កីឡាអន្តរជាតិ
អន្តរជាតិ
Alli និង Eriksen ជួយ Spurs យកឈ្នះ Real ឡើងវគ្គ១៦ក្រុមពាន UCL
× Tottenham Hotspur បានយកជ័យជម្នះលើក្រុម Real Madrid ៣-១ ក្នុងការប្រកួតក្របខណ្ឌ UEFA Champions League វគ្គជម្រុះពូល H។
ក្នុងការប្រកួតនៅកីឡដ្ឋាន Wembley នៅរាត្រីថ្ងៃពុធ ទី១ ខែវិច្ឆិកា ខ្សែបម្រើ Dele Alli អាចរកបានពីរគ្រាប់ និង Christian Eriksen មួយគ្រាប់ ជួយក្រុមមាន់ខ្នាយមាស Spurs ឡើងទៅវគ្គខ្វែងនៃពានលំដាប់កំពូលអឺរ៉ុប ក្រោយយកឈ្នះក្រុមអធិរាជស ៣-១។ ដែល១គ្រាប់របស់ក្រុមការពារតំណែងជើងឯកនេះធ្វើបានដោយ Cristiano Ronaldo។
ជាមួយនឹងការបង្ហាញខ្លួនដ៏គួរឲ្យកត់សម្គាល់នេះ កូនក្រុមរបស់អ្នកចាត់ការ Mauricio Pochettino អាចឈរនៅចំណាត់ថ្នាក់ទី១ ក្នុងការប្រកួត៤លើកចុងក្រោយ មាន១០ពិន្ទុ នាំមុខក្រុមលេខ២ Real Madrid ៣ពិន្ទុ និង Borussia Dortmund ៨ពិន្ទុ ក្រោយក្រុមមកពីអាល្លឺម៉ង់នេះប្រកួតបានត្រឹមស្មើ ១-១ ជាមួយ APOEL Nicosia ក្នុងជំនួបថ្ងៃជាមួយគ្នានេះ។
ចំណែកក្រុមមកពីលីកកំពូលអង់គ្លេសមួយទៀត Manchester City ក៏បានកក់កៅអីទៅវគ្គបន្ទាប់ដែរក្រោយលត់ ក្រុមមកពីអ៊ី SSC Napoli ៤-២។ ក្នុងចំណោមបួនប្រកួតក្រុមរហស្ស
នាមមេឃខៀវឈ្នះទាំង៤លើក មាន១៤ពិន្ទុ ឈរនៅចំណាត់ថ្នាក់ទី១ លើក្រុមលេខ Shakhtar Donetsk ៣ពិន្ទុ និងលើក្រុមលេខ៣ Napoli ៩ពិន្ទុ។
លទ្ធផលគូដទៃទៀតនៃការប្រកួតពាន Champions League រដូវកាលនេះរួមមាន៖
ពូល E
Liverpool ៣ - ០ Maribor
FTSevilla ២ - ១ Spartak Moscow
ពូល F
SSC Napoli ២ - ៤ Manchester City
FTShakhtar Donetsk ៣ - ១ Feyenoord
ពូល G
Besiktas ១ - ១ Monaco
FTFC Porto ៣ - ១ RasenBallsport Leipzig
Tag:
Tag: បាល់ទាត់
UEFA Champions League
© រក្សាសិទ្ធិដោយ thmeythmey.com