កីឡាអន្តរជាតិ
អន្តរជាតិ
លោក Ange Postecoglou មានទឹកមុខស្រងូតស្រងាត់នាសន្និសីទសារព័ត៌មាននៅថ្ងៃទី២២ ខែវិច្ឆិកា។ រូបថត AFP
×![]()
ដោយ: ទេព ពិទូរ្យ
លោក Marc Wilmots និង លោក Giampiero Ventura បានអស់តួនាទីជាគ្រូបង្វឹកក្រុមជម្រើសជាតិកូតឌីវ័រ និងអ៊ីតាលី រៀងៗខ្លួន ក្រោយពួកលោកបរាជ័យក្នុងការដឹកនាំក្រុមឲ្យទទួលបានកៅអី World Cup នៅរុស្ស៊ី។ លោក Ange Postecoglou ជាគ្រូបង្វឹកទី៣ដែលបានចាកចេញពីជម្រើសជាតិ ប៉ុន្តែការចាកចេញនេះ ធ្វើឡើង៦ថ្ងៃក្រោយពេលដែលលោកបានជួយឲ្យអូស្ត្រាលី ទទួលកៅអីសម្រាប់ព្រឹត្តិការណ៍ឆ្នាំ២០១៨ នៅទឹកដីខ្លាឃ្មុំទឹកកក។
អ្នកចាត់ការទូទៅក្រុមកីឡាបាល់ទាត់ជម្រើសជាតិអូស្ត្រាលី លោក Ange Postecoglou បានប្រកាសលាលែងពីតំណែង បន្ទាប់ពីជួយក្រុមនេះបានកៅអីឡើងទៅប្រកួត FIFA World Cup ឆ្នាំ២០១៨ នៅរុស្ស៊ី។ អ្នកចាត់ការសញ្ជាតិក្រិក-អូស្ត្រាលី វ័យ ៥២ឆ្នាំរូបនេះ បាននិយាយនៅថ្ងៃពុធនេះថា លោកមិននៅបន្តដឹកនាំក្រុមអូស្ត្រាលីទៅប្រកួតពានរង្វាន់លំដាប់ពិភពលោកនោះទេ ហើយការចាកចេញនៅពេលនេះ គឺដើម្បីឲ្យក្រុមមានពេលវេលាច្រើនស្វែងរកអ្នកចាត់ការថ្មីនាំក្រុមទៅ រុស្ស៊ីឆ្នាំក្រោយ។
ការប្រកាសនេះបានធ្វើឡើងនៅចុងបញ្ចប់កិច្ចសន្យារយៈពេល ៥ឆ្នាំក្នុងនាមជាអ្នកចាត់ការអូស្ត្រាលី ហើយបានបញ្ចប់ភាពស្រពេចស្រពិលអស់រយៈពេលជាច្រើនសប្តាហ៍បន្ទាប់ពីមានសេចក្តីរាយការណ៍ថារូបលោកនឹងត្រូវចាកចេញ បើទោះបីមានលក្ខណៈសម្បត្តិគ្រប់គ្រាន់សម្រាប់ដឹកនាំក្រុមទៅ World Cup នៅឆ្នាំ ២០១៨ ក៏ដោយ។
Postecoglou មិនបានបង្ហាញពីមូលហេតុដែលគាត់សម្រេចចិត្តចុះចេញពីតំណែង ឬប្រកាសគម្រោងណាមួយនាពេលអនាគតនោះទេ ដោយគ្រាន់តែលើកឡើងថានេះជា "ពេលត្រឹមត្រូវ" ដើម្បីចាកចេញពីក្រុមប៉ុណ្ណោះ។
លើសពីនេះ លោកក៏បានច្រានចោលនូវសំណួរថាតើគាត់ធ្លាប់រងផលប៉ះពាល់ពីការរិះគន់ពីបណ្តាញសារព័ត៌មាន និងបានបដិសេធការប៉ះទង្គិចណាមួយជាមួយស្ថាប័នគ្រប់គ្រងថែមទៀតផង។
អូស្ត្រាលីធ្លាប់ឡើងទៅ World Cup ៤ដងរួចមកហើយ មុនពេល លោក Postecoglou ជួយក្រុមក្នុងទ្វីបអាស៊ីមួយនេះឈ្នះការប្រកួត Play-off លើក្រុម ហុងឌូរ៉ាសដើម្បីមានវត្តមានជាលើកទី៥ក្នុងព្រឹត្តិការណ៍លំដាប់ពិភពលោកនេះ៕
អ្នកចាត់ការទូទៅក្រុមកីឡាបាល់ទាត់ជម្រើសជាតិអូស្ត្រាលី លោក Ange Postecoglou បានប្រកាសលាលែងពីតំណែង បន្ទាប់ពីជួយក្រុមនេះបានកៅអីឡើងទៅប្រកួត FIFA World Cup ឆ្នាំ២០១៨ នៅរុស្ស៊ី។ អ្នកចាត់ការសញ្ជាតិក្រិក-អូស្ត្រាលី វ័យ ៥២ឆ្នាំរូបនេះ បាននិយាយនៅថ្ងៃពុធនេះថា លោកមិននៅបន្តដឹកនាំក្រុមអូស្ត្រាលីទៅប្រកួតពានរង្វាន់លំដាប់ពិភពលោកនោះទេ ហើយការចាកចេញនៅពេលនេះ គឺដើម្បីឲ្យក្រុមមានពេលវេលាច្រើនស្វែងរកអ្នកចាត់ការថ្មីនាំក្រុមទៅ រុស្ស៊ីឆ្នាំក្រោយ។
ការប្រកាសនេះបានធ្វើឡើងនៅចុងបញ្ចប់កិច្ចសន្យារយៈពេល ៥ឆ្នាំក្នុងនាមជាអ្នកចាត់ការអូស្ត្រាលី ហើយបានបញ្ចប់ភាពស្រពេចស្រពិលអស់រយៈពេលជាច្រើនសប្តាហ៍បន្ទាប់ពីមានសេចក្តីរាយការណ៍ថារូបលោកនឹងត្រូវចាកចេញ បើទោះបីមានលក្ខណៈសម្បត្តិគ្រប់គ្រាន់សម្រាប់ដឹកនាំក្រុមទៅ World Cup នៅឆ្នាំ ២០១៨ ក៏ដោយ។
Postecoglou មិនបានបង្ហាញពីមូលហេតុដែលគាត់សម្រេចចិត្តចុះចេញពីតំណែង ឬប្រកាសគម្រោងណាមួយនាពេលអនាគតនោះទេ ដោយគ្រាន់តែលើកឡើងថានេះជា "ពេលត្រឹមត្រូវ" ដើម្បីចាកចេញពីក្រុមប៉ុណ្ណោះ។
លើសពីនេះ លោកក៏បានច្រានចោលនូវសំណួរថាតើគាត់ធ្លាប់រងផលប៉ះពាល់ពីការរិះគន់ពីបណ្តាញសារព័ត៌មាន និងបានបដិសេធការប៉ះទង្គិចណាមួយជាមួយស្ថាប័នគ្រប់គ្រងថែមទៀតផង។
អូស្ត្រាលីធ្លាប់ឡើងទៅ World Cup ៤ដងរួចមកហើយ មុនពេល លោក Postecoglou ជួយក្រុមក្នុងទ្វីបអាស៊ីមួយនេះឈ្នះការប្រកួត Play-off លើក្រុម ហុងឌូរ៉ាសដើម្បីមានវត្តមានជាលើកទី៥ក្នុងព្រឹត្តិការណ៍លំដាប់ពិភពលោកនេះ៕
Tag:
បាល់ទាត់
FIFA World Cup
អូស្ត្រាលី
រុស្ស៊ី
© រក្សាសិទ្ធិដោយ thmeythmey.com
