កីឡាអន្តរជាតិ
អន្តរជាតិ
AFC Asian Cup៖ កូរ៉េខាងជើង-ម៉ាឡេស៊ី នឹងប្រកួតលើទឹកដីថៃ ក្រោយពន្យាពេល៣លើក
×
ក្រុមកីឡាបាល់ទាត់ជម្រើសជាតិកូរ៉េខាងជើង និងប្រកួតជាមួយម៉ាឡេស៊ី នៅលើទឹកដីថៃ សម្រាប់ការប្រកួតជម្រុះជុំផ្តាច់ព្រ័ត្រ AFC Asian Cup 2019 បន្ទាប់ពីពន្យាពេលការប្រកួត៣លើកមកហើយដោយសារបញ្ហានយោបាយ។
គេហទំព័រផ្លូវការ AFC ផ្សាយថា សហព័ន្ធកីឡាបាល់ទាត់ទ្វីបអាស៊ី (AFC) បានសម្រេចឲ្យការប្រកួតជម្រុះ AFC Asian Cup រវាងកូរ៉េខាងជើង និងម៉ាឡេស៊ីត្រូវធ្វើឡើងនៅទឹកដីកណ្តាលពោលគឺនៅក្នុងប្រទេសថៃ ដែលធ្វើឡើងនៅថ្ងៃទី១០ ខែវិច្ឆិកាសម្រាប់ការប្រកួតជើងទី១។
បន្ទាប់ពីបានពន្យាពេលការប្រកួតអស់រយៈពេល៣ដងមកហើយនោះ ឥឡូវនេះ AFC បានកំណត់ការប្រកួតនៃប្រទេសទាំងពីរ ត្រូវប្រកួតនៅទឹកដីកណ្តាលនៃវគ្គជម្រុះជុំទី៣ ពូលB ពានរង្វាន់ប្រចាំទ្វីបអាស៊ី AFC Asian Cup ឆ្នាំ២០១៩ ដោយជើងទី១នឹងធ្វើឡើងនៅថ្ងៃទី១០ ខែវិច្ឆិកា និងជើងទី២នៅក្រោយ៣ថ្ងៃបន្ទាប់។
តាមពិតទៅក្រុមទាំងពីរត្រូវប្រកួតគ្នាក្នុងវគ្គជម្រុះនេះតាំងពីថ្ងៃទទី៨ ខែមិថុនា ឆ្នាំ២០១៧ នៅរដ្ឋធានីព្យូងយ៉ាងមកម្លេះ។ ការព្យាពេលកន្លងមក ដោយសារសមាគមកីឡាបាល់ទាត់ម៉ាឡេស៊ី (FAM) ព្រួយបារម្ភអំពីសុន្តិសុខរបស់កីឡាករខ្លួន ក្រោយមានបញ្ហានយោបាយជាមួយខាងភាគីកូរ៉េខាងជើង ជុំវិញករណីឃាតកម្មលើលោកគីម ជុងណាម បងប្រុសម្តាយទីទៃលោក គីម ជុងអ៊ុន ហើយថែមទាំងមានការដកឯកអគ្គរដ្ឋទូតចេញរៀងៗខ្លួនទៀតផង៕
Tag:
បាល់ទាត់
AFC Asian Cup
AFC
កូរ៉េខាងជើង
ម៉ាឡេស៊ី
© រក្សាសិទ្ធិដោយ thmeythmey.com