Marseille ប្រកាសព្យួរ Patrice Evra ដែលបានលោតធាក់ក្បាលអ្នកគាំទ្រ

កីឡាអន្តរជាតិ

អន្តរជាតិ

Marseille ប្រកាសព្យួរ Patrice Evra ដែលបានលោតធាក់ក្បាលអ្នកគាំទ្រ

04, Nov 2017 , 10:39 pm

រូបភាព

ដោយ: ថ្មីៗ

កាលពីថ្ងៃទី២ ខែវិច្ឆិកា Patrice Evra ទទួលកាតក្រហម ដោយសារខ្សែការពាររូបនេះ បានលោតធាក់អ្នកគាំទ្រនៅពេលដែលគេកំដៅសាច់ដុំមុនដែលក្រុម Marseille បានចាញ់ Vitoria Guimaraes ១-០ ក្នុងពានរង្វាន់ UEFA Europa League។ ខណៈដែលក្រុមប្រឹក្សាវិន័យ EUFA កំពុងពិចារណាលើទោសកំហុសរបស់ Evra ក្លិប Marseille បានចេញសេចក្តីថ្លែងការណ៍ព្យួរកីឡាកររូបនេះផងដែរ។

«ជាទង្វើដែលមិនអាចទទួលយកបាន»។ នេះជាការលើកឡើងរបស់ក្លិប Marseille នៃក្របខណ្ឌ Ligue 1 ជុំវិញការសម្រេចដាក់ពិន័យខ្សែការពារវ័យបារាំងវ័យ៣៦ឆ្នាំ Patrice Evra ចំពោះការប្រើក្បាច់កុងហ្វូលោកធាត់អ្នកគាំទ្ររបស់ខ្លួន កាលពីថ្ងៃទី២ ខែវិច្ឆិកា។

អត្ថបទទាក់ទង

Evra ហក់ធាក់អ្នកគាំទ្រខ្លួនមួយជើង ពេលកំដៅសាច់ដុំ

ការសម្រេចចិត្តព្យួរដោយមិនទាន់បញ្ជាក់កាលកំណត់ច្បាស់លាស់នេះ ធ្វើឡើងបន្ទាប់ពី ជំនួបរវាងលោក Jacques-Henri Eyraud ដែលជាប្រធានក្លិប និងកីឡាករ Patrice Evra ដោយផ្ទាល់ ជាពិសេសក្រោយការស៊ើបអង្កេតផ្ទៃក្នុងជំហានទីមួយ។

យោងតាមការផ្សាយកាសែត L'Equipe អ្នកគាំទ្រដែលរងគ្រោះនោះ ស្រែកដៀមដាមដាក់ Evra ជាង ៣០នាទី ទើបធ្វើឲ្យរូបគេទ្រាំមិនបានក៏លោតធាក់មួយជើងចំមុខ អំឡុងពេលកំពុងហ្វឹកហាត់នោះ។ ភ្លាមៗក្រោយកើតហេតុ ខ្សែការពារសញ្ជាតិបារាំង វ័យ៣៦ឆ្នាំនេះ ក៏ត្រូវបានកាតក្រហមបណ្តេញចេញមុនពេលចាប់ផ្តើមការប្រកួតដែល Marseille ចាញ់ក្រុមម្ចាស់ផ្ទះ Vitoria Guimaraes ១-០ នៃវគ្គជម្រុះពូល I ពានរង្វាន់ Europa League។

Marseille បានសរសេរនៅក្នុងសេចក្តីថ្លែងការណ៍ខ្លួនថា៖ «ក្នុងនាមជាកីឡាករអាជីព និងពោរពេញទៅដោយបទពិសោធន៍ Patrice Evra មិនគួរតបតដោយកាយវិការមិនគប្បីបែបនេះឡើយ»៕