ជាតិ
×![]()
ដោយ: ធឿន បញ្ញាឬទិ្ធ
ភ្នំពេញ៖ មកដល់ពេលនេះរដ្ឋាភិបាល បានបង្កើតឧទ្យានជាតិ ចំនួន១២ហើយ ដើម្បីការពារប្រព័ន្ធអេកូឡូស៊ីក្នុងតំបន់ សម្រាប់ជាប្រយោជន៍ដល់មនុស្សគ្រប់ជំនាន់។
ក្រសួងបរិស្ថាន បានឲ្យដឹងថា គិតត្រឹមឆ្នាំ២០១៦ ឧទ្យានជាតិចំនួន១២តំបន់ ត្រូវបានបង្កើតឡើងដោយក្នុងនោះឧទ្យានជាតិចំនួន៧ បានបង្កើតឡើងដោយព្រះរាជក្រឹត្យ និងទីតាំងចំនួន៥តំបន់ទៀតត្រូវបានបង្កើតឡើងដោយអនុក្រឹត្យ។ បើតាមក្រសួងបរិស្ថាន ឧទ្យានជាតិទាំង១២តំបន់នេះ បានគ្រប់ដណ្តប់លើផ្ទៃដីសរុប១.៧២០.២៦៩,៣៥ហិកតា ដែលស្មើនឹង៩,៥ភាគរយ នៃផ្ទៃដីប្រទេសស្ថិតក្នុងភូមិសាស្ត្រខេត្តកំពង់ស្ពឺ កោះកុង កំពត ពោធិ៍សាត់ សៀមរាប រតនគិរី ព្រះសីហនុ និងខេត្តស្ទឹងត្រែង។
តំបន់ឧទ្យានជាតិទាំងនោះរួមមាន៖ ១. ព្រះសុរាម្រិត-កុសមៈ ស្ថិតក្នុងភូមិសាស្ត្រខេត្ត កំពង់ស្ពឺ ព្រះសីហនុ និងកោះកុង ហើយមានផ្ទៃក្រឡា៣៥.២៣២ ហិកតា ចេញដោយអនុក្រឹត្យ ថ្ងៃទី២៨ ខែធ្នូ ឆ្នាំ២០១០ ។ ២. ព្រះមុនីវង្ស “បូកគោ”ស្ថិតក្នុងភូមិសាស្ត្រខេត្តកំពត ព្រះសីហនុ និងកំពង់ស្ពឺ ហើយមានផ្ទៃដី១៥៤.៤៥៨ ហិកតាចេញដោយអនុក្រឹត្យ ថ្ងៃទី២៨ ខែធ្នូ ឆ្នាំ២០១០ ។ ៣. កែប ស្ថិតក្នុងភូមិសាស្ត្រខេត្តកែប ហើយមានផ្ទៃដី១.១៥២ហិកតា ចេញដោយអនុក្រឹត្យថ្ងៃទី២៥ ខែតុលា ឆ្នាំ២០០៣ ។ ៤. ព្រះសីហនុ (រាម) ស្ថិតក្នុងភូមិសាស្ត្រខេត្តព្រះសីហនុ ហើយមានផ្ទៃដី១៥.០០០ហិកតា ចេញដោយព្រះរាជក្រឹត្យ ថ្ងៃទី០១ ខែវិច្ឆិកា ឆ្នាំ១៩៩៣ ។ ៥. បុទុមសារ ស្ថិតក្នុងខេត្តកោះកុង ហើយមានផ្ទៃដី១៧១.២៥០ហិកតា ចេញដោយព្រះរាជក្រឹត្យ ថ្ងៃទី០១ ខែវិច្ឆិកា ឆ្នាំ១៩៩៣ ។ ៦. ព្រះជ័យវរ្ម័ន-នរោត្តម(ភ្នំគូលែន) ស្ថិតក្នុងខេត្តសៀមរាប ហើយមានផ្ទៃដី៣៧.៥០០ហិកតាចេញដោយព្រះរាជក្រឹត្យ ថ្ងៃទី០១ ខែវិច្ឆិកា ឆ្នាំ១៩៩៣ ។
៧.វីរៈជ័យ ស្ថិតក្នុងខេត្តរតនៈគិរី និងស្ទឹងត្រែង ហើយមានផ្ទៃដី៣៣២.៥០០ហិកតា ចេញដោយព្រះរាជក្រឹត្យ ថ្ងៃទី០១ ខែវិច្ឆិកា ឆ្នាំ១៩៩៣ ។ ៨. វ៉ឺនសៃ-សៀមប៉ាង ស្ថិតក្នុងខេត្តស្ទឹង និងរតនៈគីរី ហើយមានផ្ទៃដី៥៧. ៤៦៩ហិកតា ចេញដោយអនុក្រឹត្យ ថ្ងៃទី០៩ ខែឧសភា ឆ្នាំ២០១៦ ។ ៩. ជួរភ្នំក្រវាញកណ្តាល ស្ថិតក្នុងខេត្តកោះកុង ពោធិ៍សាត់ និងកំពង់ស្ពឺ ហើយមានផ្ទៃដី៤០១.៣១៣ ហិកតា ចេញដោយអនុក្រឹត្យ ថ្ងៃទី០៩ ខែឧសភា ឆ្នាំ២០១៦ ។ ១០. អូរយ៉ាដាវ ស្ថិតក្នុងខេត្តរតនៈគិរី ហើយមានផ្ទៃដី១០១. ៣៤៨ ហិកតា ចេញដោយអនុក្រឹត្យ ថ្ងៃទី០៩ ខែឧសភា ឆ្នាំ២០១៦ ។ ១១. ជួរភ្នំក្រវាញខាងត្បូង ស្ថិតក្នុងខេត្តកោះកុង ពោធិ៍សាត់ កំពង់ស្ពឺ និងព្រះសីហនុ ហើយមានផ្ទៃដី៤១០. ៣៩២ហិកតាចេញដោយអនុក្រឹត្យ ថ្ងៃទី០៩ ខែឧសភា ឆ្នាំ២០១៦ និងទី១២. កោះរុង ស្ថិតក្នុងខេត្តព្រះសីហនុ ហើយមានផ្ទៃដី២.៦៥៥, ៣៥ហិកតា ចេញដោយអនុក្រឹត្យ ថ្ងៃទី១៣ ខែកញ្ញា ឆ្នាំ២០១៦ ។
តំបន់ឧទ្យានជាតិ គឺសំដៅដល់តំបន់ធម្មជាតិក្នុងដែនដីគោក ឬ ដែនទឹកដែលត្រូវបានកំណត់ដើម្បីការ ពារខាងផ្នែកប្រព័ន្ធអេកូឡូស៊ីមួយ ឬច្រើនរបស់តំបន់ ដែលបានកំណត់សម្រាប់ជាប្រយោជន៍ដល់មនុស្សគ្រប់ជំនាន់ ។ ជាពិសេសកម្រិតដល់ការប្រើប្រាស់ដែលអាចធ្វើឱ្យខូចខាត ឬបំផ្លិចបំផ្លាញដល់ធនធានជីវៈចម្រុះធនធានធម្មជាតិ ធនធានវប្បធម៌ និងមុខងារតួនាទីរបស់តំបន់នោះ ជាមួយនឹងគោលបំណងនៃការកំណត់តំបន់ និងការផ្តល់មូលដ្ឋានសម្រាប់ការកំសាន្ត ,ការទស្សនា ,ការអប់រំ ,ការសិក្សាស្រាវជ្រាវវិទ្យាសាស្ត្រ និងជំនឿដែលគ្រប់សកម្មភាពទាំងនេះ ដោយពុំបង្កការគម្រាមកំហែងដល់បរិស្ថានធម្មជាតិ និងវប្បធម៌នៅក្នុងមូលដ្ឋានឡើយ។ នេះបើតាមក្រសួងបរិស្ថាន៕
ក្រសួងបរិស្ថាន បានឲ្យដឹងថា គិតត្រឹមឆ្នាំ២០១៦ ឧទ្យានជាតិចំនួន១២តំបន់ ត្រូវបានបង្កើតឡើងដោយក្នុងនោះឧទ្យានជាតិចំនួន៧ បានបង្កើតឡើងដោយព្រះរាជក្រឹត្យ និងទីតាំងចំនួន៥តំបន់ទៀតត្រូវបានបង្កើតឡើងដោយអនុក្រឹត្យ។ បើតាមក្រសួងបរិស្ថាន ឧទ្យានជាតិទាំង១២តំបន់នេះ បានគ្រប់ដណ្តប់លើផ្ទៃដីសរុប១.៧២០.២៦៩,៣៥ហិកតា ដែលស្មើនឹង៩,៥ភាគរយ នៃផ្ទៃដីប្រទេសស្ថិតក្នុងភូមិសាស្ត្រខេត្តកំពង់ស្ពឺ កោះកុង កំពត ពោធិ៍សាត់ សៀមរាប រតនគិរី ព្រះសីហនុ និងខេត្តស្ទឹងត្រែង។
តំបន់ឧទ្យានជាតិទាំងនោះរួមមាន៖ ១. ព្រះសុរាម្រិត-កុសមៈ ស្ថិតក្នុងភូមិសាស្ត្រខេត្ត កំពង់ស្ពឺ ព្រះសីហនុ និងកោះកុង ហើយមានផ្ទៃក្រឡា៣៥.២៣២ ហិកតា ចេញដោយអនុក្រឹត្យ ថ្ងៃទី២៨ ខែធ្នូ ឆ្នាំ២០១០ ។ ២. ព្រះមុនីវង្ស “បូកគោ”ស្ថិតក្នុងភូមិសាស្ត្រខេត្តកំពត ព្រះសីហនុ និងកំពង់ស្ពឺ ហើយមានផ្ទៃដី១៥៤.៤៥៨ ហិកតាចេញដោយអនុក្រឹត្យ ថ្ងៃទី២៨ ខែធ្នូ ឆ្នាំ២០១០ ។ ៣. កែប ស្ថិតក្នុងភូមិសាស្ត្រខេត្តកែប ហើយមានផ្ទៃដី១.១៥២ហិកតា ចេញដោយអនុក្រឹត្យថ្ងៃទី២៥ ខែតុលា ឆ្នាំ២០០៣ ។ ៤. ព្រះសីហនុ (រាម) ស្ថិតក្នុងភូមិសាស្ត្រខេត្តព្រះសីហនុ ហើយមានផ្ទៃដី១៥.០០០ហិកតា ចេញដោយព្រះរាជក្រឹត្យ ថ្ងៃទី០១ ខែវិច្ឆិកា ឆ្នាំ១៩៩៣ ។ ៥. បុទុមសារ ស្ថិតក្នុងខេត្តកោះកុង ហើយមានផ្ទៃដី១៧១.២៥០ហិកតា ចេញដោយព្រះរាជក្រឹត្យ ថ្ងៃទី០១ ខែវិច្ឆិកា ឆ្នាំ១៩៩៣ ។ ៦. ព្រះជ័យវរ្ម័ន-នរោត្តម(ភ្នំគូលែន) ស្ថិតក្នុងខេត្តសៀមរាប ហើយមានផ្ទៃដី៣៧.៥០០ហិកតាចេញដោយព្រះរាជក្រឹត្យ ថ្ងៃទី០១ ខែវិច្ឆិកា ឆ្នាំ១៩៩៣ ។
៧.វីរៈជ័យ ស្ថិតក្នុងខេត្តរតនៈគិរី និងស្ទឹងត្រែង ហើយមានផ្ទៃដី៣៣២.៥០០ហិកតា ចេញដោយព្រះរាជក្រឹត្យ ថ្ងៃទី០១ ខែវិច្ឆិកា ឆ្នាំ១៩៩៣ ។ ៨. វ៉ឺនសៃ-សៀមប៉ាង ស្ថិតក្នុងខេត្តស្ទឹង និងរតនៈគីរី ហើយមានផ្ទៃដី៥៧. ៤៦៩ហិកតា ចេញដោយអនុក្រឹត្យ ថ្ងៃទី០៩ ខែឧសភា ឆ្នាំ២០១៦ ។ ៩. ជួរភ្នំក្រវាញកណ្តាល ស្ថិតក្នុងខេត្តកោះកុង ពោធិ៍សាត់ និងកំពង់ស្ពឺ ហើយមានផ្ទៃដី៤០១.៣១៣ ហិកតា ចេញដោយអនុក្រឹត្យ ថ្ងៃទី០៩ ខែឧសភា ឆ្នាំ២០១៦ ។ ១០. អូរយ៉ាដាវ ស្ថិតក្នុងខេត្តរតនៈគិរី ហើយមានផ្ទៃដី១០១. ៣៤៨ ហិកតា ចេញដោយអនុក្រឹត្យ ថ្ងៃទី០៩ ខែឧសភា ឆ្នាំ២០១៦ ។ ១១. ជួរភ្នំក្រវាញខាងត្បូង ស្ថិតក្នុងខេត្តកោះកុង ពោធិ៍សាត់ កំពង់ស្ពឺ និងព្រះសីហនុ ហើយមានផ្ទៃដី៤១០. ៣៩២ហិកតាចេញដោយអនុក្រឹត្យ ថ្ងៃទី០៩ ខែឧសភា ឆ្នាំ២០១៦ និងទី១២. កោះរុង ស្ថិតក្នុងខេត្តព្រះសីហនុ ហើយមានផ្ទៃដី២.៦៥៥, ៣៥ហិកតា ចេញដោយអនុក្រឹត្យ ថ្ងៃទី១៣ ខែកញ្ញា ឆ្នាំ២០១៦ ។
តំបន់ឧទ្យានជាតិ គឺសំដៅដល់តំបន់ធម្មជាតិក្នុងដែនដីគោក ឬ ដែនទឹកដែលត្រូវបានកំណត់ដើម្បីការ ពារខាងផ្នែកប្រព័ន្ធអេកូឡូស៊ីមួយ ឬច្រើនរបស់តំបន់ ដែលបានកំណត់សម្រាប់ជាប្រយោជន៍ដល់មនុស្សគ្រប់ជំនាន់ ។ ជាពិសេសកម្រិតដល់ការប្រើប្រាស់ដែលអាចធ្វើឱ្យខូចខាត ឬបំផ្លិចបំផ្លាញដល់ធនធានជីវៈចម្រុះធនធានធម្មជាតិ ធនធានវប្បធម៌ និងមុខងារតួនាទីរបស់តំបន់នោះ ជាមួយនឹងគោលបំណងនៃការកំណត់តំបន់ និងការផ្តល់មូលដ្ឋានសម្រាប់ការកំសាន្ត ,ការទស្សនា ,ការអប់រំ ,ការសិក្សាស្រាវជ្រាវវិទ្យាសាស្ត្រ និងជំនឿដែលគ្រប់សកម្មភាពទាំងនេះ ដោយពុំបង្កការគម្រាមកំហែងដល់បរិស្ថានធម្មជាតិ និងវប្បធម៌នៅក្នុងមូលដ្ឋានឡើយ។ នេះបើតាមក្រសួងបរិស្ថាន៕
Tag:
បរិស្ថាន
ឧទ្យានជាតិ
© រក្សាសិទ្ធិដោយ thmeythmey.com
