អន្តរជាតិ
សេអ៊ូលរំពឹងថា ព្យុងយ៉ាងនឹងបង្កបញ្ហាកាន់តែច្រើននៅខែក្រោយ ចំខួបបក្សកុម្មុយនីស្ត និងសមាជបក្សចិន
×![]()
កូរ៉េខាងត្បូងរំពឹងថា កូរ៉េខាងជើងនឹងបង្កបញ្ហាជាបន្តបន្ទាប់ទៀតនៅខែតុលាខាងមុខ ចំពេលដែលមានការរំលឹកខួបនៃការបង្កើតគណបក្សកុម្មុយនីស្ដកូរ៉េខាងជើង និងសមាជបក្សកុម្មុយនីស្តចិនផង។កូរ៉េខាងត្បូងក៏បានព្រួយបារម្ភដែរថា ពាក្យគំរាមកំហែងរវាងអាមេរិក និងកូរ៉េខាងជើងអាចបង្កឲ្យមានការប៉ះទង្គិចគ្នាជាយថាហេតុដែរ។
បន្ទាប់ពីជួបពិភាក្សាជាមួយប្រធានាធិបតីកូរ៉េខាងត្បូង មូន ចេអ៊ីន នៅថ្ងៃទី ២៧ខែកញ្ញា លោក Chung Eui-yong សមាជិកទីប្រឹក្សាសន្តិសុខ វាយតម្លៃថា ក្រុងព្យុងយ៉ាងនឹងបង្កបញ្ហាបន្ថែមទៀតនៅពេលខាងមុខ ចំពេលខួបកំណើតបក្សកម្មុយនីស្ដរបស់ខ្លួន និងសមាជបក្សកុម្មុយនីស្តចិននៅខែតុលាខាងមុខ ។
លោក Chung Eui-yong ក៏បានព្រួយបារម្ភផងដែរ ពីការគំរាមកំហែងទៅវិញទៅមករវាងអាមេរិកនិងកូរ៉េខាងជើង ដែលវាអាចបង្កឲ្យមានការប៉ះទង្គិចគ្នាថែមទៀតផង។
«លោក មូន ចេអ៊ីន បានប្រាប់ថា អាមេរិកនិយាយរឿងប្រើប្រាស់យោធា ឬវិធានការការទូត។ ប៉ុន្តែ ច្បាស់ណាស់ថា កូរ៉េខាងត្បូងមិនអាចធ្វើសង្គ្រាមជាថ្មីឡើយ»។ នេះជាសម្ដីរបស់លោកChung Eui-yong ដែលបានដកស្រង់ដោយទីភ្នាក់ងារព័ត៌មាន Reuters។
ភាពតានតឹងនៅឧបទ្វីបកូរ៉េកាន់តែកើនឡើងបន្ទាប់ពីប្រធានាធិបតីអាមេរិកលោក ដូណាល់ ត្រាំ និង មេដឹកនាំកូរ៉េខាងជើង គីម ជុងអ៊ុន គំរាមកម្ទេចគ្នាទៅវិញទៅមក ហើយកូរ៉េខាងជើងក៏ចោទថា អាមេរិកប្រកាសសង្គ្រាមជាមួយគ្នាទៀត។
យ៉ាងណាមិញ ថ្លែងក្នុងកិច្ចប្រជុំខាងលើដែរ ប្រធានាធិបតីកូរ៉េខាងត្បូង មូន ចេអ៊ីន បានអះអាងជាថ្មីថា ដ្បិតអាមេរិក និងកូរ៉េខាងត្បូងយល់ព្រមបន្ថែមសម្ពាធលើកូរ៉េខាងជើងក្តី ប្រទេសទាំងពីរនៅតែបើកទ្វារចរចាសម្រាប់កូរ៉េខាងជើងជានិច្ច។
ក្រៅពីមានការពិភាក្សាពីបញ្ហាដែលអាចកើតមានឡើងជាបន្តបន្ទាប់នៅពេលខាងមុខ ប្រធានាធិបតី លោក មូន ចេអ៊ីន និងក្រុមប្រឹក្សាសន្តិសុខក៏ពិភាក្សាពីចំនាត់ការដែលត្រូវដាក់ចេញបន្តដែរ។ វាមានការលើកឡើងពីគម្រោងពង្រាយអាវុធនុយក្លេអ៊ែរអាមេរិកនៅកូរ៉េខាងត្បូង ប៉ុន្តែលោក មូន បានឆ្លើយតបថា វាជារឿងមិនសមរម្យឡើយដែលត្រូវជជែករឿងពង្រាយនុយក្លេអ៊ែរ។
ក្រៅពីនេះវាក៏មានការជជែកពីគម្រោងពង្រាយខែលការពារមីស៊ីលដែរ។ កន្លងមក លោក មូនក៏ធ្លាប់ជំទាស់គម្រោងពង្រាយប្រព័ន្ធការពារមីស៊ីល THAAD នៅក្នុងទឹកដីកូរ៉េខាងត្បូងដែរ ប៉ុន្តែបញ្ហាកើតឡើងច្រើន ហើយកូរ៉េខាងជើងអាចអភិវឌ្ឍមីស៊ីលបានរហ័សទៀត លោកក៏ត្រូវគិតគូរឡើងវិញដែរ៕
បន្ទាប់ពីជួបពិភាក្សាជាមួយប្រធានាធិបតីកូរ៉េខាងត្បូង មូន ចេអ៊ីន នៅថ្ងៃទី ២៧ខែកញ្ញា លោក Chung Eui-yong សមាជិកទីប្រឹក្សាសន្តិសុខ វាយតម្លៃថា ក្រុងព្យុងយ៉ាងនឹងបង្កបញ្ហាបន្ថែមទៀតនៅពេលខាងមុខ ចំពេលខួបកំណើតបក្សកម្មុយនីស្ដរបស់ខ្លួន និងសមាជបក្សកុម្មុយនីស្តចិននៅខែតុលាខាងមុខ ។
លោក Chung Eui-yong ក៏បានព្រួយបារម្ភផងដែរ ពីការគំរាមកំហែងទៅវិញទៅមករវាងអាមេរិកនិងកូរ៉េខាងជើង ដែលវាអាចបង្កឲ្យមានការប៉ះទង្គិចគ្នាថែមទៀតផង។
«លោក មូន ចេអ៊ីន បានប្រាប់ថា អាមេរិកនិយាយរឿងប្រើប្រាស់យោធា ឬវិធានការការទូត។ ប៉ុន្តែ ច្បាស់ណាស់ថា កូរ៉េខាងត្បូងមិនអាចធ្វើសង្គ្រាមជាថ្មីឡើយ»។ នេះជាសម្ដីរបស់លោកChung Eui-yong ដែលបានដកស្រង់ដោយទីភ្នាក់ងារព័ត៌មាន Reuters។
ភាពតានតឹងនៅឧបទ្វីបកូរ៉េកាន់តែកើនឡើងបន្ទាប់ពីប្រធានាធិបតីអាមេរិកលោក ដូណាល់ ត្រាំ និង មេដឹកនាំកូរ៉េខាងជើង គីម ជុងអ៊ុន គំរាមកម្ទេចគ្នាទៅវិញទៅមក ហើយកូរ៉េខាងជើងក៏ចោទថា អាមេរិកប្រកាសសង្គ្រាមជាមួយគ្នាទៀត។
យ៉ាងណាមិញ ថ្លែងក្នុងកិច្ចប្រជុំខាងលើដែរ ប្រធានាធិបតីកូរ៉េខាងត្បូង មូន ចេអ៊ីន បានអះអាងជាថ្មីថា ដ្បិតអាមេរិក និងកូរ៉េខាងត្បូងយល់ព្រមបន្ថែមសម្ពាធលើកូរ៉េខាងជើងក្តី ប្រទេសទាំងពីរនៅតែបើកទ្វារចរចាសម្រាប់កូរ៉េខាងជើងជានិច្ច។
ក្រៅពីមានការពិភាក្សាពីបញ្ហាដែលអាចកើតមានឡើងជាបន្តបន្ទាប់នៅពេលខាងមុខ ប្រធានាធិបតី លោក មូន ចេអ៊ីន និងក្រុមប្រឹក្សាសន្តិសុខក៏ពិភាក្សាពីចំនាត់ការដែលត្រូវដាក់ចេញបន្តដែរ។ វាមានការលើកឡើងពីគម្រោងពង្រាយអាវុធនុយក្លេអ៊ែរអាមេរិកនៅកូរ៉េខាងត្បូង ប៉ុន្តែលោក មូន បានឆ្លើយតបថា វាជារឿងមិនសមរម្យឡើយដែលត្រូវជជែករឿងពង្រាយនុយក្លេអ៊ែរ។
ក្រៅពីនេះវាក៏មានការជជែកពីគម្រោងពង្រាយខែលការពារមីស៊ីលដែរ។ កន្លងមក លោក មូនក៏ធ្លាប់ជំទាស់គម្រោងពង្រាយប្រព័ន្ធការពារមីស៊ីល THAAD នៅក្នុងទឹកដីកូរ៉េខាងត្បូងដែរ ប៉ុន្តែបញ្ហាកើតឡើងច្រើន ហើយកូរ៉េខាងជើងអាចអភិវឌ្ឍមីស៊ីលបានរហ័សទៀត លោកក៏ត្រូវគិតគូរឡើងវិញដែរ៕
Tag:
មូន ចេអ៊ីន
កូរ៉េខាងជើង
កូរ៉េខាងត្បូង
Chung Eui-yong
© រក្សាសិទ្ធិដោយ thmeythmey.com
