ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
សង្រ្កាន្តឆ្នាំថ្មី
អត្ថបទពាណិជ្ជកម្ម
បទយកការណ៍/សម្ភាស
ជាតិ
និស្សិតខ្មែរពីររូបកំពុងផ្សព្វផ្សាយវប្បធម៌ខ្មែរដល់សិស្សជប៉ុន
31, Oct 2017 ,
3:41 pm
រូបភាព
×
ដោយ:
លាង ដឺលុច (Leang Delux)
យុវតី ចន គីមហ័ង និងយុវជន សុខហ៊ួ ហ៊ីហ្វុង ទើបបានទៅដល់ប្រទេសជប៉ុនជាលើកដំបូងកាលពីថ្ងៃទី២៩ខែតុលា ក្នុងបេសកកម្ម១០ថ្ងៃនៃការផ្សព្វផ្សាយវប្បធម៌ និងអរិយធម៌កម្ពុជាដល់សិស្សានុសិស្សជប៉ុន។ ក្នុងក្របខណ្ឌនៃកិច្ចសហប្រតិបត្តិការរវាងសាកលវិទ្យាល័យ ជូអូ (Chuo University) និងសាកលវិទ្យាភូមិន្ទភ្នំពេញ និស្សិតដេប៉ាតឺម៉ង់ភាសាជប៉ុនទាំងពីររូបត្រូវបានជ្រើសរើសឲ្យបំពេញបេសកកម្មនេះនៅប្រទេសជប៉ុនពីថ្ងៃទី២៩ខែតុលាដល់ថ្ងៃទី៩ខែវិច្ឆិកា។
សំលៀកបំពាក់ជាក្រមាខ្មែរ មួកស្លឹកត្នោត របាំរាំវង់ និងរបៀបសំពះរបស់ខ្មែរជាដើមបានទៅដល់ខេត្ត ស៊ីហ្សឹះអូកា (Shizuoka) នៃប្រទេសជប៉ុនតាមរយៈប្រតិភូខ្មែរតូចមួយ។ ចន គីមហ័ង និង សុខហ៊ួ ហ៊ីហ្វុង និស្សិតនៃដេប៉ាតឺម៉ង់ភាសាជប៉ុនឆ្នាំទី៣ ដែលដឹកនាំដោយលោក គឹម នីពិសិដ្ឋ ដែលជាអ្នកសម្របសម្រួល កំពុងធ្វើទស្សនកិច្ចនៅតាមសាលាបឋមសិក្សាចំនួន៥នៅក្នុងខេត្តភាគកណ្តាលនៃប្រទេសជប៉ុន។ គោលដៅបន្តគឺសាលាបឋមសិក្សា សាកលវិទ្យាល័យ និងស្ថាប័នមួយចំនួនទៀតនៅក្នុងទីក្រុងតូក្យូ។
មុននឹងចាកចេញពីប្រទេសកម្ពុជា លោក គឹម នីពិសិដ្ឋ អ្នកដឹកនាំនិស្សិតខ្មែរទាំងពីររូបបានរៀបរាប់ប្រាប់សារព័ត៌មានថ្មីៗអំពីសារប្រយោជន៍នៃទស្សនកិច្ចបែបវប្បធម៌របស់និស្សិតនៃដេប៉ាតឺម៉ង់ភាសាជប៉ុននៅប្រទេសជប៉ុន ក្នុងគោលដៅបង្ហាញវប្បធម៌ខ្មែរដល់ប្រជាជនជប៉ុន។ អ្នកសម្របសម្រួលដដែលនេះបញ្ជាក់យ៉ាងដូច្នេះ៖«និស្សិតខ្មែរទាំងពីរនាក់ នឹងមិនត្រឹមតែនាំប្រពៃណី វប្បធម៌ និងអរិយធម៌ខ្មែរទៅបង្ហាញដល់សិស្សនិស្សិតជប៉ុនប៉ុណ្ណោះទេ ទស្សនកិច្ចនេះក៏នឹងបង្រៀននិស្សិតទាំងពីរនាក់ឲ្យស្គាល់ពីប្រទេសជប៉ុនដូចគ្នាដែរ។ ទាំងនេះ គឺជាការពង្រឹងមិត្តភាពកម្ពុជាជប៉ុនតាមរយៈវប្បធម៌»។
ក្នុងរយៈពេល១០ថ្ងៃនៃបេសកកម្មផ្សព្វផ្សាយវប្បធម៌ខ្មែរ គីមហ័ង និងហ៊ីហ្វុង ក៏នាំយកពិធីសងគុណឪពុកម្តាយ ពិធីបុណ្យភ្ជុំ ប្រវត្តិនៃប្រាសាទអង្គរវត្ត បាយ័ន តាព្រហ្ម ភ្នំបាក់ខែងទៅបង្ហាញប្រជាជនជប៉ុនផងដែរ។
នៅក្នុងបន្ទប់ការិយាល័យមួយនៃអគារដេប៉ាតឺម៉ង់ភាសាជប៉ុនក្នុងវិទ្យាស្ថានភាសាបរទេស (IFL) ហ៊ីហ្វុង និយាយប្រាប់អ្នកសារព័ត៌មានថ្មីៗថា គាត់ពិតជាសប្បាយចិត្ត និងមានមោទនភាពដែលត្រូវបានជ្រើសរើសឲ្យធ្វើជាអ្នកផ្សព្វផ្សាយកម្ពុជានៅប្រទេសជប៉ុន។ ហ៊ីហ្វុង បន្តថា មានប្រជាជនជប៉ុនមួយចំនួនមិនបានស្គាល់កម្ពុជា ហើយអ្នកមួយចំនួនទៀតស្គាល់កម្ពុជាក្នុងរូបភាពមិនល្អ ដូចជាថា កម្ពុជាជាប្រទេសក្រីក្រ សម្បូរអ្នកសុំទានជាដើម។ «ខ្ញុំចង់បង្ហាញពីអ្វីដែលល្អៗរបស់កម្ពុជា។ ដូច្នេះហើយបានជាយើងនាំយកពិធីជាប្រពៃណីដូចជាភ្ជុំបិណ្ឌដែលស្រដៀងគ្នានឹងបុណ្យដឹងគុណមនុស្សចាស់របស់ជប៉ុនដែរ យើងនាំយកវត្ថុវប្បធម៌ មួកស្លឹកត្នោត ក្រមា របាំប្រពៃណី ទៅបង្ហាញកុមារ និងប្រជាជនជប៉ុន»។
បើទោះជាប្រទេសអភិវឌ្ឍដូចជាជប៉ុនមានអ្វីៗច្រើនដែលកម្ពុជាអាចមិនទាន់មាន ប៉ុន្តែទស្សនកិច្ចរបស់និស្សិតខ្មែរទាំងពីរនាក់ក៏មានបំណងបង្ហាញជប៉ុនវិញថា កម្ពុជាក៏មានអ្វីដែលជប៉ុនមិនមានដែរ ឬក៏ថាបើទោះជាកម្ពុជានៅជាប្រទេសកំពុងអភិវឌ្ឍន៍ក្នុងក្របខណ្ឌសេដ្ឋកិច្ចមែន ប៉ុន្តែកម្ពុជាមានវប្បធម៌សម្បូរបែបយ៉ាងខ្លាំង។
យុវតី គីមហ័ង ដែលអង្គុយក្បែរគ្នាមិត្តរួមថ្នាក់នោះ បានជួយឆ្លើយមិត្តភក្តិបន្ថែមដូច្នេះ៖«យើងចង់ប្រាប់ប្រជាជនជប៉ុនថា ជនជាតិខ្មែរចេះជួយយកអាសារគ្នានៅពេលមានរវល់។ ប្រទេសជប៉ុនកំពុងជ្រើសរើសយកជនជាតិខ្មែរទៅធ្វើការងារនៅមជ្ឈមណ្ឌលថែទាំមនុស្សចាស់ ដោយជប៉ុនយល់ថា ជនជាតិខ្មែរយើងធ្វើការងារបានល្អ»។
ក្នុងរយៈពេល១០ថ្ងៃនេះ ចន គីមហ័ង និង សុខហ៊ួ ហ៊ីហ្វុង ដែលមានតួនាទីដូចទូតសុច្ឆន្ទៈសម្រាប់ការផ្សព្វផ្សាយវប្បធម៌ខ្មែរ កំពុងតែផ្ទិតផ្ចង់និងប្រឹងប្រែងបំពេញបេសកកម្មនេះឲ្យបានជោគជ័យដើម្បីទង់ជាតិខ្មែរ។ យុវនិស្សិតទាំងពីរនាក់បានយល់ដូចគ្នាថា ពួកគេកំពុងធ្វើជាតំណាងរបស់កម្ពុជានៅក្នុងប្រទេសជប៉ុន ដូច្នេះការប្រព្រឹត្តរបស់ពួកគេ ក៏កំពុងឆ្លុះបញ្ចាំងពីកម្ពុជាដែរ៕
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
Tag:
Chuo University
URPP
ជប៉ុន
Shizuoka
© រក្សាសិទ្ធិដោយ thmeythmey.com
អត្ថបទពេញនិយម
ផ្សារដើមគរថ្មី លើផ្ទៃដី៣០ហិកតា ត្រូវបានដាក់ដំណើរការជាផ្លូវការហើយ
5 ថ្ងៃ
ដំណឹងបឋម៖ ករណីផ្ទុះឃ្លាំងគ្រាប់នៅបន្ទាយភូមិភាគ៣ ក្រុងច្បារមន មានអ្នកស្លាប់ និងរបួសច្រើននាក ...
5 ថ្ងៃ
តើពាក្យងារជា «សម្តេច» មានន័យដូចម្តេច?
2 ថ្ងៃ
គ្រឿងឥស្សរិយាភរណៈ គឺ «មេដាយ» មិនមែន «មេដៃ» ឡើយ
1 សប្តាហ៍
តើពាក្យ «ដុតដៃដុតជើង» មានន័យដូចម្តេច?
7 ថ្ងៃ
អត្ថបទពេញនិយមបន្ថែម