ជាតិ
×![]()
ភ្នំពេញ៖ Asia Pacific Youth Exchange គឺជាគម្រោងមួយដែលផ្ដល់ឱកាសដល់យុវជនក្នុងការទទួលបានបទពិសោធន៍ពីយុវជនដទៃទៀត ជាពិសេសគឺនៅក្នុងប្រទេសអាស៊ាន។ ការផ្ដល់នូវបទពិសោធន៍ ឲ្យគ្នាទៅវិញទៅមកនេះ គឺដើម្បីជំរុញឲ្យមានការអភិវឌ្ឍន៍មួយប្រកបដោយចីរភាព។ ក្រសួងអប់រំ កំពុងពិចារណា ចុះកិច្ចសហប្រតិបត្តកាជាមួយគម្រោងនេះ ដើម្បីឲ្យយុវជនកម្ពុជា មានឱកាសតែច្រើនថែមទៀត។
សម្រាប់យុវជនដែលចង់ទទួលបានចំណេះដឹង និងបទពិសោធន៍បន្ថែម ពីយុវជនដទៃទៀតក្នុងបណ្ដាប្រទេសអាស៊ាន គម្រោង Asia Pacific Youth Exchange អាចផ្ដល់ចំណេះដឹងទាំងនោះ ដល់យុវជនបាន។ គម្រោងAPYE នេះមានបំណងជំរុញឲ្យយុវជនមានភាពជាអ្នកដឹកនាំ និងក្លាហាន និងពង្រឹងចំណេះដឹងរបស់យុវជន ពីគោលដៅអភិវឌ្ឍប្រកបដោយចីរភាព(SDGs) និងប្រយោជន៍SDGចំពោះប្រទេសជាតិ ហើយថាតើពួកគេត្រូវចូលរួមយ៉ាងដូចម្តេចដើម្បីសម្រេចគោលដៅនេះ។
លោក David Hyoungmin Kim អ្នកចាត់ការទូទៅនៃសភាយុវជនទីក្រុង និងការផ្លាស់ប្ដូរយុវជនអាស៊ីប៉ាស៊ីហ្វិក លើកឡើងក្នុងកម្មវិធីចែករំលែកអំពីកម្មវិធីនេះ នៅសាកលវិទ្យាល័យបញ្ញាសាស្ត្រ នៅថ្ងៃទី១៨ ខែវិច្ឆិកាថា កម្មវិធីAsia Pacific Youth Exchange គឺបើកឱកាសឲ្យយុវជនទាំងនៅទីក្រុង និងជនបទ ដែលអាយុចន្លោះ១៨-៣០ឆ្នាំ ចូលរួម។ តាមលោក Kim គម្រោងនេះ គឺផ្ដោតសំខាន់នៅតាមមូលដ្ឋាន មិនថាគម្រោងដែលធ្វើនៅក្នុងប្រទេសកម្ពុជា ឬនៅប្រទេសដទៃឡើយ។ លោក Kim បញ្ជាក់ដូច្នេះ៖« កម្មវិធីនេះ មិនមែនផ្ដោតសំខាន់តែលើទីក្រុងនោះទេ តែផ្ដោតសំខាន់ទៅលើការផ្ដល់ចំណេះដឹងដល់យុវជនតាមជនបទ។ យុវជនឹងមានឱកាសផ្ដាស់ប្ដូរបទពិសោធន៍ បង្កើតបណ្ដាញ ដើម្បីការអភិវឌ្ឍសហគមន៍»។
លោក ហម សុផាណ្ណា ប្រធាននាយកដ្ឋានយុវជន នៃក្រសួងអប់រំ បានប្រកាសគាំទ្រពេញទំហឹងចំពោះគម្រោងនេះ ទន្ទឹមនឹងការអះអាងថា យុវជន អាចទទួលបានប្រយោជន៍ជាច្រើន ពីគម្រោងនេះ និងអាចការសរសេរគម្រោង ស្នើសុំជំនួយពី World Bank មកអភិវឌ្ឍន៍មូលដ្ឋានរបស់ខ្លួនទៀតផង។ លោក ហម សុផាណ្ណា បញ្ជាក់បន្ថែមបែបនេះថា៖ «យុវជនភាគច្រើនគាត់ខ្វះជំនាញអនុវត្តន៍ ដែលAPYE នេះបានបង្រៀន ហើយនៅពេលដែលគាត់ទៅ សហគមន៍ គាត់អាចស្វែងយល់ថាសហគមន៍នោះមានបញ្ហាអ្វី យុវជនអាចពិភាក្សារកជំនួយដើម្បីដោះស្រាយ»។
យ៉ាងណាការ នៃគម្រោងនេះ ជាមួយក្រសួងអប់រំ ចុះកិច្ចសហប្រតិបត្តិជាមួយគម្រោងនេះនៅឡើយ ដោយត្រូវការពេលវេលាសិក្សាបន្ថែមសិន។ ប៉ុន្តែលោក សុផាណ្ណា ក៏បានគូសបញ្ជាក់ដែរថា ការចុះកិច្ចសហប្រតិបត្តិការ នឹងធ្វើបានលឿន បើមិនពាក់ព័ន្ធនឹងការចំណាយរបស់ក្រសួងនៅក្នុងកិច្ចសហការនេះ។
សូមបញ្ជាក់ថា នេះជាលើកទី៧ហើយ ដែលគម្រោង Asia Pacific Youth Exchange បានរៀបចំធ្វើ ក្នុងនោះមានធ្វើនៅប្រទេសហ្វីលីពីន ថៃ និងកូរ៉េខាងត្បូង។ នៅឆ្នាំក្រោយ គម្រោងនេះ នឹងធ្វើដំណើរទៅកាន់ប្រទេសហ្វីលីពីន ប្រទេសថៃ ចិន កូរ៉េខាងត្បូង និងកម្ពុជា៕
សម្រាប់យុវជនដែលចង់ទទួលបានចំណេះដឹង និងបទពិសោធន៍បន្ថែម ពីយុវជនដទៃទៀតក្នុងបណ្ដាប្រទេសអាស៊ាន គម្រោង Asia Pacific Youth Exchange អាចផ្ដល់ចំណេះដឹងទាំងនោះ ដល់យុវជនបាន។ គម្រោងAPYE នេះមានបំណងជំរុញឲ្យយុវជនមានភាពជាអ្នកដឹកនាំ និងក្លាហាន និងពង្រឹងចំណេះដឹងរបស់យុវជន ពីគោលដៅអភិវឌ្ឍប្រកបដោយចីរភាព(SDGs) និងប្រយោជន៍SDGចំពោះប្រទេសជាតិ ហើយថាតើពួកគេត្រូវចូលរួមយ៉ាងដូចម្តេចដើម្បីសម្រេចគោលដៅនេះ។
លោក David Hyoungmin Kim អ្នកចាត់ការទូទៅនៃសភាយុវជនទីក្រុង និងការផ្លាស់ប្ដូរយុវជនអាស៊ីប៉ាស៊ីហ្វិក លើកឡើងក្នុងកម្មវិធីចែករំលែកអំពីកម្មវិធីនេះ នៅសាកលវិទ្យាល័យបញ្ញាសាស្ត្រ នៅថ្ងៃទី១៨ ខែវិច្ឆិកាថា កម្មវិធីAsia Pacific Youth Exchange គឺបើកឱកាសឲ្យយុវជនទាំងនៅទីក្រុង និងជនបទ ដែលអាយុចន្លោះ១៨-៣០ឆ្នាំ ចូលរួម។ តាមលោក Kim គម្រោងនេះ គឺផ្ដោតសំខាន់នៅតាមមូលដ្ឋាន មិនថាគម្រោងដែលធ្វើនៅក្នុងប្រទេសកម្ពុជា ឬនៅប្រទេសដទៃឡើយ។ លោក Kim បញ្ជាក់ដូច្នេះ៖« កម្មវិធីនេះ មិនមែនផ្ដោតសំខាន់តែលើទីក្រុងនោះទេ តែផ្ដោតសំខាន់ទៅលើការផ្ដល់ចំណេះដឹងដល់យុវជនតាមជនបទ។ យុវជនឹងមានឱកាសផ្ដាស់ប្ដូរបទពិសោធន៍ បង្កើតបណ្ដាញ ដើម្បីការអភិវឌ្ឍសហគមន៍»។
លោក ហម សុផាណ្ណា ប្រធាននាយកដ្ឋានយុវជន នៃក្រសួងអប់រំ បានប្រកាសគាំទ្រពេញទំហឹងចំពោះគម្រោងនេះ ទន្ទឹមនឹងការអះអាងថា យុវជន អាចទទួលបានប្រយោជន៍ជាច្រើន ពីគម្រោងនេះ និងអាចការសរសេរគម្រោង ស្នើសុំជំនួយពី World Bank មកអភិវឌ្ឍន៍មូលដ្ឋានរបស់ខ្លួនទៀតផង។ លោក ហម សុផាណ្ណា បញ្ជាក់បន្ថែមបែបនេះថា៖ «យុវជនភាគច្រើនគាត់ខ្វះជំនាញអនុវត្តន៍ ដែលAPYE នេះបានបង្រៀន ហើយនៅពេលដែលគាត់ទៅ សហគមន៍ គាត់អាចស្វែងយល់ថាសហគមន៍នោះមានបញ្ហាអ្វី យុវជនអាចពិភាក្សារកជំនួយដើម្បីដោះស្រាយ»។
យ៉ាងណាការ នៃគម្រោងនេះ ជាមួយក្រសួងអប់រំ ចុះកិច្ចសហប្រតិបត្តិជាមួយគម្រោងនេះនៅឡើយ ដោយត្រូវការពេលវេលាសិក្សាបន្ថែមសិន។ ប៉ុន្តែលោក សុផាណ្ណា ក៏បានគូសបញ្ជាក់ដែរថា ការចុះកិច្ចសហប្រតិបត្តិការ នឹងធ្វើបានលឿន បើមិនពាក់ព័ន្ធនឹងការចំណាយរបស់ក្រសួងនៅក្នុងកិច្ចសហការនេះ។
សូមបញ្ជាក់ថា នេះជាលើកទី៧ហើយ ដែលគម្រោង Asia Pacific Youth Exchange បានរៀបចំធ្វើ ក្នុងនោះមានធ្វើនៅប្រទេសហ្វីលីពីន ថៃ និងកូរ៉េខាងត្បូង។ នៅឆ្នាំក្រោយ គម្រោងនេះ នឹងធ្វើដំណើរទៅកាន់ប្រទេសហ្វីលីពីន ប្រទេសថៃ ចិន កូរ៉េខាងត្បូង និងកម្ពុជា៕
Tag:
APYE
ការអប់រំ
បទពិសោធន៍
© រក្សាសិទ្ធិដោយ thmeythmey.com
