ជាតិ
សេដ្ឋកិច្ច
សំណង់អគារ៤២ជាន់បញ្ចប់នៅចុងឆ្នាំ២០១៩ ដោយចំណាយ១៤០លានដុល្លារបន្ថែមទៀត
×![]()
ភ្នំពេញ៖ ក្រុមហ៊ុនកូរ៉េ Yon Woo នឹងដំណើរការសាងសង់អគារខុនដូរ Golden Tower ៤២ជាន់នៅដើមឆ្នាំ ២០១៨ ខាងមុខនេះ បន្ទាប់ពីក្រុមហ៊ុននេះបានចុះកិច្ចព្រមព្រៀងជាមួយក្រុមហ៊ុនសាងសង់របស់ចិន នៅថ្ងៃទី២២ខែវិច្ឆិកានេះ។
អគារ Golden Tower ត្រូវបានចាប់ផ្ដើមសាងសង់តាំងពីឆ្នាំ ២០០៨ និងបានផ្អាកសកម្មភាពសាងសង់ជាច្រើនលើករហូតមកទល់ពេលនេះ ដែលសម្រេចបានត្រឹម ៣១ជាន់នៃគម្រោង ៤២ជាន់។ ប៉ុន្តែនៅថ្ងៃនេះក្រុមហ៊ុន Yon Woo បានចុះកិច្ចសន្យាសាងសង់ជាមួយក្រុមហ៊ុន Hongtao Decoration និងក្រុមហ៊ុន Waiman Construction&Engineering ពីប្រទេសចិន ដើម្បីបន្តដំណើរការសាងសង់អគារនេះ។
លោក Kim Tae Yeon ប្រធានក្រុមហ៊ុន Yon Woo បានអះអាងថា បន្ទាប់ពីមានកិច្ចសន្យានេះ ដំណើរការសាងសង់នឹងចាប់ផ្ដើមនៅខែមករា ឬកុម្ភៈឆ្នាំ២០១៨ និងបញ្ចប់គម្រោងនៅចុងឆ្នាំ២០១៩ ។ លោកបន្ថែមថា ការសាងសង់ដែលបានផ្អាកដំណើរការកន្លងមកនេះ ក្រុមហ៊ុនបានចំណាយទុនប្រមាណ ១០០លានដុល្លារអាមេរិក ហើយគ្រោង ១៤០ លានដុល្លារទៀតដើម្បីសាងសង់បញ្ចប់គម្រោង។
ថ្លែងប្រាប់អ្នកសារព័ត៌មាននៅក្នុងពិធីចុះហត្ថលេខាសាងសង់ លោក Kim Tae Yeon បានបង្ហាញសុទិដ្ឋិនិយមចំពោះការចាប់ដំណើរការសាងសង់របស់ខ្លួន។ លោកឲ្យដឹងយ៉ាងដូច្នេះថា៖«ខ្ញុំសម្លឹងឃើញវិស័យអចលនទ្រព្យរបស់កម្ពុជាឆ្ពោះទៅមុខ ទីផ្សារមិនមានបញ្ហា ហើយកំណើនសេដ្ឋកិច្ចបន្ត ៧ភាគរយ ដែលធ្វើឲ្យខ្ញុំមានឆន្ទៈចាប់ផ្ដើមបន្តសាងសង់អគារនេះ»។ បើតាមប្រធានក្រុមហ៊ុន Yon Woo រូបនេះ អគារ Golden Tower ទាំងមូលនៃគម្រោង គឺរួមមានបន្ទប់ស្នាក់នៅចំនួន ៣៩៩ យូនីត ផ្សារទំនើប និងការិយាល័យ៕
អគារ Golden Tower ត្រូវបានចាប់ផ្ដើមសាងសង់តាំងពីឆ្នាំ ២០០៨ និងបានផ្អាកសកម្មភាពសាងសង់ជាច្រើនលើករហូតមកទល់ពេលនេះ ដែលសម្រេចបានត្រឹម ៣១ជាន់នៃគម្រោង ៤២ជាន់។ ប៉ុន្តែនៅថ្ងៃនេះក្រុមហ៊ុន Yon Woo បានចុះកិច្ចសន្យាសាងសង់ជាមួយក្រុមហ៊ុន Hongtao Decoration និងក្រុមហ៊ុន Waiman Construction&Engineering ពីប្រទេសចិន ដើម្បីបន្តដំណើរការសាងសង់អគារនេះ។
លោក Kim Tae Yeon ប្រធានក្រុមហ៊ុន Yon Woo បានអះអាងថា បន្ទាប់ពីមានកិច្ចសន្យានេះ ដំណើរការសាងសង់នឹងចាប់ផ្ដើមនៅខែមករា ឬកុម្ភៈឆ្នាំ២០១៨ និងបញ្ចប់គម្រោងនៅចុងឆ្នាំ២០១៩ ។ លោកបន្ថែមថា ការសាងសង់ដែលបានផ្អាកដំណើរការកន្លងមកនេះ ក្រុមហ៊ុនបានចំណាយទុនប្រមាណ ១០០លានដុល្លារអាមេរិក ហើយគ្រោង ១៤០ លានដុល្លារទៀតដើម្បីសាងសង់បញ្ចប់គម្រោង។
ថ្លែងប្រាប់អ្នកសារព័ត៌មាននៅក្នុងពិធីចុះហត្ថលេខាសាងសង់ លោក Kim Tae Yeon បានបង្ហាញសុទិដ្ឋិនិយមចំពោះការចាប់ដំណើរការសាងសង់របស់ខ្លួន។ លោកឲ្យដឹងយ៉ាងដូច្នេះថា៖«ខ្ញុំសម្លឹងឃើញវិស័យអចលនទ្រព្យរបស់កម្ពុជាឆ្ពោះទៅមុខ ទីផ្សារមិនមានបញ្ហា ហើយកំណើនសេដ្ឋកិច្ចបន្ត ៧ភាគរយ ដែលធ្វើឲ្យខ្ញុំមានឆន្ទៈចាប់ផ្ដើមបន្តសាងសង់អគារនេះ»។ បើតាមប្រធានក្រុមហ៊ុន Yon Woo រូបនេះ អគារ Golden Tower ទាំងមូលនៃគម្រោង គឺរួមមានបន្ទប់ស្នាក់នៅចំនួន ៣៩៩ យូនីត ផ្សារទំនើប និងការិយាល័យ៕
Tag:
អចលនទ្រព្យ
© រក្សាសិទ្ធិដោយ thmeythmey.com
