ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
សង្រ្កាន្តឆ្នាំថ្មី
អត្ថបទពាណិជ្ជកម្ម
បទយកការណ៍/សម្ភាស
ជាតិ
សង្គមជាតិ
កម្ពុជា ពិចារណាលើគម្រោងជ្រើសកម្មសិក្សាការីខ្មែរ បម្រើការងារថែទាំមនុស្សចាស់នៅជប៉ុន
24, Nov 2017 ,
9:59 pm
រូបភាព
រូបភាពពីហ្វេសប៊ុកក្រសួងការងារ
×
ដោយ:
ភ្នំពេញ៖ កម្ពុជា កំពុងពិចារណាលើគម្រោងជ្រើសកម្មសិក្សាការីខ្មែរ ទៅបម្រើការងារលើវិស័យថែទាំមនុស្សចាស់នៅជប៉ុន។ គម្រោងការងារថែទាំមនុស្សចាស់នេះ ត្រូវបានលោក CHIBA Shinya ប្រធានសហជីពធនធានមនុស្សអន្តរជាតិជប៉ុន លើកយកពិភាក្សាជាមួយលោក អ៊ិត សំហេង រដ្ឋមន្ត្រីក្រសួងការងារ និងបណ្ដុះបណ្ដាលវិជ្ជាជីវៈ កាលពីថ្ងៃទី២៣ វិច្ឆិកា។
តាមរយៈគម្រោងនេះ វាអាចជាការពង្រីកទីផ្សារការងារសម្រាប់ពលករខ្មែរបន្ថែមទៀត ដើម្បីអាចទទួលបានប្រាក់ចំណូលផ្គត់ផ្គង់គ្រួសាររបស់ពួកគេ។ ប៉ុន្តែយ៉ាងណាក្រសួងការងារ និងបណ្ដុះបណ្ដាលវិជ្ជាជីវៈ ក៏នឹងពិចារណាលើគម្រោងជ្រើសកម្មសិក្សាការីខ្មែរនេះដែរ។ អ្នកនាំពាក្យក្រសួងការងារលោក ហេង សួរ បានប្រាប់សារព័ត៌មានអេឡិចត្រូនិកថ្មីៗថា ក្រសួងមិនទាន់កំណត់ការជ្រើសកម្មសិក្សាការី ទៅបម្រើការងារលើវិស័យថែទាំមនុស្សចាស់នៅជប៉ុននោះទេ ដោយសាររងចាំមានកិច្ចព្រមព្រៀងជាផ្លូវការរវាងប្រទេសទាំងពីរសិន។ បើតាមលោក ហេង សួរ ការកំណត់ចំនួនកម្មសិក្សាការីខ្មែរទៅបម្រើការនៅជប៉ុននោះ គឺអាស្រ័យលើរដ្ឋាភិបាលជប៉ុន។
អ្នកនាំពាក្យរូបនេះ បានបញ្ជាក់ថា៖«ការបញ្ជូនទៅពេលណាមិនទាន់ដឹងនៅឡើយ នេះគ្រាន់តែជាគម្រោងប៉ុណ្ណោះ។ ហើយទីផ្សារការងារអាស្រ័យលើអ្នកចង់បាន និងអ្នកចង់ទៅ។ ប្រទេសដែលចង់បានចាប់ផ្ដើមទទួល ហើយអ្នកដែលចង់ទៅបានការឯកភាពគ្នានោះនឹងត្រូវបញ្ជូនទៅតែម្ដង»។
ប្រធានសហជីពធនធានមនុស្សអន្តរជាតិជប៉ុនលោក CHIBA Shinya បាននិយាយថា រាជរដ្ឋាភិបាលជប៉ុន ត្រូវការកម្មសិក្សាការី ពីបរទេសចំនួន២០ម៉ឺន ទៅ៣០ម៉ឺននាក់ក្នុងមួយឆ្នាំ ដើម្បីបម្រើការងារលើវិស័យសេវាកម្មថែទាំមនុស្សចាស់។ ក្នុងជំនួបជាមួយលោក អ៊ិត សំហេង រដ្ឋមន្ត្រីក្រសួងការងារ និងបណ្ដុះបណ្ដាលវិជ្ជាជីវៈ លោក CHIBA Shinya បានបញ្ជាក់ដូច្នេះថា៖«បច្ចុប្បន្នប្រទេសជប៉ុនមានប្រជាជនវ័យចំណាស់ច្រើន ហើយកម្លាំងពលកម្មមានការថមថយចុះ ដូច្នេះរដ្ឋាភិបាលរៀបចំបង្កើតច្បាប់ថ្មី ដើម្បីទទួលកម្មសិក្សាការីផ្នែកថែទាំមនុស្សចាស់»។
ជាការឆ្លើយតបរដ្ឋមន្ត្រីក្រសួងការងារ លោក អ៊ិត សំហេង បានគាំទ្រចំពោះគម្រោងភាគីជប៉ុន ដែលត្រូវការកម្មសិក្សាការីពីកម្ពុជាទៅបម្រើការងារថែទាំមនុស្សចាស់។ លោក អ៊ិត សំហេង បញ្ជាក់ថា៖«ខាងសហជីពធនធានមនុស្សអន្តរជាតិ ត្រូវមានការណែនាំ តម្រង់ទិស និងបណ្តុះបណ្តាលពីភាគីជប៉ុន មុននឹងបញ្ជូនកម្មសិក្សាការីទៅបម្រើការងារ។ សហជីពត្រូវបង្កើតភ្នាក់ងារដើម្បីណែនាំ និងត្រូវចុះបញ្ជីនៅក្រសួងការងារជាមុនសិន»។
កន្លងមក រដ្ឋាភិបាលជប៉ុនបានទទួលកម្មសិក្សាការីកម្ពុជា ទៅបម្រើការងារជាង៥ពាន់នាក់ ក្នុងនោះមានដូចជាវិស័យ កសិកម្ម ឧស្សាហកម្ម និងសំណង់។ កម្ពុជាឈរលេខរៀងទី៦ ក្នុងចំណោមប្រទេសទាំង១៧ ដែលបានបញ្ជូនកម្មសិក្សាការីទៅបម្រើការងារនៅជប៉ុន ។ នេះបើតាមលោក អ៊ិត សំហេង៕
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
Tag:
អ៊ិត សំហេង
ជប៉ុន
© រក្សាសិទ្ធិដោយ thmeythmey.com
អត្ថបទពេញនិយម
នាយទាហាន ៨រូប ត្រូវបានព្រះមហាក្សត្រដំឡើងឋានន្តរស័ក្តិផ្កាយ៤
7 ថ្ងៃ
«មជ្ឈការ»មានន័យខុសពី«វិមជ្ឈការ»ដូចម្តេច?
5 ថ្ងៃ
អាចសរសេរបានថា «រួញរា» ឬ «រញ់រា» ប៉ុន្តែមិនមែន «រុញរា» ឡើយ
1 សប្តាហ៍
«ប្រេសិត»មានន័យដូចម្តេច?
6 ថ្ងៃ
គ្រឿងឥស្សរិយាភរណៈ គឺ «មេដាយ» មិនមែន «មេដៃ» ឡើយ
2 ថ្ងៃ
អត្ថបទពេញនិយមបន្ថែម