ជាតិ
សម្ដេច ហ៊ុន សែន ប្រាប់ឲ្យកងទ័ពមួកខៀវនៅលីបង់ មានការប្រុងប្រយ័ត្នពីការវាយប្រហាររបស់អ៊ីស្រាអែល
× ភ្នំពេញ៖ សម្ដេចនាយករដ្ឋមន្ត្រី ហ៊ុន សែន ស្នើឲ្យក្រសួងការពារជាតិ យកចិត្តទុកដាក់លើកងទ័ពមួកខៀវកម្ពុជា ដែលកំពុងបំពេញបេសកកម្មនៅលីបង់ ព្រោះពួកគេអាចងាយរងការវាយប្រហារណាមួយកើតឡើង ពីសំណាក់អ៊ីស្រាអែល។ មូលហេតុដែលសម្ដេច លើកឡើងបែបនេះ ដោយផ្អែកលើការប៉ះទង្គិចគ្នា រវាងក្រុមបាតុកររបស់លីបង់ ជាមួយសមត្ថកិច្ចការពារទូតអាមេរិក នៅក្នុងទីក្រុងបេរូត ប្រទេសលីបង់ ដោយសារការមិនពេញចិត្តចំពោះទង្វើអាមេរិក ដែលប្រកាសទទួលស្គាល់ទីក្រុងហ្ស៊េរុយសាឡិម ជារបស់អ៊ីស្រាអែល ។ តាមរយៈការសន្និដ្ឋានក្រៅផ្លូវការនោះ ប្រមុខរដ្ឋាភិបាល បាននិយាយថា ការប៉ះទង្គិចគ្នានេះ អាចនឹងជំរុញឲ្យប្រទេសអ៊ីស្រាអែល វាយប្រហារមកលើប្រទេសលីបង់វិញ។
ថ្លែងក្នុងពិធីសម្ពោធ ដាក់ឲ្យប្រើប្រាស់ហេដ្ឋារចនាសម្ព័ន្ធ អាគារហ្វឹកហ្វឺន ជំនាញចារកម្ម និងបុកគ្រឹះសាងសង់សាលប្រជុំ នៃអគ្គនាយកដ្ឋានស្រាវជ្រាវ-ចារកិច្ច
នាយករដ្ឋមន្ត្រី ហ៊ុន សែន បានបញ្ជាក់ដូច្នេះ៖
ប៉ុន្មានថ្ងៃចុងក្រោយនេះ សភាពការណ៍នៅមជ្ឈិមបូព៌ាកំពុងតានតឹងខ្លាំង ក្នុងបរិបទថ្មីមួយទៀត ក្រោយពីអាមេរិកទទួលស្គាល់ទីក្រុងហ្ស៊េរុយសាឡិម ប្រទេសអ៊ីស្រាអែល ។ ស្ថានការណ៍តានតឹងនេះ កាន់តែនាំឲ្យមានចលនាប្រឆាំងអ៊ីស្រាអែលខ្លាំងឡើង ដែលនាំឲ្យតំបន់មជ្ឈិមបូព៌ាកាន់តែផុយស្រួយ ងាយនឹងមានសង្គ្រាមប្រដាប់អាវុធកើតឡើងថែមទៀត៕
© រក្សាសិទ្ធិដោយ thmeythmey.com