ជាតិ
សេដ្ឋកិច្ច
GIZ អនុវត្តគម្រោងជួយបង្កើនការនាំចេញ-ចូល ទំនិញកសិកម្មរវាងកម្ពុជា ថៃ និងវៀតណាម
×![]()
ភ្នំពេញ៖ អង្គការររបស់អាលឺ្លម៉ង់ GIZ កំពុងចាប់ផ្ដើមអនុវត្តគម្រោងមួយដែលគ្របដណ្ដាប់លើប្រទេសកម្ពុជា ថៃ និងប្រទេសវៀតណាម។ គម្រោងនេះមានគោលបំណងសម្រួលការជួញដូរផលិតផលកសិកម្មរវាងប្រទេសទាំងបីនេះ។
គម្រោងដែល GIZ កំពុងអនុវត្តនេះមានឈ្នោះថា សម្រួលការជួញដូរផលិតផលកសិកម្មក្នុងតំបន់អាស៊ាន (FTAG) ដែលមានតម្លៃទឹកប្រាក់ ១លានដុល្លារអាមេរិក និងចាប់អនុវត្តពីឆ្នាំ ២០១៧ ដល់ពាក់កណ្ដាលឆ្នាំ២០១៩ ។ គម្រោងនេះត្រូវបានផ្សព្វផ្សាយ តាមរយៈសិក្ខាសាលាមួយនៅថ្ងៃទី ៥ខែតុលា។
លោក Claudius Bredehoeft ទីប្រឹក្សាជាន់ខ្ពស់នៃគម្រោង FTAG នេះ បានឲ្យដឹងថា គម្រោងនេះនឹងជួយគាំទ្របច្ចេកទេសដល់ប្រទេសទាំងបី ដើម្បីឈានដល់ការប្រើប្រាស់វិធីសាស្ត្ររួមសម្រាប់ការត្រួតពិនិត្យតាមច្រកព្រំដែន លើផលិតផលកសិកម្មជាក់លាក់មួយចំនួន។ លោកថ្លែងដូច្នេះថា៖«យើងនឹងធ្វើការលើរបាំងពាណិជ្ជកម្ម ទាក់ទងនឹងការត្រួតពិនិត្យនៅច្រកព្រំដែន ដោយយើងនឹងជួយគាំទ្រផ្នែកបច្ចេកទេស»។ លោកបន្តថា៖«គម្រោងនេះទាក់ទងទាំងការគ្រង់គ្រងនាំចេញ និងនាំចូល ព្រោះជួនកាលប្រទេសទាំងបីប្រើវិធីសាស្ត្រខុសគ្នា ដូចនេះគម្រោងនឹងគាំទ្រលើការបង្រួមទៅជាវិធីសាស្ត្រតែមួយ»។
សកម្មភាពជួញដូរទំនិញកសិកម្មរបស់ប្រទេសទាំងបីនេះ បានទាក់ទាញការគាំទ្រពីអង្គការ GIZ ។ លោក Claudius Bredehoeft លើកឡើងដូចនេះថា៖«យោងតាមការវិភាគរបស់ GIZ ការជួញដូរទំនិញកសិកម្មភាគច្រើនរបស់អាស៊ាន គឺធ្វើឡើងរវាងកម្ពុជា ថៃ និងវៀតណាម។ ហើយពេលនេះ យើងចង់ផ្ដោតកាន់តែជាក់លាក់លើមុខទំនិញបន្លៃ ផ្លែឈើមួយចំនួន ដែលចំណុចនេះយើងនឹងសហការជាមួយផ្នែកឯកជនផងដែរ»។
លោក កែ មុន្ធីវុធ ប្រធាននាយកដ្ឋានការពារដំណាំ អនាម័យ និងភូតគាមអនាម័យនៃក្រសួងកសិកម្ម បានឲ្យដឹងថា គម្រោងនេះនឹងជួយពង្រឹងសមត្ថភាពនាំចេញទំនិញកសិកម្ម និងការគ្រប់គ្រងនៅច្រកព្រំដែនរបស់កម្ពុជា។ លោកប្រាប់ដូច្នេះថា៖«គម្រោងនេះជួយបំពេញបន្ថែមនូវអ្វីដែលយើងនៅខ្វះខាត ហើយដោះស្រាយបញ្ហាប្រឈមដែលជួបប្រទះដែលនឹងជួយសម្រួលដល់ការនាំចេញផលិតផលកសិកម្មរបស់យើងឲ្យបានច្រើនថែមទៀត«។ លោកបន្ថែមដូចនេះទៀតថា៖»ហើយយើងកំពុងគិតរកវិធានការក្រោមគម្រោងនេះ ធ្វើយ៉ាងណាឲ្យការគ្រប់គ្រងការនាំចូលបានប្រសើរជាងមុន»។
គម្រោងនេះក៏នឹងផ្ដោតសំខាន់លើការសម្រួលប្រព័ន្ធគ្រប់គ្រងអនាម័យ និងភូតគាមអនាម័យ (SPS) រវាងប្រទេសទាំងបីផងដែរ។ នេះជាបញ្ជាក់របស់ លោក កែ មុន្ធីវុធ ៕
គម្រោងដែល GIZ កំពុងអនុវត្តនេះមានឈ្នោះថា សម្រួលការជួញដូរផលិតផលកសិកម្មក្នុងតំបន់អាស៊ាន (FTAG) ដែលមានតម្លៃទឹកប្រាក់ ១លានដុល្លារអាមេរិក និងចាប់អនុវត្តពីឆ្នាំ ២០១៧ ដល់ពាក់កណ្ដាលឆ្នាំ២០១៩ ។ គម្រោងនេះត្រូវបានផ្សព្វផ្សាយ តាមរយៈសិក្ខាសាលាមួយនៅថ្ងៃទី ៥ខែតុលា។
លោក Claudius Bredehoeft ទីប្រឹក្សាជាន់ខ្ពស់នៃគម្រោង FTAG នេះ បានឲ្យដឹងថា គម្រោងនេះនឹងជួយគាំទ្របច្ចេកទេសដល់ប្រទេសទាំងបី ដើម្បីឈានដល់ការប្រើប្រាស់វិធីសាស្ត្ររួមសម្រាប់ការត្រួតពិនិត្យតាមច្រកព្រំដែន លើផលិតផលកសិកម្មជាក់លាក់មួយចំនួន។ លោកថ្លែងដូច្នេះថា៖«យើងនឹងធ្វើការលើរបាំងពាណិជ្ជកម្ម ទាក់ទងនឹងការត្រួតពិនិត្យនៅច្រកព្រំដែន ដោយយើងនឹងជួយគាំទ្រផ្នែកបច្ចេកទេស»។ លោកបន្តថា៖«គម្រោងនេះទាក់ទងទាំងការគ្រង់គ្រងនាំចេញ និងនាំចូល ព្រោះជួនកាលប្រទេសទាំងបីប្រើវិធីសាស្ត្រខុសគ្នា ដូចនេះគម្រោងនឹងគាំទ្រលើការបង្រួមទៅជាវិធីសាស្ត្រតែមួយ»។
សកម្មភាពជួញដូរទំនិញកសិកម្មរបស់ប្រទេសទាំងបីនេះ បានទាក់ទាញការគាំទ្រពីអង្គការ GIZ ។ លោក Claudius Bredehoeft លើកឡើងដូចនេះថា៖«យោងតាមការវិភាគរបស់ GIZ ការជួញដូរទំនិញកសិកម្មភាគច្រើនរបស់អាស៊ាន គឺធ្វើឡើងរវាងកម្ពុជា ថៃ និងវៀតណាម។ ហើយពេលនេះ យើងចង់ផ្ដោតកាន់តែជាក់លាក់លើមុខទំនិញបន្លៃ ផ្លែឈើមួយចំនួន ដែលចំណុចនេះយើងនឹងសហការជាមួយផ្នែកឯកជនផងដែរ»។
លោក កែ មុន្ធីវុធ ប្រធាននាយកដ្ឋានការពារដំណាំ អនាម័យ និងភូតគាមអនាម័យនៃក្រសួងកសិកម្ម បានឲ្យដឹងថា គម្រោងនេះនឹងជួយពង្រឹងសមត្ថភាពនាំចេញទំនិញកសិកម្ម និងការគ្រប់គ្រងនៅច្រកព្រំដែនរបស់កម្ពុជា។ លោកប្រាប់ដូច្នេះថា៖«គម្រោងនេះជួយបំពេញបន្ថែមនូវអ្វីដែលយើងនៅខ្វះខាត ហើយដោះស្រាយបញ្ហាប្រឈមដែលជួបប្រទះដែលនឹងជួយសម្រួលដល់ការនាំចេញផលិតផលកសិកម្មរបស់យើងឲ្យបានច្រើនថែមទៀត«។ លោកបន្ថែមដូចនេះទៀតថា៖»ហើយយើងកំពុងគិតរកវិធានការក្រោមគម្រោងនេះ ធ្វើយ៉ាងណាឲ្យការគ្រប់គ្រងការនាំចូលបានប្រសើរជាងមុន»។
គម្រោងនេះក៏នឹងផ្ដោតសំខាន់លើការសម្រួលប្រព័ន្ធគ្រប់គ្រងអនាម័យ និងភូតគាមអនាម័យ (SPS) រវាងប្រទេសទាំងបីផងដែរ។ នេះជាបញ្ជាក់របស់ លោក កែ មុន្ធីវុធ ៕
Tag:
បន្លែ
© រក្សាសិទ្ធិដោយ thmeythmey.com
