ពីនេះ ពីនោះ
ក្រៅពីគ្រឿងទេស«រំដេង»ជាថ្នាំស័ក្តិសិទ្ធិព្យាបាលជំងឺដង្កូវស៊ីធ្មេញ
× «រំដេង» ជារុក្ខជាតិមានមើម ដែលប្រជាពលរដ្ឋខ្មែរយករបស់ធ្វើជាគ្រឿងទេសសម្រាប់ធ្វើម្ហូប និងប្រឡាក់សាច់ជាដើម ដូចជាស្លម្ជូរ ម្ជូរគ្រឿង ប្រហើរ កកូរ និងសម្លនំបញ្ចុកជាដើម។ សាច់គោងៀត ឬសាច់សត្វផ្សេងៗ ក៏គេយកទៅប្រឡាក់ជាមួយរំដេង ដើម្បីឲ្យមានក្លិនឈ្ងុយ និងកាត់ឆ្អាប។
រំដេង មានធាតុជាស្មៅ មើមរបស់វាធ្វើជាគ្រឿងទេសសម្រាប់បង់សម្លដើម្បីកាត់ចម្អាប និងមានរសជាតិឈ្ងុយឆ្ងាញ់។ ចំណែកឯរំដេងស្រុកធ្វើជាថ្នាំ លើកកម្លាំង និងធ្វើឲ្យការរំលាយអាហារបានស្រួល។
ម្សៅរំដេង (ផ្លែរំដេងហាលស្ងួត ហើយកិនជាម្សៅ) ប្រើវាជាថ្នាំព្យាបាលជំងឺដង្កូវស៊ីធ្មេញ ជួយរំលាយអាហារយ៉ាងមានប្រសិទ្ធភាព ព្យាបាលរោគហើមពោះ ផ្ដាសាយ ឈឺធ្មេញ និងចុកឆ្អល់ពោះជាដើម។
ប្រជាពលរដ្ឋខ្មែរនៅតាមទីជនបទ តែងឆ្លៀតពេលទំនេរ ដាំដំណាំផ្សេងៗដែលផ្តល់ផលលឿន និងដែលជួយកាត់បន្ថយចំណាយប្រចាំថ្ងៃរបស់ពួកគេ ក្នុងនោះក៏មាន«រំដេង» ដែលអាចធ្វើជាគ្រឿងទេស និងថ្នាំព្យាបាលជំងឺពុកធ្មេញ និងព្យាបាលរោគផ្សេងៗទៀតដែរ៕
Tag:
រំដេង
ថ្នាំ
គ្រឿងទេស
© រក្សាសិទ្ធិដោយ thmeythmey.com