អន្តរជាតិ
×![]()
ដោយ: តន ចាន់រិទ្ធារ៉ា
ប្រធានាធិបតីអាមេរិក ដូណាល់ ត្រាំ បានផ្ញើសារព្រមានដោយមិនចំឈ្មោះទៅកាន់មេដឹកនាំផ្ដាច់ការទាំងអស់ ហើយបានប្រាប់ពួកគេឲ្យប្រយ័ត្នប្រយែង និងកុំចង់សាកល្បងការប្ដេជ្ញាចិត្តរបស់អាមេរិកឲ្យសោះ។ ទោះជាមិនបញ្ចេញឈ្មោះក្ដី គេអាចយល់បានថា លោក ត្រាំ ចង់និយាយសំដៅមេដឹកនាំកូរ៉េខាងជើង ដែលប្រកាន់ជំហរមានះ ចចេសក្បាលរឹង និងហ៊ានគំរាមបាញ់មីស៊ីលដាក់ទឹកដីអាមេរិកទៅទៀតនោះ។
ទៅដល់ទឹកដីជប៉ុននៅថ្ងៃទី៥ ខែវិច្ឆិកា ប្រធានាធិបតីអាមេរិកក ដូណាល់ ត្រាំ បានទៅសួរសុខទុក្ខកងទ័ពអាមេរិកដែលឈរជើងនៅទឹកដីជប៉ុននៅឯមូលដ្ឋានទ័ពអាកាស Yokota ភាគខាងលិចក្រុងតូក្យូ។ ចំពោះមុខទាហានជាច្រើនដែលឈរទះដៃអបអរសាទរវត្តមានរបស់លោក ប្រធានាធិបតីអាមេរិកក៏បន្តប្រើប្រាស់សម្ដីវោហារសាស្ត្រខ្លាំងៗដាក់បណ្ដាមេដឹកនាំផ្ដាច់ការនៅជុំវិញពិភពលោក ដែលលោកអះអាងថា ធ្លាប់មើលស្រាលអាមេរិក។
ជាមួយនឹងអាវយោធាអាមេរិក លោក ត្រាំ បាននិយាយគំរាមថា៖ «គ្មាននរណា គ្មានជនផ្ដាច់ការណា និងគ្មានរបបណាមួយអាចមើលស្រាលការតាំងចិត្តរបស់អាមេរិក្កបានឡើយ»។ បើតាមប្រធានាធិបតីអាមេរិករូបនេះ នាពេលកន្លងមក មានមេដឹកនាំជាច្រើនមើលងាយអាមេរិកយ៉ាងខ្លាំង ប៉ុន្តែលោកនឹងមិនបោះបង់ការការពារប្រជាជន សេរីភាព និងទង់ជាតិអាមេរិកឡើយ។ នេះបើតាមការផ្សាយទីភ្នាក់ងារព័ត៌មាន AFP ។
ទោះជាមិនបញ្ជាក់ពីឈ្មោះមេដឹកនាំណាក្ដី ក្នុងស្ថានភាពបច្ចុប្បន្ននេះ លោក ត្រាំ ទំនងជាចង់ចង្អុលមុខមេដឹកនាំកូរ៉េខាងជើង គីម ជុងអ៊ុន ដែលជាសត្រូវស្រួចស្រាល់របស់អាមេរិក។ ទស្សនកិច្ចរយៈពេលវែងរបស់លោកនៅតំបន់អាស៊ី ផ្ដោតសំខាន់លើបញ្ហានុយក្លេអ៊ែរកូរ៉េខាងជើងតែម្ដង ដោយលោកចង់ប្រមូលការគាំទ្រឲ្យបានពីប្រទេសក្នុងតំបន់ដើម្បីដាក់សម្ពាធកាន់តែខ្លាំងលើរដ្ឋកុម្មុយនីស្តឯកោមួយនេះ។
ជប៉ុន និងកូរ៉េខាងត្បូង គឺជាចំណតរបស់ Air Force One ព្រោះសម្ព័ន្ធមិត្តទាំងពីរនេះរងការគំរាមកំហែងពីមីស៊ីលកូរ៉េខាងជើងខ្លាំងជាងគេ។ លោក ត្រាំ ចង់ឲ្យជប៉ុន និងកូរ៉េខាងត្បូងដើរតាមផ្លូវរបស់លោក គឺជាការដាក់ទណ្ឌកម្មខ្លាំងមិនធ្លាប់មាន ក៏ដូចជាជម្រើសយោធាផងនោះ។ ប៉ុន្តែក្រុងតូក្យូ និងក្រុងសេអ៊ូលហាក់រារែកពីជម្រើសកងទ័ពដើម្បីបញ្ចប់បញ្ហានុយក្លេអ៊ែរ ដ្បិតខ្លួនពិតជាងាយរងគ្រោះខ្លាំងណាស់។
សូមបញ្ជាក់ថា ពេលទៅដល់ជប៉ុនភ្លាមនោះ ប្រធានាធិបតីអាមេរិកក៏បានប្រកាសពីជម្រើសថ្មីក្នុងការដោះស្រាយវិបត្តិនេះ ព្រោះវិធីសាស្ត្របច្ចុប្បន្នមិនអាចដោះស្រាយបញ្ហាបានឡើយ។ ដូចដឹងស្រាប់ លោក ត្រាំ មិនពេញចិត្តនឹងការចរចារយៈពេលរាប់សិបឆ្នាំឡើយ ដោយលោកចាត់ទុកជាការខ្ជះខ្ជាយពេលវេលាប៉ុណ្ណោះ។ លោក ត្រាំ នៅតែចិញ្ចឹមចិត្តប្រើយោធាដោះស្រាយបញ្ហា ប៉ុន្តែមធ្យោបាយនេះមិនទទួលបានការគាំទ្រឡើយ៕
ទៅដល់ទឹកដីជប៉ុននៅថ្ងៃទី៥ ខែវិច្ឆិកា ប្រធានាធិបតីអាមេរិកក ដូណាល់ ត្រាំ បានទៅសួរសុខទុក្ខកងទ័ពអាមេរិកដែលឈរជើងនៅទឹកដីជប៉ុននៅឯមូលដ្ឋានទ័ពអាកាស Yokota ភាគខាងលិចក្រុងតូក្យូ។ ចំពោះមុខទាហានជាច្រើនដែលឈរទះដៃអបអរសាទរវត្តមានរបស់លោក ប្រធានាធិបតីអាមេរិកក៏បន្តប្រើប្រាស់សម្ដីវោហារសាស្ត្រខ្លាំងៗដាក់បណ្ដាមេដឹកនាំផ្ដាច់ការនៅជុំវិញពិភពលោក ដែលលោកអះអាងថា ធ្លាប់មើលស្រាលអាមេរិក។
ជាមួយនឹងអាវយោធាអាមេរិក លោក ត្រាំ បាននិយាយគំរាមថា៖ «គ្មាននរណា គ្មានជនផ្ដាច់ការណា និងគ្មានរបបណាមួយអាចមើលស្រាលការតាំងចិត្តរបស់អាមេរិក្កបានឡើយ»។ បើតាមប្រធានាធិបតីអាមេរិករូបនេះ នាពេលកន្លងមក មានមេដឹកនាំជាច្រើនមើលងាយអាមេរិកយ៉ាងខ្លាំង ប៉ុន្តែលោកនឹងមិនបោះបង់ការការពារប្រជាជន សេរីភាព និងទង់ជាតិអាមេរិកឡើយ។ នេះបើតាមការផ្សាយទីភ្នាក់ងារព័ត៌មាន AFP ។
ទោះជាមិនបញ្ជាក់ពីឈ្មោះមេដឹកនាំណាក្ដី ក្នុងស្ថានភាពបច្ចុប្បន្ននេះ លោក ត្រាំ ទំនងជាចង់ចង្អុលមុខមេដឹកនាំកូរ៉េខាងជើង គីម ជុងអ៊ុន ដែលជាសត្រូវស្រួចស្រាល់របស់អាមេរិក។ ទស្សនកិច្ចរយៈពេលវែងរបស់លោកនៅតំបន់អាស៊ី ផ្ដោតសំខាន់លើបញ្ហានុយក្លេអ៊ែរកូរ៉េខាងជើងតែម្ដង ដោយលោកចង់ប្រមូលការគាំទ្រឲ្យបានពីប្រទេសក្នុងតំបន់ដើម្បីដាក់សម្ពាធកាន់តែខ្លាំងលើរដ្ឋកុម្មុយនីស្តឯកោមួយនេះ។
ជប៉ុន និងកូរ៉េខាងត្បូង គឺជាចំណតរបស់ Air Force One ព្រោះសម្ព័ន្ធមិត្តទាំងពីរនេះរងការគំរាមកំហែងពីមីស៊ីលកូរ៉េខាងជើងខ្លាំងជាងគេ។ លោក ត្រាំ ចង់ឲ្យជប៉ុន និងកូរ៉េខាងត្បូងដើរតាមផ្លូវរបស់លោក គឺជាការដាក់ទណ្ឌកម្មខ្លាំងមិនធ្លាប់មាន ក៏ដូចជាជម្រើសយោធាផងនោះ។ ប៉ុន្តែក្រុងតូក្យូ និងក្រុងសេអ៊ូលហាក់រារែកពីជម្រើសកងទ័ពដើម្បីបញ្ចប់បញ្ហានុយក្លេអ៊ែរ ដ្បិតខ្លួនពិតជាងាយរងគ្រោះខ្លាំងណាស់។
សូមបញ្ជាក់ថា ពេលទៅដល់ជប៉ុនភ្លាមនោះ ប្រធានាធិបតីអាមេរិកក៏បានប្រកាសពីជម្រើសថ្មីក្នុងការដោះស្រាយវិបត្តិនេះ ព្រោះវិធីសាស្ត្របច្ចុប្បន្នមិនអាចដោះស្រាយបញ្ហាបានឡើយ។ ដូចដឹងស្រាប់ លោក ត្រាំ មិនពេញចិត្តនឹងការចរចារយៈពេលរាប់សិបឆ្នាំឡើយ ដោយលោកចាត់ទុកជាការខ្ជះខ្ជាយពេលវេលាប៉ុណ្ណោះ។ លោក ត្រាំ នៅតែចិញ្ចឹមចិត្តប្រើយោធាដោះស្រាយបញ្ហា ប៉ុន្តែមធ្យោបាយនេះមិនទទួលបានការគាំទ្រឡើយ៕
Tag:
អាមេរិក
ជប៉ុន
កូរ៉េខាងជើង
ដូណាល់ ត្រាំ
© រក្សាសិទ្ធិដោយ thmeythmey.com
