ពីនេះ ពីនោះ
ព័ត៍មានសុខភាព
រឿងទាំង៨ដែលអ្នកមិនគួរធ្វើទៅលើទារកទើបកើត
× ខាងក្រោមនេះ យើងខ្ញុំនឹងបង្ហាញអ្នកពីរឿងដែលអ្នកមិនគួរធ្វើទៅលើទារកដែលទើបនឹងកើត ព្រោះអាចប៉ះពាល់ដល់សុខភាពរបស់គេបាន។ តើមានអ្វីខ្លះទៅ?
1. អ្នកមិនគួរបើកFlashនៅពេលដែលថតរូបទារកទេ ព្រោះភ្នែករបស់គេនៅមិនទាន់លូតលាស់បានគ្រប់គ្រាន់។
2. ទោះបីជាអ្នកស្រឡាញ់យ៉ាងណា ក៏មិនគួរថើបមាត់របស់ទារកដែរ ព្រោះប្រព័ន្ធការពាររាងកាយរបស់គេនៅមិនទាន់រឹងមាំ។ ដូចនេះ គេងាយនឹងឆ្លងជំងឺពីអ្នកណាស់។
3. ខោអាវរបស់កូននៅពេលដែលទិញមក អ្នកគួរតែលាងសម្អាតជាមុនសិន ទើបឲ្យគេស្លៀក។ នៅពេលដែលអ្នកមិនបោក វានឹងធ្វើឲ្យប៉ះពាល់ដល់ស្បែករបស់កូនបាន។
4. នៅពេលដែលគេគេងលក់ អ្នកគួរតែបិទភ្លើង ទើបមិនប៉ះពាល់ដល់ដំណេករបស់កូន។ ម្យ៉ាងទៀត វាក៏មិនប៉ះពាល់ដល់ការលូតកម្ពស់របស់កូនផងដែរ។
5. អ្នកមិនគួរស្លៀកពាក់ច្រើនជាន់ពេកឲ្យគេទេ ព្រោះអាចប៉ះពាល់ដល់ការលូតលាស់ឆ្អឹងរបស់គេបាន។
6. នៅពេលដែលកូនយំ អ្នកមិនគួរពរគេបង្វិលចុះឡើងឡើយ ព្រោះអាចប៉ះពាល់ដល់ខួរក្បាលរបស់គេបាន។
7. អ្នកមិនគួរបង្ខំឲ្យគេនោម ឬបត់ជើងធំនោះទេ ព្រោះអាចធ្វើឲ្យប៉ះពាល់ដល់សុខភាពរបស់គេបាន។ ដូចនេះ អ្នកគួរតែបណ្តោយឲ្យគេនោមដោយខ្លួនឯង។
8. អ្នកមិនគួរកោរសក់ឲ្យកូននោះទេ ព្រោះវាអាចធ្វើឲ្យប៉ះពាល់ដល់ខួរក្បាលរបស់គេបានយ៉ាងងាយជាទីបំផុត៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com