ជាតិ
សេដ្ឋកិច្ច
AMRO៖ សេដ្ឋកិច្ចកម្ពុជានៅតែរឹងមាំនៅឆ្នាំ២០១៧ និង២០១៨ តែត្រូវពង្រឹងភាពប្រកួតប្រជែង
×![]()
ភ្នំពេញ៖ ការិយាល័យស្រាវជ្រាវម៉ាក្រូសេដ្ឋកិច្ចអាស៊ានបូក៣ ដែលហៅកាត់ជាភាសាអង់គ្លេសថា AMRO បានព្យាករសេដ្ឋកិច្ចរបស់កម្ពុជាសម្រាប់ឆ្នាំ២០១៧ និងឆ្នាំ២០១៨ ថាមានភាពរឹងមាំ ដែលជំរុញដោយវិស័យទេសចរណ៍ និងសំណង់។ ប៉ុន្តែស្ថាប័ននេះក៏បានដាស់តឿនឲ្យកម្ពុជាពង្រឹងភាពប្រកួតប្រជែងរបស់ខ្លួនផងដែរ។ នេះបើតាមរបាយការណ៍ប្រចាំឆ្នាំរបស់ការិយាល័យមួយនេះស្ដីពីកម្ពុជា ដែលចេញផ្សាយនៅថ្ងៃទី១១ខែធ្នូនេះ។
AMRO បានព្យាករថា សេដ្ឋកិច្ចកម្ពុជានឹងមានកំណើន ៦,៩ ភាគរយនៅឆ្នាំ២០១៧ និង ៦,៨ភាគរយនៅឆ្នាំ២០១៨ ។ AMRO បានព្យាករដូចនេះ ដោយយោងទៅលើស្ថានភាពសេដ្ឋកិច្ចកម្ពុជានៅឆ្នាំ២០១៦ ដែលមានភាពរឹងមាំ ដោយសារសកម្មភាពខ្លាំងក្លាក្នុងវិស័យសំណង់ និងការរើបឡើងនៃវិស័យកសិកម្ម បើទោះជាវិស័យវាយនភណ្ឌមានកំណើនយឺត និងចំនួនទេសចរណ៍មានកំណើនល្មម។ ភាពរឹងមាំនៃវិស័យសំណង់ និងកំណើនក្នុងវិស័យទេសចរណ៍ នឹងជួយយឺតយើងឥទ្ធិពលនៃការថមថយរបស់វិស័យវាយនភណ្ឌ។
របាយការណ៍របស់ AMRO ឲ្យដឹងទៀតថា សកម្មភាពពាណិជ្ជកម្មខាងក្រៅប្រទេសរបស់កម្ពុជា ត្រូវបានរំពឹងថានៅតែរឹងមាំនៅក្នុងឆ្នាំ២០១៧នេះ ដែលឆ្លុះបញ្ចាំងពីការកាត់ឱនភាពនៃជញ្ជីងពាណិជ្ជកម្ម។
អតិផរណាអាចនឹងបន្តកើនឡើងដល់ ៣,៣ភាគរយនៅ២០១៧ ។ កាលពីឆ្នាំ២០១៦ អតិផរណាមានអត្រា ៣ភាគរយ តែឡើងដល់ ៣,៥ភាគរយនៅឆមាសទី១ឆ្នាំ២០១៧ ដោយសារការកើនឡើងតម្លៃប្រេង ប៉ុន្តែនៅក្នុងឆមាសទី២ អត្រានេះនឹងថមថយវិញ លុះដល់ឆ្នាំ២០១៨ អតិផរណានឹងស្ថិតក្នុងរង្វង់ ៣,៥ភាគរយ។
រីឯកំណើនឥណទានកំពុងថយចុះនៅឆ្នាំ២០១៧ ខណៈការដាក់ប្រាក់បញ្ញើមានកំណើនរឹងមាំ។ ឥណទានរបស់វិស័យមីក្រូហិរញ្ញវត្ថុបានចុះមកនៅត្រឹម ១៣,១ភាគរយនៅឆ្នាំ២០១៦ បើធៀបនឹង ៣៧,៣ភាគរយនៅឆ្នាំ២០១៥ ។ AMRO បានបញ្ជាក់ថា កំណើនឥណទានទាំងមូលទំនងជារក្សាភាពទន់ភ្លន់ ជាមួយនឹងការបន្តអនុវត្តបទបញ្ញត្តិរបស់រដ្ឋាភិបាល។
ជាមួយគ្នានេះ សេដ្ឋកិច្ចកម្ពុជា ក៏ប្រឈមនឹងហានិភ័យមួយចំនួនផងដែរ។ ការធ្លាក់ចុះសមត្ថភាពប្រកួតប្រជែង ដោយសារការដំឡើងប្រាក់ឈ្នួលកម្មករក្នុងវិស័យវាយនភណ្ឌ។ ហានិភ័យមួយទៀត គឺបណ្ដាលពីការពង្រឹងប្រាក់ដុល្លាររបស់អាមេរិក ដែលនឹងជះឥទ្ធិពលដល់ការនាំចេញរបស់កម្ពុជា ដែលជាប្រទេសប្រើប្រាស់ប្រាក់ដុល្លារខ្លាំង។ លើសពីនេះ ការនាំចេញរបស់កម្ពុជាត្រូវប្រឈមនឹងការប្រកួតប្រជែងកាន់តែខ្លាំងក្នុងទីផ្សារអឺរ៉ុប ខណៈដែលមានកិច្ចព្រមព្រៀងពាណិជ្ជកម្មសេរីសហគមន៍អឺរ៉ុប-វៀតណាម។ មួយវិញទៀត កម្ពុជាអាចនឹងបាត់បង់អត្ថប្រយោជន៍គម្រោងហិរញ្ញប្បទានមួយចំនួន ដោយសារកម្ពុជាបានចាកចេញពីប្រទេសចំណូលទាប។
ស្ថាប័នមួយនេះ បានណែនាំឲ្យកម្ពុជាពង្រឹងភាពប្រកួតប្រជែងរបស់ខ្លួន ដើម្បីរក្សាកំណើនក្នុងរយៈពេលមធ្យម តាមរយៈការកែលំអហេដ្ឋារចនាសម្ព័ន្ធពាណិជ្ជកម្ម វិស័យភស្តុភារ និងបន្ថយតម្លៃអគ្គិសនី៕
AMRO បានព្យាករថា សេដ្ឋកិច្ចកម្ពុជានឹងមានកំណើន ៦,៩ ភាគរយនៅឆ្នាំ២០១៧ និង ៦,៨ភាគរយនៅឆ្នាំ២០១៨ ។ AMRO បានព្យាករដូចនេះ ដោយយោងទៅលើស្ថានភាពសេដ្ឋកិច្ចកម្ពុជានៅឆ្នាំ២០១៦ ដែលមានភាពរឹងមាំ ដោយសារសកម្មភាពខ្លាំងក្លាក្នុងវិស័យសំណង់ និងការរើបឡើងនៃវិស័យកសិកម្ម បើទោះជាវិស័យវាយនភណ្ឌមានកំណើនយឺត និងចំនួនទេសចរណ៍មានកំណើនល្មម។ ភាពរឹងមាំនៃវិស័យសំណង់ និងកំណើនក្នុងវិស័យទេសចរណ៍ នឹងជួយយឺតយើងឥទ្ធិពលនៃការថមថយរបស់វិស័យវាយនភណ្ឌ។
របាយការណ៍របស់ AMRO ឲ្យដឹងទៀតថា សកម្មភាពពាណិជ្ជកម្មខាងក្រៅប្រទេសរបស់កម្ពុជា ត្រូវបានរំពឹងថានៅតែរឹងមាំនៅក្នុងឆ្នាំ២០១៧នេះ ដែលឆ្លុះបញ្ចាំងពីការកាត់ឱនភាពនៃជញ្ជីងពាណិជ្ជកម្ម។
អតិផរណាអាចនឹងបន្តកើនឡើងដល់ ៣,៣ភាគរយនៅ២០១៧ ។ កាលពីឆ្នាំ២០១៦ អតិផរណាមានអត្រា ៣ភាគរយ តែឡើងដល់ ៣,៥ភាគរយនៅឆមាសទី១ឆ្នាំ២០១៧ ដោយសារការកើនឡើងតម្លៃប្រេង ប៉ុន្តែនៅក្នុងឆមាសទី២ អត្រានេះនឹងថមថយវិញ លុះដល់ឆ្នាំ២០១៨ អតិផរណានឹងស្ថិតក្នុងរង្វង់ ៣,៥ភាគរយ។
រីឯកំណើនឥណទានកំពុងថយចុះនៅឆ្នាំ២០១៧ ខណៈការដាក់ប្រាក់បញ្ញើមានកំណើនរឹងមាំ។ ឥណទានរបស់វិស័យមីក្រូហិរញ្ញវត្ថុបានចុះមកនៅត្រឹម ១៣,១ភាគរយនៅឆ្នាំ២០១៦ បើធៀបនឹង ៣៧,៣ភាគរយនៅឆ្នាំ២០១៥ ។ AMRO បានបញ្ជាក់ថា កំណើនឥណទានទាំងមូលទំនងជារក្សាភាពទន់ភ្លន់ ជាមួយនឹងការបន្តអនុវត្តបទបញ្ញត្តិរបស់រដ្ឋាភិបាល។
ជាមួយគ្នានេះ សេដ្ឋកិច្ចកម្ពុជា ក៏ប្រឈមនឹងហានិភ័យមួយចំនួនផងដែរ។ ការធ្លាក់ចុះសមត្ថភាពប្រកួតប្រជែង ដោយសារការដំឡើងប្រាក់ឈ្នួលកម្មករក្នុងវិស័យវាយនភណ្ឌ។ ហានិភ័យមួយទៀត គឺបណ្ដាលពីការពង្រឹងប្រាក់ដុល្លាររបស់អាមេរិក ដែលនឹងជះឥទ្ធិពលដល់ការនាំចេញរបស់កម្ពុជា ដែលជាប្រទេសប្រើប្រាស់ប្រាក់ដុល្លារខ្លាំង។ លើសពីនេះ ការនាំចេញរបស់កម្ពុជាត្រូវប្រឈមនឹងការប្រកួតប្រជែងកាន់តែខ្លាំងក្នុងទីផ្សារអឺរ៉ុប ខណៈដែលមានកិច្ចព្រមព្រៀងពាណិជ្ជកម្មសេរីសហគមន៍អឺរ៉ុប-វៀតណាម។ មួយវិញទៀត កម្ពុជាអាចនឹងបាត់បង់អត្ថប្រយោជន៍គម្រោងហិរញ្ញប្បទានមួយចំនួន ដោយសារកម្ពុជាបានចាកចេញពីប្រទេសចំណូលទាប។
ស្ថាប័នមួយនេះ បានណែនាំឲ្យកម្ពុជាពង្រឹងភាពប្រកួតប្រជែងរបស់ខ្លួន ដើម្បីរក្សាកំណើនក្នុងរយៈពេលមធ្យម តាមរយៈការកែលំអហេដ្ឋារចនាសម្ព័ន្ធពាណិជ្ជកម្ម វិស័យភស្តុភារ និងបន្ថយតម្លៃអគ្គិសនី៕
Tag:
AMRO
កំណើនសេដ្ឋកិច្ច
© រក្សាសិទ្ធិដោយ thmeythmey.com
