រដ្ឋាភិបាល សម្រេចបង្កើនថវិកាមរណភាពដល់មន្ត្រីរាជការ

ជាតិ

រដ្ឋាភិបាល សម្រេចបង្កើនថវិកាមរណភាពដល់មន្ត្រីរាជការ

10, Oct 2017 , 2:37 pm

រូបភាព

ដោយ: ធឿន បញ្ញាឬទិ្ធ

ភ្នំពេញ៖ រដ្ឋាភិបាល បានសម្រេចបង្កើនថវិកាមរណភាព ដល់មន្ត្រីរាជការ និងកងកម្លាំងប្រដាប់អាវុធ នៅឆ្នាំ២០១៨ខាងមុខនេះ។ សម្ដេចនាយករដ្ឋមន្ត្រី ហ៊ុន សែន បាននិយាយថា រដ្ឋាភិបាលសម្រេចបង្កើនប្រាក់មន្ដ្រីរាជការស៊ីវិល ដែលទទួលមរណភាពធម្មតា(ដោយសារជំងឺ) នឹងទទួលបានប្រាក់២លានរៀល ។ ប៉ុន្តែបើមន្ត្រីរាជការស៊ីវិលនោះ ទទួលមរណភាពក្នុងពេលបំពេញការងារ នឹងទទួលថវិកាឧបត្ថមដល់គ្រួសារ៤លានរៀល។ បើតាមប្រមុខរដ្ឋាភិបាល មូលហេតុដែលបង្កើនថវិកាមរណភាពដល់មន្ត្រីរាជការស៊ីវិល គឺដើម្បីកុំឲ្យមានគម្លាតឆ្ងាយគ្នាពេក រវាងថវិកាមរណភាពរបស់កងកម្លាំងប្រដាប់អាវុធ។

សូមស្ដាប់សំឡេង៖

កន្លងមករដ្ឋាភិបាល បានសម្រេចផ្ដល់ថវិកាឧបត្ថម្ភដល់គ្រួសារសពមន្ត្រីរាជការ ១លាន ២សែនរៀល សម្រាប់អ្នកទទួលមរណភាពដោយសារជំងឺ និងថវិកា១លាន ៥ សែនរៀល សម្រាប់មន្ត្រីរាជការស៊ីវិល ទទួលមរណភាពក្នុងពេលបំពេញបេសកកម្ម៕