ជាតិ
លោក ពុង ឃាវសែ ចាប់ដៃជាមួយចិនវិនិយោគ «អាណាចក្រអង្គរ» ក្នុងទឹកប្រាក់ ១៥លានដុល្លារ
×![]()
សៀមរាប៖ ប្រធានក្រុមប្រឹក្សាភិបាលនៃធនាគារកាណាឌីយ៉ា លោក ពុង ឃាវសែ បានចាប់ដៃជាមួយក្រុមហ៊ុនដ៏ធំមួយរបស់ចិន វិនិយោគមណ្ឌលកម្សាន្តអាណាចក្រអង្គរ ក្នុងរង្វង់ទឹកប្រាក់ ១០០លានយន់ ឬស្មើនឹង ១៥លានដុល្លារអាមេរិក។ នេះជាសមិទ្ធផលថ្មីមួយ នៅខេត្តសៀមរាប ហើយក្រុមហ៊ុនវិនិយោគរំពឹងថា វានឹងកាន់តែទាក់ទាញភ្ញៀវទេសចរចិន ឱ្យមកកម្សាន្តខេត្តទេសចរណ៍នេះ ថែមមួយកម្រិតទៀត។
ក្រុមហ៊ុនវិនិយោគទេសចរណ៍ វប្បធម៌អន្តរជាតិ កាហេង របស់ចិន បានបោះទុនវិនិយោគ កសាងមណ្ឌលកម្សាន្តអាណាចក្រអង្គរ ក្នុងរង្វង់ទឹកប្រាក់ ១៥លានដុល្លារ ។ មណ្ឌលកម្សាន្តអាណាចក្រអង្គរ មានទីតាំងនៅក្នុងបុរីប្រិមប្រិយ ឬនៅជាប់របងខាងជើងសណ្ឋាគារ ឡឺមេរឺឌេន។ មណ្ឌលកម្សាន្តចម្រុះដោយមានការសម្តែងល្ខោន រោងមហោស្រពដ៏ធំលើផ្ទៃដី ៦ពាន់ម៉ែត្រក្រឡាអាចផ្ទុកមនុស្សបានជាង ១២០០នាក់ តំបន់ពាណិជ្ជកម្ម តំបន់កម្សាន្ត (មានតំបន់ទឹក អាងហែលទឹកដ៏ធំ) និងតំបន់ភោជនីយដ្ឋាន។ល។
សម្រាប់រោងមហោស្រពសង់ឡើងបែបទំនើប មានមុខងារសព្វគ្រប់ ដូចគ្នាទៅនឹងតំបន់អាស៊ីអាគ្នេយ៍យ៉ាងដូច្នេះដែរ។ ល្ខោនសម្តែងប្រមូលផ្តុំដោយវប្បធម៌ សិល្បៈ សៀក របាំ តន្ត្រី សម្លៀកបំពាក់ និងភាពច្នៃប្រឌិតនៃសិល្បករចិន និងកម្ពុជា។ អ្នកសម្តែងជាង ២០០នាក់ ជាជនជាតិខ្មែរ ការសម្តែងបង្ហាញពីសម័យអង្គរ ធម្មជាតិស្រស់ស្អាតនៃព្រៃត្រូពិច ក្តីស្រឡាញ់នៃការចិញ្ចឹមបីបាច់ពីបឹងទន្លេសាប ភាពក្លាហាន និងសោកនាដកម្មនៃសង្គ្រាមជាមួយប្រទេសជិតខាង និងការខិតខំប្រឹងប្រែងស្ថាបនាប្រទេសឡើងវិញ។ ក្នុងការសម្តែងនេះដែរ ក៏បង្ហាញឱ្យដឹងពីប្រវត្តិសាស្ត្របុរាណ វប្បធម៌ដ៏អស្ចារ្យ និងទិដ្ឋភាពស្រស់ស្អាតនៃប្រទេសកម្ពុជាផង។
លោក ពុង ឃាវសែ បានឱ្យដឹងក្នុងសន្និសីទសារព័ត៌មាននៅរសៀលថ្ងៃទី២៥ តុលា ថា ការវិនិយោគនេះ គឺស្របទៅតាមយុទ្ធសាស្ត្រ ខ្សែក្រវ៉ាត់មួយផ្លូវមួយ របស់ចិន ដែលកាលពី៣ឆ្នាំមុន ក្រុមហ៊ុន កាហេង បានមកដល់កម្ពុជា និងបានធ្វើការសិក្សាគម្រោងវិនិយោគនៅតំបន់អង្គរសៀមរាប។ លោក ពុង ឃាវសែ បន្ថែមថា៖« គម្រោងកម្សាន្តអាណាចក្រអង្គរ បានទាញចំណុចល្អៗពីគម្រោងកម្សាន្តអន្តរជាតិ គួបផ្សំលក្ខណៈពិសេសនៃវិស័យទេសចរណ៍សៀមរាប និងលក្ខណៈជាមណ្ឌលពាណិជ្ជកម្មនាសម័យទំនើប។ គម្រោងនេះនឹងលើកស្ទួយរូបភាពទីក្រុងសៀមរាប កែលម្អជីវភាពកម្សាន្តរបស់ប្រជាពលរដ្ឋ និងក្លាយជាមជ្ឈមណ្ឌលវប្បធម៌សៀមរាប មណ្ឌលកម្សាន្ត ជានិមិត្តរូបថ្មីមួយទៀតរបស់កម្ពុជា»៕
ក្រុមហ៊ុនវិនិយោគទេសចរណ៍ វប្បធម៌អន្តរជាតិ កាហេង របស់ចិន បានបោះទុនវិនិយោគ កសាងមណ្ឌលកម្សាន្តអាណាចក្រអង្គរ ក្នុងរង្វង់ទឹកប្រាក់ ១៥លានដុល្លារ ។ មណ្ឌលកម្សាន្តអាណាចក្រអង្គរ មានទីតាំងនៅក្នុងបុរីប្រិមប្រិយ ឬនៅជាប់របងខាងជើងសណ្ឋាគារ ឡឺមេរឺឌេន។ មណ្ឌលកម្សាន្តចម្រុះដោយមានការសម្តែងល្ខោន រោងមហោស្រពដ៏ធំលើផ្ទៃដី ៦ពាន់ម៉ែត្រក្រឡាអាចផ្ទុកមនុស្សបានជាង ១២០០នាក់ តំបន់ពាណិជ្ជកម្ម តំបន់កម្សាន្ត (មានតំបន់ទឹក អាងហែលទឹកដ៏ធំ) និងតំបន់ភោជនីយដ្ឋាន។ល។
សម្រាប់រោងមហោស្រពសង់ឡើងបែបទំនើប មានមុខងារសព្វគ្រប់ ដូចគ្នាទៅនឹងតំបន់អាស៊ីអាគ្នេយ៍យ៉ាងដូច្នេះដែរ។ ល្ខោនសម្តែងប្រមូលផ្តុំដោយវប្បធម៌ សិល្បៈ សៀក របាំ តន្ត្រី សម្លៀកបំពាក់ និងភាពច្នៃប្រឌិតនៃសិល្បករចិន និងកម្ពុជា។ អ្នកសម្តែងជាង ២០០នាក់ ជាជនជាតិខ្មែរ ការសម្តែងបង្ហាញពីសម័យអង្គរ ធម្មជាតិស្រស់ស្អាតនៃព្រៃត្រូពិច ក្តីស្រឡាញ់នៃការចិញ្ចឹមបីបាច់ពីបឹងទន្លេសាប ភាពក្លាហាន និងសោកនាដកម្មនៃសង្គ្រាមជាមួយប្រទេសជិតខាង និងការខិតខំប្រឹងប្រែងស្ថាបនាប្រទេសឡើងវិញ។ ក្នុងការសម្តែងនេះដែរ ក៏បង្ហាញឱ្យដឹងពីប្រវត្តិសាស្ត្របុរាណ វប្បធម៌ដ៏អស្ចារ្យ និងទិដ្ឋភាពស្រស់ស្អាតនៃប្រទេសកម្ពុជាផង។
លោក ពុង ឃាវសែ បានឱ្យដឹងក្នុងសន្និសីទសារព័ត៌មាននៅរសៀលថ្ងៃទី២៥ តុលា ថា ការវិនិយោគនេះ គឺស្របទៅតាមយុទ្ធសាស្ត្រ ខ្សែក្រវ៉ាត់មួយផ្លូវមួយ របស់ចិន ដែលកាលពី៣ឆ្នាំមុន ក្រុមហ៊ុន កាហេង បានមកដល់កម្ពុជា និងបានធ្វើការសិក្សាគម្រោងវិនិយោគនៅតំបន់អង្គរសៀមរាប។ លោក ពុង ឃាវសែ បន្ថែមថា៖« គម្រោងកម្សាន្តអាណាចក្រអង្គរ បានទាញចំណុចល្អៗពីគម្រោងកម្សាន្តអន្តរជាតិ គួបផ្សំលក្ខណៈពិសេសនៃវិស័យទេសចរណ៍សៀមរាប និងលក្ខណៈជាមណ្ឌលពាណិជ្ជកម្មនាសម័យទំនើប។ គម្រោងនេះនឹងលើកស្ទួយរូបភាពទីក្រុងសៀមរាប កែលម្អជីវភាពកម្សាន្តរបស់ប្រជាពលរដ្ឋ និងក្លាយជាមជ្ឈមណ្ឌលវប្បធម៌សៀមរាប មណ្ឌលកម្សាន្ត ជានិមិត្តរូបថ្មីមួយទៀតរបស់កម្ពុជា»៕
Tag:
ពុង ឃាវសែ
អាណាចក្រអង្គរ
© រក្សាសិទ្ធិដោយ thmeythmey.com
«មជ្ឈការ»មានន័យខុសពី«វិមជ្ឈការ»ដូចម្តេច?
1 សប្តាហ៍
