ជាតិ
ពីនេះ ពីនោះ
ព័ត៍មានសុខភាព
សុខភាព
មូលហេតុនៃការរលាកខ្នែងពោះវៀននៅតែជារឿងអាថ៌កំបាំង
× យោងទៅតាមសេចក្តីរាយការណ៍របស់ Daily Mail បានឲ្យដឹងថា ការរលាកខ្នែងពោះវៀនប្រហែលជាបង្កឡើងដោយការបង្ករោគដោយវីរុស។ អ្នកស្រាវជ្រាវនិយាយថា ខ្នែងពោះវៀនដែលរលាក ហើយអត់ធ្លាយ ប្រហែលជាមិនមែនតែងតែសំខាន់សម្រាប់ការវះកាត់រហូតនោះទេ។
រឿងនេះបានមកពីការសិក្សាមួយដែលពិនិត្យទៅលើកំណកត្រាចេញពីមន្ទីរពេទ្យរបស់អ្នកជំងឺផ្តាសាយ ជំងឺបង្កឡើងដោយវីរុស Rotavirus និងរលាកខ្នែងពោះវៀនរយៈពេល ៣៦ឆ្នាំក្នុងសហរដ្ឋអាមេរិក។ ចំនួននៃការបង្ករោគដោយវីរុស និងករណីរលាកខ្នែងពោះវៀនដែលធ្លាយ និងមិនធ្លាយត្រូវបានគេវិភាគដើម្បីចង់ដឹងថា វាមានលក្ខណៈស្រដៀងគ្នាគ្រប់គ្រាន់ដែរឬអត់ចំពោះទំនាក់ទំនងគ្នា។
ថ្វីបើវីរុសបង្កជំងឺផ្តាសាយ និងការរលាកខ្នែងពោះវៀនបង្ហាញថា មានលក្ខណៈស្រដៀងគ្នាពីមួយឆ្នាំទៅមួយឆ្នាំក៏ដោយ ក៏វាមិនមានលក្ខណៈស្រដៀងគ្នាចំពោះការប្រែប្រួលរដូវកាលនៃជំងឺទាំងពីរនេះដែរ។ រឿងនេះនៅតែមិនមែនជាអំណះអំណាងគ្រប់គ្រាន់ដើម្បីបញ្ជាក់ថា ការរលាកខ្នែងពោះវៀនបង្កឡើងដោយវីរុស។
វាក៏មិនទាន់មានអំណះអំណាងគ្រប់គ្រាន់ដើម្បីបញ្ជាក់ថា ខ្នែងពោះវៀនដែលរលាកហើយអត់ធ្លាយ និងមិនបានព្យាបាលអាចជាវិញដោយខ្លួនឯងឡើយ។ នាពេលបច្ចុប្បន្ន វានៅតែមិនទាន់ដឹងថាហេតុអ្វីបានជាខ្នែងពោះវៀនរបស់មនុស្សយើងបែក ខណៈពេលដែលខ្លះទៀតមិនបែក ហើយអ្នកស្រាវជ្រាវនៅតែមិនបានផ្តល់ហេតុផលទាំងឡាយនាដើម្បីផ្លាស់ប្តូររបៀបព្យាបាលបែបស្តង់ដាចំពោះការរលាកខ្នែងពោះវៀននេះនៅឡើយ៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com