ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
សង្រ្កាន្តឆ្នាំថ្មី
អត្ថបទពាណិជ្ជកម្ម
បទយកការណ៍/សម្ភាស
កីឡាជាតិ
ជាតិ
កីឡាករមកពី១១ប្រទេសត្រូវប្រជែងគ្នាក្នុងគុនខ្មែរអន្តរជាតិលើកដំបូងនៅចុងសប្តាហ៍នេះ
08, Dec 2017 ,
8:39 am
រូបភាព
×
ដោយ:
សហព័ន្ធកីឡាគុនខ្មែរអន្តរជាតិ ប្រកាសរៀបចំការប្រកួតដ៏ធំមួយ ដែលមានកីឡាករមកពី១១ប្រទេសចូលរួម នៅចាប់ពីថ្ងៃទី៨-១០ ខែធ្នូ ចុងសប្តាហ៍នេះ នៅពហុកីឡដ្ឋានជាតិ។ ទន្ទឹមនឹងជំរុញឲ្យមន្ត្រីបច្ចេកទេស អាជ្ញាកណ្តាល ចៅក្រមកាត់ក្តី ដោយឈរលើគោលការណ៍ Fair Play លោក វ៉ាត់ ចំរើន បានចាត់ទុកការប្រកួតនេះ ជាជំហានផ្សព្វផ្សាយដំបូង ទៅកាន់ពិភពលោក ក្នុងការទាក់ទាញអ្នកចូលរួមឲ្យកាន់ច្រើន នៅឆ្នាំបន្ទាប់។ លោករំពឹងថា កីឡានេះ នឹងអាចទាក់ទាញប្រទេសចន្លោះពី៣០ ទៅ៧០ចូលរួម នៅថ្ងៃអនាគត។
កីឡាករចំនួន៤៦រូប មកពី១១ប្រទេស រួមទាំងម្ចាស់ផ្ទះកម្ពុជា នឹងប្រកួតប្រជែងដណ្តើមជើងឯក ប្រចាំព្រឹត្តិការណ៍ប្រដាល់គុនខ្មែរអន្តរជាតិ ប្រចាំឆ្នាំ២០១៧ ដែលរៀចំលើកដំបូង ដោយសហព័ន្ធគុនខ្មែរអន្តរជាតិ សហជាមួយក្រសួងអប់រំ យុវជន និងកីឡា ក្រសួងវប្បធម៌ និងវិចិត្រសិល្បៈ និងគណៈកម្មាធិការជាតិអូឡាំពិកកម្ពុជា។ ការប្រកួតដែលអនុញ្ញាតឲ្យទស្សនិកជនចូលទស្សនាដោយសេរីនេះប្រព្រឹត្តទៅចាប់ពីថ្ងៃទី៨ ដល់ទី១០ ខែធ្នូ នៅពហុកីឡដ្ឋានជាតិ។
បើយោងតាម លោក មៀម រ៉ា ប្រធានសហព័ន្ធកីឡាគុនខ្មែរអន្តរជាតិ ការប្រកួតនេះបែងចែកជា៣កម្រិត គឺស្ម័គ្រចិត្ត ពាក់កណ្តាលអាជីព និងកម្រិតអាជីព។ សម្រាប់កម្រិតស្ម័គ្រចិត្ត និងពាក់កណ្តាលអាជីព កីឡាករទាំងអស់ ត្រូវពាក់ប្រដាប់ការពារដៃ ជើង ក្បាល និងក្បាលពោះជាដើម ខណៈកម្រិតអាជីព គ្មានពាក់អ្វីនោះទេ។
ឆ្លើយនឹងសំណួរអ្នកសារព័ត៌មាន ដែលសួរថាសហព័ន្ធគុនខ្មែរអន្តរជាតិ បានបង្កើតឡើងតាំងពីឆ្នាំ២០១៦ តើហេតុអ្វីសហព័ន្ធទើបតែរៀបចំជើងឯកលើកដំបូងរបស់ខ្លួននៅឆ្នាំ២០១៧? លោក មៀម រ៉ា បានរៀបរាប់យ៉ាងដូច្នេះថា៖«ខ្ញុំបានចំណាយពេល១ឆ្នាំដំបូង ដើម្បីដើរជុំវិញពិភពលោក មកដល់ពេលនេះខ្ញុំដើរបានពីរជុំទាំង៥ទ្វីប ប៉ុន្តែគេអត់ស្គាល់យើង ដូច្នេះហើយទើបពួកគេ មិនចង់មក។ តែនៅឆ្នាំនេះយើងអាចទាក់ទងបានជាង១០ប្រទេសទើបយើងសម្រេចធ្វើ ឯឆ្នាំដែលមិនទាន់ធ្វើ ជាឆ្នាំផ្សព្វផ្សាយ។
លោកបានបន្ថែមថា៖«ឆ្នាំនេះក៏ដូចគ្នាមានប្រទេសជាង១០ដែលសន្យាថាមក តែបែរជាមិនមកដោយសារនៅមានការមិនទុកចិត្តមួយចំនួនហើយប្រទេសជាង១០ដែលចូលរួមឆ្នាំនេះ គឺពួកគេចូលរួមដើម្បីសាកល្បង។ ដូច្នេះយើងត្រូវរៀបចំឲ្យបានល្អបំផុតនៅឆ្នាំនេះដើម្បីទាក់ទាញប្រទេសដែលបដិសេធន៍ទាំងនោះចូលរួមនៅឆ្នាំក្រោយព្រោះពួកគេកំពុងមើលយើង»។
ប្រធានសហព័ន្ធកីឡាគុនខ្មែរអន្តរជាតិរូបនេះជឿជាក់ថា ប្រសិនបើកម្ពុជារៀបចំការប្រកួតលើកទី១បានល្អនៅឆ្នាំនេះ កម្ពុជានឹងអាចទាក់ទាញប្រទេសចូលរួមកាន់តែច្រើន នៅឆ្នាំក្រោយៗទៀត។ លោករំពឹងថា បើការរៀបចំប្រកបដោយយុតិ្តធម៌ ត្រឹមត្រូវ មិនលំអៀង យ៉ាងតិចមានប្រទេសជាង២០ចូលរួមនៅឆ្នាំក្រោយ។
នាពិធីជួបពិភាក្សាជាមួយមន្ត្រីបច្ចេកទេស អាជ្ញាកណ្តាល ចៅក្រមកាលពីថ្ងៃទី៥ ធ្នូ នៅទីស្នាក់ការ NOCC អគ្គលេខាធិការនៃគណៈកម្មាធិការជាតអូឡាំពិកកម្ពុជា លោក វ៉ាត់ ចំរើន ជំរុញឲ្យមន្ត្រីទាំងអស់ ត្រូវប្រកាន់ភ្ជាប់លើភាពយុត្តិធម៌ ពោលគឺត្រូវកាត់ក្តីឲ្យត្រឹមត្រូវ មិនលំអៀងលើភាគីម្ខាងៗ ជាពិសេស ឈរលើគោលការណ៍សមធម៌ ឬ Fair Play។
ការជំរុញបែបនេះ របស់អគ្គលេខាធិការ NOCC ព្រោះលោកមានមហិច្ឆតាទាក់ទាញប្រទេសឲ្យចូលរួមឲ្យបានច្រើនដើម្បីទទួលបានការគាំទ្រពីស្ថាប័នអន្តរជាតិ ក្នុងគោលបំណងដាក់បញ្ចូលកីឡានេះក្នុងកីឡាអូឡាំពិកនាពេលអនាគត។ លោកបានបញ្ចាក់ថា៖«យើងនឹងរៀបចំឲ្យបានល្អប្រសើរអ្វីដែលចំណុចខ្វះខាតនៅឆ្នាំនេះយើងនឹងកែតម្រូវនៅឆ្នាំបន្ទាប់ ដើម្បីទាក់ទាញប្រទេសចូលរួមកាន់តែច្រើន។ ភាពជោគជ័យរបស់កីឡាគុនខ្មែរអន្តរជាតិយើង ធ្វើយ៉ាងណាទាក់ទាញប្រទេសចូលរួមយ៉ាងតិច ពី៣០ ទៅ៧០ប្រទេស ដើម្បីបានការគាំទ្រពីអន្តរជាតិ។ មហិច្ឆតាយើង គឺចង់បញ្ចូលក្នុងកីឡាអូឡាំពិក។ ដូច្នេះយើងត្រូវមានសមាជិកយ៉ាងតិច៧៥ប្រទេសទើបអាចចូលរួមបាន»។
លោក វ៉ាត់ ចំរើន បានបញ្ជាក់ទៀតថា៖«ការប្រកួតគុនខ្មែរអន្តរជាតិរបស់យើង មិនត្រឹមតែធ្វើនៅលើទឹកដីកម្ពុជានោះទេ នៅថ្ងៃក្រោយយើងនឹងពង្រីកទៅក្រៅប្រទេសតាមរយៈការរៀបចំការប្រកួតនៅតាមប្រទេសដែលជាសមាជិក។ ប្រសិនបើគ្មានប្រទេសណារៀបចំ យើងនឹងធ្វើរៀងរាល់ឆ្នាំនៅកម្ពុជាដើម្បីពង្រឹងបច្ចេកទេសសមត្ថភាពឲ្យកាន់រីកចម្រើន មុនឈានទៅក្រៅប្រទេស»។
ជាមួយគ្នានេះ ប្រធានសហព័ន្ធកីឡាប្រដាល់គុនខ្មែរ លោក តែម ម៉ឺន ជំរុញឲ្យបច្ចេកទេស អាជ្ញាកណ្តាល និងចៅក្រមទាំងអស់ ត្រូវគិតផងប្រយោជន៍ប្រទេសជាតិជាធំ។ ការជំរុញបែបនេះ ព្រោះលោកយល់ថា ការប្រកួតប្រដាល់គុនខ្មែរអន្តរជាតិ ខុសពីការប្រកួតនៅលើសង្វៀន តាមស្ថានីយទូរទស្សន៍ផ្សេងៗ ពោលគឺជាការប្រកួត ដែលតំណាងឲ្យមុខមាត់ប្រទេសជាតិ។
ពិធីបើកការប្រកួតនឹងប្រព្រឹត្តទៅក្រោមវត្តមានលោក ថោង ខុន រដ្ឋមន្ត្រីក្រសួងទេសចរណ៍ និងជាប្រធានគណៈកម្មាធិការជាតិអូឡាំពិកកម្ពុជានាវេលាម៉ោង៥រសៀល ថ្ងៃទី៨ ខែធ្នូ ឆ្នាំ២០១៧ នៅពហុកីឡដ្ឋានជាតិ។ ការប្រកួតដែលបើកឲ្យអ្នកទស្សនិកជនចូលរួមទស្សនាដោយសេរី មានការប្រកួតចំនួន២៣គូ ហើយការប្រកួតនេះ មានការផ្សាយពីស្ថានីយទូរទស្សន៍ កងយោធពលខេមរភូមិន្ទប៉ុស្តិ៍លេខ៥៕
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
Tag:
គុនខ្មែរអន្តរជាតិ
មៀម រ៉ា
វ៉ាត់ ចំរើន
© រក្សាសិទ្ធិដោយ thmeythmey.com
អត្ថបទពេញនិយម
«មជ្ឈការ»មានន័យខុសពី«វិមជ្ឈការ»ដូចម្តេច?
6 ថ្ងៃ
ដំណឹងបឋម៖ ករណីផ្ទុះឃ្លាំងគ្រាប់នៅបន្ទាយភូមិភាគ៣ ក្រុងច្បារមន មានអ្នកស្លាប់ និងរបួសច្រើននាក ...
22 ម៉ោង
«ប្រេសិត»មានន័យដូចម្តេច?
1 សប្តាហ៍
គ្រឿងឥស្សរិយាភរណៈ គឺ «មេដាយ» មិនមែន «មេដៃ» ឡើយ
3 ថ្ងៃ
តើពាក្យ «ដុតដៃដុតជើង» មានន័យដូចម្តេច?
2 ថ្ងៃ
អត្ថបទពេញនិយមបន្ថែម