ពីនេះ ពីនោះ
ព័ត៍មានសុខភាព
×![]()
ដោយ: ថ្មីៗ
ការធ្វើសកម្មភាពរាងកាយនឹងជួយឲ្យមានសុខភាពល្អ និងសប្បាយចិត្ត។ ថ្វីបើអ្នកត្រូវការពេលខ្លះជាសះស្បើយពីជំងឺ ការមិនបានហាត់ប្រាណរយៈពេលយូរ អាចនាំឲ្យថយចុះទំហំសាច់ដុំ កើនជាតិខ្លាញ់ក្នុងខ្លួន លើសជាតិស្ករ និងលើសសម្ពាធឈាមផង។ ដោយសារតែការហាត់ប្រាណជម្រុញដល់ការបញ្ចេញសារធាតុ Endorphins ដែលជាអ័រម៉ូនជួយឲ្យមានអារម្មណ៍ល្អ ដូច្នេះការដែលកង្វះសកម្មភាពនេះអាចធ្វើឲ្យអ្នកពិបាកចិត្ត និងខឹងបាន។ ការហាត់ប្រាណទៀងទាត់ និងញ៉ាំអាហារផ្តល់សុខភាពនឹងជួយរក្សាភាពសមសួន និងបន្ថយការប្រឈមនឹងជំងឺផ្សេងៗបាន។
នៅពេលអ្នកខានហាត់ប្រាណពីរបីថ្ងៃ វាពិតជាងាយធ្វើឲ្យអ្នកចង់ខានហាត់ទៀតណាស់ ហើយក៏លែងហាត់រហូតក៏មានដែរ។ យ៉ាងណាមិញ កាលណាអ្នកខានហាត់ប្រាណច្រើនជាងពីរសប្តាហ៍អ្នកនឹងសម្គាល់ឃើញការប្រែប្រួលខាងក្រោមនេះកើតឡើងក្នុងរាងកាយជាមិនខាន។
លើសសម្ពាធឈាម
សកម្មភាពរាងកាយអាចបន្ថយសម្ពាធឈាមបានដោយសារតែធ្វើឲ្យសរសៃឈាមរីកធំ។ រឿងនេះនឹងពង្រឹងដល់របត់ឈាមរត់ និងបង្កើនលំហូរឈាមបានបណ្តោះអាសន្ន។ នៅពេលអ្នកឈប់ហាត់ប្រាណរយៈពេលយូរ សម្ពាធឈាមនឹងកើនឡើងក្នុងសរសៃឈាមនៅពេលកន្ត្រាក់ម្តងៗ។
បង្កើនជាតិខ្លាញ់ក្នុងខ្លួន
ទោះបីជាអ្នកឈប់ហាត់ប្រាណក៏ដោយ អ្នកត្រូវតែប្រុងប្រយ័ត្នបន្ថែមអំពីអ្វីដែលអ្នកបានញ៉ាំ។ ការដែលបង្កើនការញ៉ាំមានកាឡូរីខ្ពស់ ហើយមិនបានរំលាយវាចេញគ្រប់គ្រាន់ទេ វាពិតជាអាចបង្កជាផលអវិជ្ជមានដល់រាងកាយបាន។ ការបន្ថយសកម្មភាពរាងកាយ ហើយញ៉ាំអាហារមិនផ្តល់សុខភាពទៀតអាចនាំឲ្យឡើងទម្ងន់ និងជាតិខ្លាញ់ក្នុងខ្លួនបាន។
បន្ថយទំហំសាច់ដុំ
បើសិនជាអ្នកប្រើប្រាស់ការហាត់ប្រាណដោយការលើទម្ងន់ នោះសាច់ដុំដែលធ្លាប់តែធំនឹងតូចជាងមុននៅពេលខានហាត់យូរ។ ទំហំសាច់ដុំមិនមែនជាអ្នកកំណត់ភាពរឹងមាំរបស់អ្នកទេ។ នៅពេលអ្នកឈប់ហាត់ប្រាណ ទោះបីជាទំហំសាច់ដុំថយចុះក៏ដោយ តែកម្លាំងនៅតែមានដដែលអញ្ចឹងទេ។
លើសជាតិស្ករក្នុងឈាម
ការហាត់ប្រាណគឺជាការប្រើប្រាស់ជាតិស្ករក្នុងខ្លួនដើម្បីបង្កើនថាមពល។ ការរស់នៅក្នុងរបៀបរស់នៅដែលស៊ីដេកៗអាចធ្វើឲ្យជាតិស្ករក្នុងឈាមឡើងខ្ពស់ និងប្រឈមកាន់តែខ្លាំងនឹងជំងឺបេះដូងនិងទឹកនោមផ្អែមបាន។ ការថយចុះសកម្មភាពរាងកាយក៏បណ្តាលឲ្យថយចុះនៃប្រសិទ្ធភាពរបស់អាំងស៊ុយលីន ដូច្នេះរាងកាយនឹងមិនអាចប្រើប្រាស់ជាតិស្ករបង្កើតជាថាមពលបានទេ។
អារម្មណ៍ប្រែប្រួល
ការហាត់ប្រាណនឹងជម្រុញដល់ការបញ្ចេញសារធាតុ Endorphins ក្នុងរាងកាយ ដែលអាចពង្រឹងដល់អារម្មណ៍ល្អបានលឿន។ ផ្ទុយទៅវិញ បើសិនជាអ្នកមិនបានហាត់ប្រាណរយៈពេលយូរ អ្នកនឹងងាយមានអារម្មណ៍ស្ត្រេស ឬថប់ក្នុងអារម្មណ៍ច្រើន។ ការដែលកង្វះការហាត់ប្រាណអាចធ្វើឲ្យពិបាកដោះស្រាយនឹងភាពស្ត្រេសណាស់។ បើសិនជាអ្នកកំពុងតែជួបបញ្ហាបាក់ទឹកចិត្តទៀត យកល្អគួរតែកុំឈប់ហាត់ប្រាណអី ព្រោះវាអាចជួយអ្នកធ្វើឲ្យមានអារម្មណ៍ល្អឡើងវិញបាន៕
ត្រួតពិនិត្យដោយ www.health.com.kh
នៅពេលអ្នកខានហាត់ប្រាណពីរបីថ្ងៃ វាពិតជាងាយធ្វើឲ្យអ្នកចង់ខានហាត់ទៀតណាស់ ហើយក៏លែងហាត់រហូតក៏មានដែរ។ យ៉ាងណាមិញ កាលណាអ្នកខានហាត់ប្រាណច្រើនជាងពីរសប្តាហ៍អ្នកនឹងសម្គាល់ឃើញការប្រែប្រួលខាងក្រោមនេះកើតឡើងក្នុងរាងកាយជាមិនខាន។
លើសសម្ពាធឈាម
សកម្មភាពរាងកាយអាចបន្ថយសម្ពាធឈាមបានដោយសារតែធ្វើឲ្យសរសៃឈាមរីកធំ។ រឿងនេះនឹងពង្រឹងដល់របត់ឈាមរត់ និងបង្កើនលំហូរឈាមបានបណ្តោះអាសន្ន។ នៅពេលអ្នកឈប់ហាត់ប្រាណរយៈពេលយូរ សម្ពាធឈាមនឹងកើនឡើងក្នុងសរសៃឈាមនៅពេលកន្ត្រាក់ម្តងៗ។
បង្កើនជាតិខ្លាញ់ក្នុងខ្លួន
ទោះបីជាអ្នកឈប់ហាត់ប្រាណក៏ដោយ អ្នកត្រូវតែប្រុងប្រយ័ត្នបន្ថែមអំពីអ្វីដែលអ្នកបានញ៉ាំ។ ការដែលបង្កើនការញ៉ាំមានកាឡូរីខ្ពស់ ហើយមិនបានរំលាយវាចេញគ្រប់គ្រាន់ទេ វាពិតជាអាចបង្កជាផលអវិជ្ជមានដល់រាងកាយបាន។ ការបន្ថយសកម្មភាពរាងកាយ ហើយញ៉ាំអាហារមិនផ្តល់សុខភាពទៀតអាចនាំឲ្យឡើងទម្ងន់ និងជាតិខ្លាញ់ក្នុងខ្លួនបាន។
បន្ថយទំហំសាច់ដុំ
បើសិនជាអ្នកប្រើប្រាស់ការហាត់ប្រាណដោយការលើទម្ងន់ នោះសាច់ដុំដែលធ្លាប់តែធំនឹងតូចជាងមុននៅពេលខានហាត់យូរ។ ទំហំសាច់ដុំមិនមែនជាអ្នកកំណត់ភាពរឹងមាំរបស់អ្នកទេ។ នៅពេលអ្នកឈប់ហាត់ប្រាណ ទោះបីជាទំហំសាច់ដុំថយចុះក៏ដោយ តែកម្លាំងនៅតែមានដដែលអញ្ចឹងទេ។
លើសជាតិស្ករក្នុងឈាម
ការហាត់ប្រាណគឺជាការប្រើប្រាស់ជាតិស្ករក្នុងខ្លួនដើម្បីបង្កើនថាមពល។ ការរស់នៅក្នុងរបៀបរស់នៅដែលស៊ីដេកៗអាចធ្វើឲ្យជាតិស្ករក្នុងឈាមឡើងខ្ពស់ និងប្រឈមកាន់តែខ្លាំងនឹងជំងឺបេះដូងនិងទឹកនោមផ្អែមបាន។ ការថយចុះសកម្មភាពរាងកាយក៏បណ្តាលឲ្យថយចុះនៃប្រសិទ្ធភាពរបស់អាំងស៊ុយលីន ដូច្នេះរាងកាយនឹងមិនអាចប្រើប្រាស់ជាតិស្ករបង្កើតជាថាមពលបានទេ។
អារម្មណ៍ប្រែប្រួល
ការហាត់ប្រាណនឹងជម្រុញដល់ការបញ្ចេញសារធាតុ Endorphins ក្នុងរាងកាយ ដែលអាចពង្រឹងដល់អារម្មណ៍ល្អបានលឿន។ ផ្ទុយទៅវិញ បើសិនជាអ្នកមិនបានហាត់ប្រាណរយៈពេលយូរ អ្នកនឹងងាយមានអារម្មណ៍ស្ត្រេស ឬថប់ក្នុងអារម្មណ៍ច្រើន។ ការដែលកង្វះការហាត់ប្រាណអាចធ្វើឲ្យពិបាកដោះស្រាយនឹងភាពស្ត្រេសណាស់។ បើសិនជាអ្នកកំពុងតែជួបបញ្ហាបាក់ទឹកចិត្តទៀត យកល្អគួរតែកុំឈប់ហាត់ប្រាណអី ព្រោះវាអាចជួយអ្នកធ្វើឲ្យមានអារម្មណ៍ល្អឡើងវិញបាន៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com
