អន្តរជាតិ
រូបភាព៖ The News Economy
×![]()
សន្និសីទស្តីពីការប្រែប្រួលអាកាសធាតុលើកទី ២៣ (COP23) ចាប់ផ្តើមឡើងជាផ្លូវការនៅថ្ងៃចន្ទទី ៦ វិច្ឆិកានេះនៅទីក្រុង Bonn ប្រទេសអាល្លឺម៉ង់ ដោយមានប្រទេសហ្វីជីជាប្រធាន។ ប្រតិភូ ២៥០០០នាក់តំណាងរដ្ឋាភិបាលនៃប្រទេស្ទើរទាំងអស់លើពិភពលោករួមជាមួយតំណាងអង្គការអន្តរជាតិ និងអង្គការសង្គមស៊ីវិល នឹងមានវត្តមានក្នុងកិច្ចពិភាក្សានេះដែរ។
ប្រតិភូតំណាងរដ្ឋាភិបាល និងអង្គការសង្គមស៊ីវិល ២៥០០០នាក់មានវត្តមាននៅក្នុងសន្និសីទលើកទី ២៣ ស្តីពីការប្រែប្រួលអាកាសធាតុនៅក្នុងក្រុង Bonn ប្រទេសអាល្លឺម៉ង់នៅថ្ងៃចន្ទនេះ។ កិច្ចចរចារយៈពេលពីរសប្តាហ៍នេះនឹងផ្តោតសំខាន់លើការកំណត់បទបញ្ញត្តិដែលធានាការអនុវត្តកិច្ចព្រមព្រៀងប្រែប្រួលអាកាសធាតុក្រុងប៉ារីសឆ្នាំ ២០១៥។
បន្ទាប់ពីបង្កើតកិច្ចព្រមព្រៀងអាកាសធាតុក្រុងប៉ារីសជាប្រវត្តិសាស្ត្រដើម្បីកម្រិតកំណើនសីតុណ្ហភាពមកត្រឹម ២ អង្សាសេ មុនសម័យឧស្សាហកម្ម បណ្តាប្រទេសដែលសមាជិកនឹងត្រូវស្វែងរកការឯកភាពគ្នាក្នុងការកំណត់បញ្ញត្តិណែនាំសម្រាប់ការអនុវត្តកិច្ចព្រមព្រៀងនេះ។ វានឹងជួយធានាបានថា តើបណ្តាប្រទេសនីមួយៗត្រូវអនុវត្តផែនការសកម្មភាពស្តីពីការប្រែប្រួលអាកាសធាតុនេះរបៀបម៉េចនោះ។
ក្រៅពីនេះ នៅក្នុងកិច្ចប្រជុំប្រចាំឆ្នាំនេះ គេនឹងផ្តោតសំខាន់លើតួនាទីរបស់អាមេរិកក្នុងការចូលរួមដោះស្រាយបញ្ហាប្រែប្រួលអាកាសធាតុនេះក្រោយប្រធានាធិបតី ដូណាល់ ត្រាំ ដកអាមេរិកចេញពីកិច្ចព្រមព្រៀងអាកាសធាតុក្រុងប៉ារីស។ វាបង្កើតជាចម្ងល់មួយចំពោះតួនាទីអាមេរិកក្នុងការចរចាស្តីពីការប្រែប្រួលអាកាសធាតុ ក៏ដូចជាក្នុងមូលនិធិ Green Climate Fund ដែរ។
ប្រធានាធិបតីអាមេរិកលោក ដូណាល់ ត្រាំ បានសម្រេចដកអាមេរិកចេញពីកិច្ចព្រមព្រៀងអាកាសធាតុនេះកាលពីខែមិថុនាកន្លងទៅ តាមការសន្យារបស់ខ្លួនក្នុងពេលឃោសនាបោះឆ្នោត។ លោក ត្រាំ ម្តងជាពីរដងអះអាងថា ការប្រែប្រួលអាកាសធាតុជារឿងបោកប្រាសប៉ុណ្ណោះ។
ដោយឡែក ចក្រភពអង់គ្លេសដោយចាប់ដៃជាមួយកាណាដាត្រៀមបញ្ចេញគំនិតផ្តួចផ្តើមថ្មី សម្ព័ន្ធពិភពលោកនៅកិច្ចប្រជុំអាកាសធាតុនេះ ដើម្បីជំរុញឲ្យប្រទេសនានាបន្តប្តេជ្ញាចិត្តបញ្ឈប់ការប្រើប្រាស់ថាមពលធ្យូងថ្ម។ ប៉ុន្មានសប្តាហ៍មុននេះ ប្រទេសប្រទេសអាល្លឺម៉ង់ អីតាលី និងហូឡង់ ប្រកាសថា ពួកគេនឹងបញ្ឈប់ការប្រើប្រាស់ថាមពលធ្យូងថ្ម៕
ប្រតិភូតំណាងរដ្ឋាភិបាល និងអង្គការសង្គមស៊ីវិល ២៥០០០នាក់មានវត្តមាននៅក្នុងសន្និសីទលើកទី ២៣ ស្តីពីការប្រែប្រួលអាកាសធាតុនៅក្នុងក្រុង Bonn ប្រទេសអាល្លឺម៉ង់នៅថ្ងៃចន្ទនេះ។ កិច្ចចរចារយៈពេលពីរសប្តាហ៍នេះនឹងផ្តោតសំខាន់លើការកំណត់បទបញ្ញត្តិដែលធានាការអនុវត្តកិច្ចព្រមព្រៀងប្រែប្រួលអាកាសធាតុក្រុងប៉ារីសឆ្នាំ ២០១៥។
បន្ទាប់ពីបង្កើតកិច្ចព្រមព្រៀងអាកាសធាតុក្រុងប៉ារីសជាប្រវត្តិសាស្ត្រដើម្បីកម្រិតកំណើនសីតុណ្ហភាពមកត្រឹម ២ អង្សាសេ មុនសម័យឧស្សាហកម្ម បណ្តាប្រទេសដែលសមាជិកនឹងត្រូវស្វែងរកការឯកភាពគ្នាក្នុងការកំណត់បញ្ញត្តិណែនាំសម្រាប់ការអនុវត្តកិច្ចព្រមព្រៀងនេះ។ វានឹងជួយធានាបានថា តើបណ្តាប្រទេសនីមួយៗត្រូវអនុវត្តផែនការសកម្មភាពស្តីពីការប្រែប្រួលអាកាសធាតុនេះរបៀបម៉េចនោះ។
ក្រៅពីនេះ នៅក្នុងកិច្ចប្រជុំប្រចាំឆ្នាំនេះ គេនឹងផ្តោតសំខាន់លើតួនាទីរបស់អាមេរិកក្នុងការចូលរួមដោះស្រាយបញ្ហាប្រែប្រួលអាកាសធាតុនេះក្រោយប្រធានាធិបតី ដូណាល់ ត្រាំ ដកអាមេរិកចេញពីកិច្ចព្រមព្រៀងអាកាសធាតុក្រុងប៉ារីស។ វាបង្កើតជាចម្ងល់មួយចំពោះតួនាទីអាមេរិកក្នុងការចរចាស្តីពីការប្រែប្រួលអាកាសធាតុ ក៏ដូចជាក្នុងមូលនិធិ Green Climate Fund ដែរ។
ប្រធានាធិបតីអាមេរិកលោក ដូណាល់ ត្រាំ បានសម្រេចដកអាមេរិកចេញពីកិច្ចព្រមព្រៀងអាកាសធាតុនេះកាលពីខែមិថុនាកន្លងទៅ តាមការសន្យារបស់ខ្លួនក្នុងពេលឃោសនាបោះឆ្នោត។ លោក ត្រាំ ម្តងជាពីរដងអះអាងថា ការប្រែប្រួលអាកាសធាតុជារឿងបោកប្រាសប៉ុណ្ណោះ។
ដោយឡែក ចក្រភពអង់គ្លេសដោយចាប់ដៃជាមួយកាណាដាត្រៀមបញ្ចេញគំនិតផ្តួចផ្តើមថ្មី សម្ព័ន្ធពិភពលោកនៅកិច្ចប្រជុំអាកាសធាតុនេះ ដើម្បីជំរុញឲ្យប្រទេសនានាបន្តប្តេជ្ញាចិត្តបញ្ឈប់ការប្រើប្រាស់ថាមពលធ្យូងថ្ម។ ប៉ុន្មានសប្តាហ៍មុននេះ ប្រទេសប្រទេសអាល្លឺម៉ង់ អីតាលី និងហូឡង់ ប្រកាសថា ពួកគេនឹងបញ្ឈប់ការប្រើប្រាស់ថាមពលធ្យូងថ្ម៕
Tag:
COP23
អាមេរិក
Bonn
ហ្វីជី
ប្រែប្រួលអាកាសធាតុ
© រក្សាសិទ្ធិដោយ thmeythmey.com
