រដ្ឋាភិបាល កំណត់ប្រាក់ខែជាប់ពន្ធចាប់ពី១លាន២សែនរៀល នៅឆ្នាំ២០១៨

ជាតិ

រដ្ឋាភិបាល កំណត់ប្រាក់ខែជាប់ពន្ធចាប់ពី១លាន២សែនរៀល នៅឆ្នាំ២០១៨

10, Oct 2017 , 8:19 pm

រូបភាព

ដោយ: ធឿន បញ្ញាឬទិ្ធ

ភ្នំពេញ៖ រដ្ឋាភិបាល បានកែសម្រួលកាតព្វកិច្ចជាប់ពន្ធ ដល់ប្រជាពលរដ្ឋខ្មែរ សម្រាប់ឆ្នាំ២០១៨ខាងមុខនេះ។ រដ្ឋាភិបាលនឹងកំណត់ឲ្យពលរដ្ឋជាប់ពន្ធ លុះត្រាតែមានប្រាក់បៀវត្សចាប់ពី១លាន២សែនរៀលឡើងទៅ ។ ថ្លែងក្នុងពិធីប្រកាសផ្សព្វផ្សាយ និងដាក់អោយអនុវត្តគោលនយោបាយជាតិស្តីពីការអប់រំបណ្តុះបណ្តាលបច្ចេកទេស និងវិជ្ជាជីវៈ ឆ្នាំ២០១៧-២០២៥ នៅព្រឹកថ្ងៃទី១០ តុលានេះ សម្ដេចនាយករដ្ឋមន្ត្រី ហ៊ុន សែន បាននិយាយថា រដ្ឋាភិបាលនឹងដាក់បញ្ជូលខ្លឹមសារជាប់ពន្ធនេះ ទៅក្នុងសេចក្តីព្រាងច្បាប់ថវិកាជាតិឆ្នាំ២០១៨។

បើតាមប្រមុខរដ្ឋាភិបាល ខ្លឹមសារច្បាប់ជាប់ពន្ធថ្មីនេះ គឺដើម្បីសម្រួលដល់មន្ត្រីរាជការ កងកម្លាំងប្រដាប់អាវុធ និងកម្មកររោងចក្រ ដែលមានប្រាក់ខែទាបជាងមួយលានរៀល។

សូមស្ដាប់សំឡេង៖

គួរបញ្ជាក់ថា កាលពីឆ្នាំ២០១៧ រដ្ឋាភិបាល បានកំណត់ប្រាក់ខែជាប់ពន្ធ ចាប់ពី១លានរៀលឡើងទៅ ។ តែសម្រាប់ឆ្នាំ២០១៨ ខាងមុខនេះ រដ្ឋាភិបាល កែសម្រួលឲ្យពលរដ្ឋជាប់ពន្ធចាប់ពី១លាន២សែនរៀលវិញ។