ពីនេះ ពីនោះ
រវាង «ទណ្ឌិត»និង«បណ្ឌិត»ខុសគ្នាដូចម្តេច?
×
មនុស្សគ្រប់គ្នាសឹងតែមានការយល់ច្រឡំ រវាងពាក្យ «ទណ្ឌិត»និង«បណ្ឌិត» ថាមានអត្ថន័យដូចគ្នា ប៉ុន្តែតាមការពិតទៅ ពាក្យ «ទណ្ឌិត»និង«បណ្ឌិត»ទាំងពីរនេះ មានអត្ថន័យខុសគ្នាស្រឡះ និងរបៀបប្រើក៏ខុសគ្នាដែរ។
យោងតាមភាសាច្បាប់ពាក្យ «ទណ្ឌិត» ជាជនដែលតុលាការសម្រេចថាជាជនល្មើស ដែលបានប្រព្រឹត្តបទព្រហ្មទណ្ឌ ដែលត្រូវបានចោទ។ ជារួមដែលភាគច្រើនគេហៅថា «អ្នកទោស» ប៉ុន្តែបើនិយាយតាមភាសាច្បាប់គឺគេហៅថា«ទណ្ឌិត»។ ឧទាហរណ៍៖ តុលាការឃុំឃាំងទណ្ឌិត ដើម្បីអប់រំកែប្រែទណ្ឌិត ឲ្យក្លាយជាមនុស្សល្អវិញ (ផ្តោតទៅលើកម្មវិធីននីតិសម្បទា)។
ចំណែកឯពាក្យ«បណ្ឌិត»មានន័យថា ជនដែលមានប្រាជ្ញាឈ្មោះ ជនអ្នកប្រព្រឹត្តល្អ គឺអ្នកកាន់សុចរិតទាំង១០ប្រការ អ្នកប្រាជ្ញខាងផ្លូវសុចរិតយុតិ្តធម៌។ វចនានុក្រម សម្តេចព្រះសង្ឃរាជ ជួន ណាត បានបញ្ជាក់ថាពាក្យ«បណ្ឌិត»ជាជនដែលមានចំណេះដឹងខ្ពង់ខ្ពស់ អ្នកឈ្លាសវៃ អ្នកប្រាជ្ញ។ តាមប្រពៃណីខ្មែរពីបុរាណ គេឲ្យតម្លៃ និងគោរពលើអ្នកបួសណាស់ តែងតែហៅថា «អន្ទិត» ព្រោះគេយល់ថា អ្នកនោះបានបួស មានចំណេះដឹងជ្រៅជ្រះ និងមានចរិយាមារយាទត្រឹមត្រូវ។
ដោយសារតែមនុស្សទូទៅសម័យបច្ចុប្បន្ន ឲ្យតម្លៃលើអ្នកមានចំណេះដឹងខ្ពស់ ដែលមានសញ្ញាបត្រ បណ្ឌិត ដុកទ័រ តាមឈ្មោះអ្នកវិទ្យាសាស្ត្រនីមួយៗ ដូចជា៖ វេជ្ជបណ្ឌិត បណ្ឌិតខាងច្បាប់ បណ្ឌិតខាងវិទ្យាសាស្ត្រ បណ្ឌិតខាងអក្សរសាស្ត្រជាដើម៕
© រក្សាសិទ្ធិដោយ thmeythmey.com