត្រីមិនគួរណាញ៉ាំគ្រឿងស្រវឹងច្រើនជាង ២ ទៅ៣ដងក្នុងមួយថ្ងៃឡើយ
• បើសិនជាអ្នកធ្លាប់តែញ៉ាំគ្រឿងស្រវឹងច្រើនៗ ចូរចៀសវាងវារយៈពេល ៤៨ម៉ោងសិន៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com