ជាតិ
សង្គមជាតិ
គ្រោះថ្នាក់ចរាចរណ៍កើតឡើងញឹកញាប់នៅតំបន់ពេជ្រនិល៖ ការបើកបរធ្វេសប្រហែស និងអបិយជំនឿ
×![]()
តំបន់ពេជ្រនិល ស្ថិតនៅស្រុកភ្នំស្រួច ខេត្តកំពង់ស្ពឺ ដែលមានចម្ងាយប្រមាណជា៩៦គីឡូម៉ែត្រ ពីរាជធានីភ្នំពេញ ដោយធ្វើដំណើរនៅលើផ្លូវជាតិលេខ៤ ។ ប៉ុន្តែអ្វីដែលត្រូវបានគេកត់សម្គាល់នោះ ឃើញថា កំណាត់ផ្លូវជាតិលេខ៤ ត្រង់តំបន់ពេជ្រនិលនេះ តែងតែមានករណីគ្រោះថ្នាក់ចរាចរណ៍កើតឡើងជាញឹកញាប់។ តើមូលហេតុអ្វីបានជាតំបន់ពេជ្រនិលនេះ សំបូរគ្រោះថ្នាក់ចរាចរណ៍?
«ដើម្បីកុំឲ្យមានគ្រោះថ្នាក់ចរាចរណ៍ គឺវាអាស្រ័យលើការប្រុងប្រយ័ត្នរបស់អ្នកបើកបរ»។ នេះជាការលើកឡើងរបស់មន្ត្រីជំនាញ ស្នងការរងសណ្ដាប់ចរាចរណ៍ខេត្តកំពង់ស្ពឺ លោក តាប់ លន ដែលបានបន្ថែមថា គ្រោះថ្នាក់ចរាចរណ៍ដែលតែងតែកើតឡើងនៅ តំបន់ជ្រោះពេជ្រនិលនេះ ដោយសារខ្វះការប្រុងប្រយ័ត្ន និងបើកបរហួសល្បឿនកំណត់ ទោះបីជាមានស្លាកសញ្ញាកំណត់ល្បឿនក្ដី។
ថ្លែងប្រាប់សារព័ត៌មានថ្មីៗ ស្នងការរងសណ្ដាប់ចរាចរណ៍ខេត្តកំពង់ស្ពឺរូបនេះ បាននិយាយថា៖« ឧបទ្ទវហេតុតែងតែងកើតមានឡើងនេះដោយសារ តែអ្នកបើកបរមួយចំនួន បើកបរលើសល្បឿនហួសកំណត់ ខ្វះការប្រុងប្រយ័ត្ន នៅពេលថ្ងៃ។ ហើយនៅពេលយប់មានសភាពងងឹតមិនមានភ្លើងបំភ្លឺគ្រប់គ្រាន់ ហើយអ្នកបើកបរឆ្លងកាត់ទាំងប្រថុយប្រថានក៏បង្កឲ្យមានគ្រោះថ្នាក់។ ម្យ៉ាងទៀតសភាពផ្លូវនៅតំបន់នោះកោងខ្លាំង ដែលតែងតែមានគ្រោះថ្នាក់ព្រោះអ្នកបើកបរនៅតែមិនគោរព ហើយនៅតែបើកលឿន ទោះបីជាមានស្លាកសញ្ញាចរាចរណ៍កំណត់ល្បឿនក្ដី ។ ដូច្នេះត្រូវមានការប្រុងប្រយ័ត្នខ្ពស់ និងបន្ថយល្បឿន ហើយកុំជែងវ៉ាគ្នាទោះជាប្រញាប់យ៉ាងណាក៏ដោយ នៅពេលធ្វើដំណើរដល់ចំណុចនេះ »។
ក្រៅពីបញ្ហាបើកបរខ្វះការប្រុងប្រយ័ត្ននេះ ការមិនគោរពប្រតិបត្តិបន់ស្រន់លោកយាយម៉ៅ ដើម្បីសុំសេចក្តីសុខតាមបែបអបិយជំនឿនោះ ក៏អាចជារឿងគួបផ្សំផងដែរ។ នេះជាទស្សនៈផ្ទាល់ខ្លួនរបស់លោក តាប់ លន ដែលបានបន្ថែមថា៖«ចំពោះអបិយជំនឿនៃការបន់ស្រន់វិញនៅពេជ្រនិលគឺតាមអ្នកដែលគេជឿ ព្រោះអ្នកដំណើរដែលគេជឿតែងតែឈប់ហើយចូលទៅបន់ស្រន់សុំសេចក្ដីសុខពី លោក យាយម៉ៅ ។សម្រាប់ ខ្លួនខ្ញុំផ្ទាល់ក៏មានជំនឿផងដែរ ប៉ុន្តែចំពោះអ្នកមិនជឿទៅតាមគេម្នាក់ៗ។
លទ្ធផលគ្រោះថ្នាក់ចរចរណ៍មួយខែចុងក្រោយ ចាប់ពីថ្ងៃទី១០ ខែតុលា ដល់ថ្ងៃទី១០ ខែវិច្ឆិកា ឆ្នាំ២០១៧ លើផ្លូវជាតិលេខ៤ កើតឡើងចំនួន ១០លើក មនុស្សស្លាប់ចំនួន ១៨នាក់ និងរបួស ១៦នាក់។ យោងតាមរបាយការណ៍សណ្ដាប់ធ្នាប់ការិយាល័យនគរបាលចរាចរណ៍ខេត្តកំពង់ស្ពឺ។
តាមរបាយការណ៍ដដែល មូលហេតុគ្រោះថ្នាក់ចរាចរណ៍ បណ្ដាលមកពី បើកកលើសល្បឿនកំណត់ បើកបរឆ្លងកាត់មិនគោរពសិទ្ធិអាទិភាព វ៉ាជែងក្នុងស្ថានភាពនៃគ្រោះថ្នាក់ និងបើកបរក្នុងស្ថានភាពស្រវឹងជាដើម។ សូមបញ្ជាក់ថា កាលពីថ្មីៗកន្លងទៅ កាលពីថ្ងៃទី២៦ ខែវិច្ឆិកា ខែមុននេះ ប្រធានផ្នែកព័ត៌មាននៃទូរទស្សន៍លេខ៥ លោក ស ងួន បានជួបគ្រោះថ្នាក់ចរាចរណ៍នៅតំបន់ពេជ្រនិល ក្នុងស្រុកភ្នំស្រួច នៃខេត្តកំពង់ស្ពឺ។ ហេតុការណ៍នោះបានបណ្ដាលឲ្យ ភរិយា របស់លោកស្លាប់នៅនឹងកន្លែង ហើយលោក និងកូនស្រីរងរបួសយ៉ាងដំណំផងដែរ៕
«ដើម្បីកុំឲ្យមានគ្រោះថ្នាក់ចរាចរណ៍ គឺវាអាស្រ័យលើការប្រុងប្រយ័ត្នរបស់អ្នកបើកបរ»។ នេះជាការលើកឡើងរបស់មន្ត្រីជំនាញ ស្នងការរងសណ្ដាប់ចរាចរណ៍ខេត្តកំពង់ស្ពឺ លោក តាប់ លន ដែលបានបន្ថែមថា គ្រោះថ្នាក់ចរាចរណ៍ដែលតែងតែកើតឡើងនៅ តំបន់ជ្រោះពេជ្រនិលនេះ ដោយសារខ្វះការប្រុងប្រយ័ត្ន និងបើកបរហួសល្បឿនកំណត់ ទោះបីជាមានស្លាកសញ្ញាកំណត់ល្បឿនក្ដី។
ថ្លែងប្រាប់សារព័ត៌មានថ្មីៗ ស្នងការរងសណ្ដាប់ចរាចរណ៍ខេត្តកំពង់ស្ពឺរូបនេះ បាននិយាយថា៖« ឧបទ្ទវហេតុតែងតែងកើតមានឡើងនេះដោយសារ តែអ្នកបើកបរមួយចំនួន បើកបរលើសល្បឿនហួសកំណត់ ខ្វះការប្រុងប្រយ័ត្ន នៅពេលថ្ងៃ។ ហើយនៅពេលយប់មានសភាពងងឹតមិនមានភ្លើងបំភ្លឺគ្រប់គ្រាន់ ហើយអ្នកបើកបរឆ្លងកាត់ទាំងប្រថុយប្រថានក៏បង្កឲ្យមានគ្រោះថ្នាក់។ ម្យ៉ាងទៀតសភាពផ្លូវនៅតំបន់នោះកោងខ្លាំង ដែលតែងតែមានគ្រោះថ្នាក់ព្រោះអ្នកបើកបរនៅតែមិនគោរព ហើយនៅតែបើកលឿន ទោះបីជាមានស្លាកសញ្ញាចរាចរណ៍កំណត់ល្បឿនក្ដី ។ ដូច្នេះត្រូវមានការប្រុងប្រយ័ត្នខ្ពស់ និងបន្ថយល្បឿន ហើយកុំជែងវ៉ាគ្នាទោះជាប្រញាប់យ៉ាងណាក៏ដោយ នៅពេលធ្វើដំណើរដល់ចំណុចនេះ »។
ក្រៅពីបញ្ហាបើកបរខ្វះការប្រុងប្រយ័ត្ននេះ ការមិនគោរពប្រតិបត្តិបន់ស្រន់លោកយាយម៉ៅ ដើម្បីសុំសេចក្តីសុខតាមបែបអបិយជំនឿនោះ ក៏អាចជារឿងគួបផ្សំផងដែរ។ នេះជាទស្សនៈផ្ទាល់ខ្លួនរបស់លោក តាប់ លន ដែលបានបន្ថែមថា៖«ចំពោះអបិយជំនឿនៃការបន់ស្រន់វិញនៅពេជ្រនិលគឺតាមអ្នកដែលគេជឿ ព្រោះអ្នកដំណើរដែលគេជឿតែងតែឈប់ហើយចូលទៅបន់ស្រន់សុំសេចក្ដីសុខពី លោក យាយម៉ៅ ។សម្រាប់ ខ្លួនខ្ញុំផ្ទាល់ក៏មានជំនឿផងដែរ ប៉ុន្តែចំពោះអ្នកមិនជឿទៅតាមគេម្នាក់ៗ។
លទ្ធផលគ្រោះថ្នាក់ចរចរណ៍មួយខែចុងក្រោយ ចាប់ពីថ្ងៃទី១០ ខែតុលា ដល់ថ្ងៃទី១០ ខែវិច្ឆិកា ឆ្នាំ២០១៧ លើផ្លូវជាតិលេខ៤ កើតឡើងចំនួន ១០លើក មនុស្សស្លាប់ចំនួន ១៨នាក់ និងរបួស ១៦នាក់។ យោងតាមរបាយការណ៍សណ្ដាប់ធ្នាប់ការិយាល័យនគរបាលចរាចរណ៍ខេត្តកំពង់ស្ពឺ។
តាមរបាយការណ៍ដដែល មូលហេតុគ្រោះថ្នាក់ចរាចរណ៍ បណ្ដាលមកពី បើកកលើសល្បឿនកំណត់ បើកបរឆ្លងកាត់មិនគោរពសិទ្ធិអាទិភាព វ៉ាជែងក្នុងស្ថានភាពនៃគ្រោះថ្នាក់ និងបើកបរក្នុងស្ថានភាពស្រវឹងជាដើម។ សូមបញ្ជាក់ថា កាលពីថ្មីៗកន្លងទៅ កាលពីថ្ងៃទី២៦ ខែវិច្ឆិកា ខែមុននេះ ប្រធានផ្នែកព័ត៌មាននៃទូរទស្សន៍លេខ៥ លោក ស ងួន បានជួបគ្រោះថ្នាក់ចរាចរណ៍នៅតំបន់ពេជ្រនិល ក្នុងស្រុកភ្នំស្រួច នៃខេត្តកំពង់ស្ពឺ។ ហេតុការណ៍នោះបានបណ្ដាលឲ្យ ភរិយា របស់លោកស្លាប់នៅនឹងកន្លែង ហើយលោក និងកូនស្រីរងរបួសយ៉ាងដំណំផងដែរ៕
Tag:
គ្រោះថ្នាកចរាចរណ៍
ជ្រោះពេជ្រនិល
តាប់ លន
© រក្សាសិទ្ធិដោយ thmeythmey.com
