ជាតិ
សេដ្ឋកិច្ច
រដ្ឋាភិបាល គ្រោងទិញស្ពាន និងផ្លូវ លី យ៉ុងផាត់ ព្រែកព្នៅ ដើម្បីឲ្យពលរដ្ឋឆ្លងកាត់ដោយអត់គិតថ្លៃ កន្លែងបង់លុយ ថ្លៃឆ្លងកាត់ស្ពាន និងផ្លូវ លី យ៉ុងផាត់ ព្រែកព្នៅ
×
ប្រមុខរដ្ឋាភិបាល គ្រោងទិញស្ពាន និងផ្លូវ លី យ៉ុងផាត់ ព្រែកព្នៅ យកមកគ្រប់គ្រងវិញ ដើម្បីប្រជាពលរដ្ឋបានធ្វើដំណើរដោយមិនចាំបាច់បង់ប្រាក់។
បើតាមទំព័រហ្វេសប៊ុកសម្តេច ហ៊ុន សែន ប្រជាជន នឹងអាចឆ្លងកាត់នៅលើផ្លូវ និងស្ពាន លី យ៉ុងផាត់ ដោយមិនចាំបាច់បង់ថ្លៃ ចាប់ពីថ្ងៃទី ១៥ ខែតុលា នេះតទៅ។ ហ្វេសប៊ុកសម្តេច ហ៊ុន សែន បញ្ជាក់យ៉ាងនេះថា៖« ដើម្បីដោះស្រាយនូវការលំបាកនិងជួយលើកកម្ពស់ជីវភាពប្រជាជនពិសេសសម្រួលដល់ការធ្វើដំណើរទៅមករបស់ប្រជាពលរដ្ឋ ចាប់ពីម៉ោង ០០:០០ នាទី ថ្ងៃទី ១៥ ខែ តុលា ឆ្នាំ ២០១៧ នេះតទៅ ស្ពាន និងផ្លូវតភ្ជាប់ពីផ្លូវជាតិលេខ ៦ A ទៅផ្លូវជាតិលេខ ៥ ( ស្ពាន និងផ្លូវ លី យ៉ុងផាត់ ព្រែកព្នៅ ) នឹងត្រូវធ្វើដំណើរដោយមិនបាច់បង់ថ្លៃឆ្លងកាត់ទៀតទេ (ព្រោះ)រាជរដ្ឋាភិបាលនឹងទិញយកមកគ្រប់គ្រងវិញ» ។
ប្រមុខរដ្ឋាភិបាល បានប្រគល់ភារៈនេះដល់ក្រសួងសេដ្ឋកិច្ច និងហិរញ្ញវត្ថុ ក្រសួងសាធារណការ និងដឹកជញ្ជូន សាលារាជធានីភ្នំពេញ និងស្ថាប័នពាក់ព័ន្ធ ពិភាក្សាជាមួយក្រុមហ៊ុនដើម្បីដោះស្រាយបញ្ហាមួយចំនួនដែលនៅសេសសល់។ «សង្ឃឹមថាប្រជាពលរដ្ឋយើង នឹងទទួលបានផលប្រយោជន៍ពីការសម្រេចនេះ»។ នេះជាសំណេររបស់សម្តេច ហ៊ុន សែន នៅលើទំព័រហ្វេសប៊ុក៕© រក្សាសិទ្ធិដោយ thmeythmey.com