ពីនេះ ពីនោះ
អ្វីទៅជា «មណ្ឌលកំណក» និង «មណ្ឌលទឹក»?
× ភ្នំពេញ៖ ពាក្យ «មណ្ឌលកំណក» និង «មណ្ឌលទឹក» ជាពាក្យទាក់ទងនឹងការប្រែប្រួលអាកាសធាតុ។ ពាក្យនេះ ស្ថិតនៅក្នុងសទ្ទានុក្រមប្រែប្រួលអាកាសធាតុ។
ពាក្យ «មណ្ឌលកំណក» (Cryosphere) ជាតំបន់ទាំងអស់នៅលើ និងនៅជាប់ពីក្រោមផ្ទៃផែនដី និងផ្ទៃមហាសមុទ្រ ជាទីដែលទឹកមានសណ្ឋានជាភាវៈរូបរឹង រួមទាំងទឹកកកសមុទ្រ ទឹកកកបឹង ស្រទាប់ព្រិលផែនទឹកកក ស្រទាប់ទឹកកក និងទីកំណក(រួមទាំងកំណកអចិន្ត្រៃយ៍ ផងដែរ)។
ចំណែកឯ «មណ្ឌលទឹក» (Hydrosphere) ជាសមាសភាគនៃប្រព័ន្ធអាកាសធាតុ ដែលផ្សំដោយទឹក ទឹកលើផ្ទៃដី ទឹកក្នុងដី និងទឹកក្រោមដី ដូចជា ទឹកមហាសមុទ្រ ទឹកសមុទ្រ ទឹកទន្លេ ទឹកបឹង ទឹកក្រោមដី ។ល។
ដកស្រង់ពីសទ្ទានុក្រមការប្រែប្រួលអាកាសធាតុ (Lexicon of Climate Change) ដែលបោះពុម្ពដោយនាយកដ្ឋានប្រែប្រួលអាកាសធាតុនៃអគ្គលេខាធិការដ្ឋានក្រុមប្រឹក្សាជាតិអភិវឌ្ឍន៍ដោយចីរភាព និងក្រសួងបរិស្ថាន (ឆ្នាំ២០១៧)៕
© រក្សាសិទ្ធិដោយ thmeythmey.com