ជាតិ
អាជ្ញាធរថៃ បានបញ្ជូនសពពលករកម្ពុជាជាង៥០០នាក់ ក្នុងរយៈពេលជាង៦ខែ រដ្ឋលេខាធិការក្រសួងមហាផ្ទៃ លោកស្រី ជូ ប៊ុនអេង
× អាជ្ញាធរថៃបានបញ្ជូនសាកសពពលករខ្មែរ ជាង៥០០នាក់ មកកម្ពុជាវិញ នៅក្នុងរយៈពេលជាង៦ខែ ឆ្នាំ២០១៧។ នេះបើតាមរបាយការណ៍ក្រសួងមហាផ្ទៃ។
ថ្លែងក្នុងសិក្ខាសាលាពីកិច្ចសហការដើម្បីប្រយុទ្ធប្រឆាំងអំពើជួញដូរពលកម្ម រដ្ឋលេខាធិការក្រសួងមហាផ្ទៃ លោកស្រី ជូ ប៊ុនអេង មិនបានបញ្ជាក់ពីមូលហេតុនៃការស្លាប់របស់ពលករខ្មែរ ដែលទៅធ្វើការនៅប្រទេសថៃកន្លងមកនេះឡើយ។ ប៉ុន្តែបើតាមការចុះផ្សាយរបស់អគ្គស្នងការដ្ឋាននគរបាលជាតិកន្លងមកនោះ ពលករខ្មែរដែលរងគ្រោះបាត់បង់ជីវិត ភាគច្រើនដោយសារករណីគ្រោះថ្នាក់ចរាចរណ៍ គ្រោះថ្នាក់ពេលកំពុងបំពេញការងារជាដើម។
ពលករខ្មែរដែលធ្វើការងារនៅប្រទេសថៃទាំងមានច្បាប់និងមិនមានច្បាប់មានប្រមាណជាង១លាន ៥មឺុននាក់។ ហើយពេលនេះអាជ្ញាធរកម្ពុជាប្រចាំប្រទេសថៃ បានជួយរៀបចំឯកសារស្របច្បាប់ជូនពលករខ្មែរបានប្រមាណ៣០ភាគរយហើយ ក្រោយពេលរដ្ឋាភិបាលថៃ អនុវត្តន៍ច្បាប់គ្រប់គ្រងជនអន្តោប្រវេសន៍ ៕
Tag:
កម្ពុជា-ថៃ
សាកសពពលករខ្មែរ
© រក្សាសិទ្ធិដោយ thmeythmey.com