ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
សង្រ្កាន្តឆ្នាំថ្មី
អត្ថបទពាណិជ្ជកម្ម
បទយកការណ៍/សម្ភាស
កីឡាជាតិ
ជាតិ
បឹងកេតប្តេជ្ញាពង្រឹងតំបន់ការពារ ស្របពេលវៀតណាមបង្ហាញក្តីបារម្ភចំពោះជំនួបល្ងាចនេះ
13, Dec 2017 ,
10:53 am
រូបភាព
លោក ហៅ សុជាតិ (ស្តាំ) និងកីឡាករ ចាន់ វឌ្ឍនាកា ពេលចូលរួមសន្នីសីទសារព័ត៌មានមុនការប្រកួតនៅសណ្ឋាគាភ្នំពេញ
×
ដោយ:
ក្រោយរបូតគ្រាប់បាល់លឿនៗច្រើនគ្រាប់ ក្នុងជើងទី១ គ្រូបង្វឹកក្រុមបឹងកេតលោក ហៅ សុជាតិ នឹងផ្តោតខ្លាំងលើតំបន់ការពារសម្រាប់ជំនួបជើងទី២ នៃពានរង្វាន់ Toyota Mekong Club Championship នាម៉ោង៧យប់ថ្ងៃពុធ ទី១៣ ខែធ្នូ ឆ្នាំ២០១៧ នៅពហុកីឡដ្ឋានជាតិអូឡាំពិក។ ទន្ទឹមនឹងនេះ គ្រូបង្វឹកក្រុម Sanna Khanh Hoa លោក Vo Dinh Tan ហាក់បង្ហាញក្តីបារម្ភ ចំពោះជំនួបកាត់សេចក្តី ដែលបឹងកេតធ្វើជាម្ចាស់ផ្ទះ។
ការរបូតគ្រាប់បាល់លឿនៗ ក្នុងជំនួបជើងទី១ ដែលគ្រូបង្វឹកក្រុមបឹងកេតលោក ហៅ សុជាតិ ចាត់ទុកថាមកពីតំបន់ការពាររបស់ខ្លួននៅមានចំណុចខ្សោយ បានបង្ខំឲ្យបឹងកេតត្រូវផ្តោតខ្លាំង លើតំបន់ការពារសម្រាប់ជំនួបជើងទី២ ដើម្បីរារាំងកុំឲ្យមានការស៊ុតបញ្ចូលទីច្រើនដូចជើងទី១។ សម្រាប់ការប្រកួតជើងទី១ នៅកីឡដ្ឋាន Heng Day ក្នុងទីក្រុងហូជីមិញ កាលពីថ្ងៃទី៩ ធ្នូ ក្រុមបឹងកេតបានតាមស្មើ ៤-៤ ជាមួយក្រុម Sanna Khanh Hoa។
«កាលប្រកួតជើងទី១ យើងបានរបូតគ្រាប់បាល់លឿនៗពេក ដែលបង្ហាញឲ្យឃើញថា យើងនៅមានបញ្ហាច្រើនត្រង់តំបន់ការពារ។ យើងនឹងពង្រឹងតំបន់ការពារឲ្យបានល្អ និងប្រយុទ្ធឲ្យខ្លាំងជាងមុន ជាពិសេសការប្រកួតថ្ងៃនេះ យើងនឹងផ្ដោតលើប្រព័ន្ធការពារឲ្យបានច្រើន។ យើងសង្ឃឹមថា វត្តមានរបស់កីឡាករ ចាន់ វឌ្ឍនាកា នឹងធ្វើឲ្យតំបន់ប្រយុទ្ធកាន់តែខ្លាំងជាងមុន»។ នេះជាការលើកឡើងរបស់ លោក ហៅ សុជាតិ ក្នុងសន្និសីទសារព័ត៌មាន មុនការប្រកួត ដែលធ្វើឡើងកាលពីថ្ងៃទី១២ ខែធ្នូ។
លោក Vo Dinh Tan គ្រូបង្វឹកក្រុម Sanna Khanh Hoa
បញ្ហាទីលានប្រើស្មៅសិប្បនិម្មិត បទពិសោធន៍ និងខ្សែប្រយុទ្ធដ៏ខ្លាំងរបស់បឹងកេង ជាក្តីកង្វល់សម្រាប់លោក Vo Dinh Tan គ្រូបង្វឹកក្រុម Sanna Khanh Hoa សម្រាប់ជំនួបកាត់សេចក្តីនៅថ្ងៃនេះ ខណៈពួកគេត្រូវការឈ្នះដាច់ខាត ដើម្បីឡើងទីវគ្គ១/២ បើពុំនោះទេសូម្បីតែស្មើក្រោម៤គ្រាប់ ពួកគេក៏ធ្លាក់ពីការប្រកួតដែរ។
«ខ្ញុំមានការបារម្ភលើទីលាន ព្រោះបឹងកេតធ្វើជាម្ចាស់ផ្ទះ។ បឹងកេតមានបទពិសោធ ប្រកួតអន្តរជាតិច្រើនហើយតំបន់ប្រយុទ្ធក្រុមនេះ លេងបានល្អ ដែលជាក្តីបារម្ភសម្រាប់យើង ខណៈកីឡាករ Maycon, Omogba និង Gbenga សុទ្ធតែមានសមត្ថភាពខ្ពស់»។ នេះជាការបង្ហាញក្តីបារម្ភលោក Vo Dinh Tan ដែលបានបន្ថែមថា លោកនឹងប្រឹងប្រែងប្រកួតឲ្យអស់ពីសមត្ថភាព។
ដោយឡែក ខ្សែការពារជនជាតិបារាំង និងជាប្រធានក្រុមកីឡាករ Chaher Zarour ហាក់មានទំនុកចិត្តខ្ពស់ក្នុងការយកឈ្នះនៅល្ងាចនេះ ដោយរូបគេបញ្ជាក់យ៉ាងដូច្នេះថា៖«ខ្ញុំគិតថា ការប្រកួតនៅថ្ងៃនេះ នឹងមានការលំបាក ប៉ុន្តែពួកយើងមកពីនេះដើម្បីឈ្នះ»។
ខ្សែបម្រើជនជាតិបារាំង Chaher Zarour និយាយក្នុងសន្នីសីទសារព័ត៌មានមុនការប្រកួត
សម្រាប់ជំនួបជើងទី២ ម៉ោង៧យប់ ថ្ងៃទី១៣ ខែធ្នូ ឆ្នាំ២០១៧ នៅពហុកីឡដ្ឋានជាតិ ដែលជាការប្រកួតកាត់សេចក្តីដើម្បីស្វែងរកក្រុមឈ្នះ ឡើងទៅវគ្គ១/២នៃពានរង្វាន់ Toyota Mekong Club Championship 2017 ក្រុមបឹងកេតត្រូវការត្រឹមស្មើក្រោម៤គ្រាប់ប៉ុណ្ណោះ ដើម្បីបានកៅអីទៅវគ្គបន្ត ខណៈក្រុម Sanna Khanh Hoa ត្រូវការឈ្នះជាដាច់ខាត៕
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
Tag:
Toyota Mekong Club
ហៅ សុជាតិ
Vo Dinh Tan
© រក្សាសិទ្ធិដោយ thmeythmey.com
អត្ថបទពេញនិយម
នាយទាហាន ៨រូប ត្រូវបានព្រះមហាក្សត្រដំឡើងឋានន្តរស័ក្តិផ្កាយ៤
6 ថ្ងៃ
«មជ្ឈការ»មានន័យខុសពី«វិមជ្ឈការ»ដូចម្តេច?
5 ថ្ងៃ
អាចសរសេរបានថា «រួញរា» ឬ «រញ់រា» ប៉ុន្តែមិនមែន «រុញរា» ឡើយ
7 ថ្ងៃ
«ប្រេសិត»មានន័យដូចម្តេច?
6 ថ្ងៃ
គ្រឿងឥស្សរិយាភរណៈ គឺ «មេដាយ» មិនមែន «មេដៃ» ឡើយ
2 ថ្ងៃ
អត្ថបទពេញនិយមបន្ថែម