ស៊ី ទៅកាន់ ត្រាំ៖ បញ្ហាតៃវ៉ាន់ ជាចំណុច ថ្នាំងថ្នាក់រវាងចិននិងអាមេរិក

អន្តរជាតិ

ស៊ី ទៅកាន់ ត្រាំ៖ បញ្ហាតៃវ៉ាន់ ជាចំណុច ថ្នាំងថ្នាក់រវាងចិននិងអាមេរិក

10, Nov 2017 , 2:21 pm

រូបភាព

រូបថត Xinhua

ដោយ:

ដំណើរទស្សនកិច្ចរបស់ប្រធានាធិបតីអាមេរិក លោក ដូណាល់ ត្រាំ ទៅកាន់ចិន ដែលបញ្ចប់ជាមួយនឹងកិច្ចព្រមព្រៀងពាណិជ្ជកម្មរាប់លានដុល្លារ បានបង្កើតជាព្រឹត្តិការណ៍ប្រវិត្តសាស្ត្រមួយនៃទំនាក់ទំនងភាគីទាំងពីរ ។ ពីក្រោយនៃលទ្ធផលផ្លែផ្កានេះ ភាគទាំងពីរ ក៏បានមានរឿងរ៉ាវ ដែលតែងតែបង្កើតជារឿងថ្នាំងថ្នាក់សម្រាប់ទំនាក់ទំនងទ្វេភាគីផងដែរ ។

លោកប្រធានាធិបតីចិន ស៊ី ជិនពីង នៅថ្ងៃ៩ វិច្ឆិកា បានថ្លែងត្រង់ៗទៅកាន់លោកប្រធានាធិបតីអាមេរិក ដូណាល់ ត្រាំ ថា កិច្ចការការទូត និងសន្តិសុខ ជាបញ្ហារួម ដែលអាចធ្វើឲ្យមានផលប៉ះពាល់ដល់ការអភិវឌ្ឍនៃចំណងទ្វេភាគី និងទំនុកចិត្តរួមរបស់ចិន និងអាមេរិក ។

ជាក់ស្តែងនោះ ប្រមុខកំពូលចិន បានសង្កត់ធ្ងន់ថា បញ្ហាកោះតៃវ៉ាន់ គឺជាបញ្ហាសំខាន់ និងរសើបបំផុតនៃចំណង ចិន-អាមេរិក ដែលអាចប៉ះពាល់ដល់មូលដ្ឋាននៃទំនាក់ទំនងទ្វេភាគី ។ នេះបើយោងតាមភ្នាក់ងារព័ត៌មាន Xinhua ដែលបានដកស្រង់សម្តីរបស់លោក ស៊ី ជិនពីង ដែលបានទទូចផងដែរឲ្យអាមេរិក បន្តគោរពគោលនយោយបាយចិនតែមួយដើម្បីការពារភាពរាំងស្ទះនៃទំនាក់ទំនងទ្វេភាគីទាំងមូល ។

តបនឹងការលើកឡើងរបស់ប្រមុខកំពូលចិន លោកប្រធានាធិបតី ដូណាល់ ត្រាំ បានអះអាងថា រដ្ឋាភិបាលអាមេរិក នឹងប្រកាន់ខ្ជាប់ជានិច្ចចំពោះគោលនយោបាយចិនតែមួយ ។

យ៉ាងណាក៏ដោយ បន្ទាប់ពីបញ្ជាក់ជំហរដែលជាចំណុចចម្រូងចម្រាសរួចហើយនោះ មេដឹកនាំទាំងពីរ បានធ្វើសាក្សីពិធីចុះហត្ថលេខាលើកិច្ចព្រមព្រៀងរវាងក្រុមហ៊ុនធំៗរបស់អាមេរិក ដូចជា ក្រុមហ៊ុនផលិតយន្តហោះ Boeing, ក្រុមហ៊ុនរថយន្ត General Electric Co និងក្រុមហ៊ុនផលិតឈីប Qualcomm Inc ជាមួយនិងក្រុមហ៊ុនចិន ដែលតម្លៃច្រើនជាង២៥០ពាន់លានដុល្លារ និងថែមទាំងបានព្រមចាប់ដៃគ្នាដើម្បីបង្ហាញពីគំរូសម្រាប់ការដឹកនាំទៅកាន់ពិភពលោកផងដែរ ៕