ជាតិ
ជីវភាពកសិករខ្នាតតូចបានប្រសើរ តាមរយៈគម្រោងកសិកម្មបែបកិច្ចសន្យារបស់ Oxfam
×![]()
កសិកម្មតាមបែបកិច្ចសន្យាបានជួយដល់កសិករ ធានានូវនិរន្តរភាពក្នុងការផលិត និងការលក់ឲ្យក្រុមហ៊ុននៅពេលអនាគត។ តាមរយៈកិច្ចសន្យាប្រជាកសិករនៅតែអាចបន្តដាំដំណាំដើម្បីផ្គត់ផ្គង់ឲ្យក្រុមហ៊ុនដោយខ្លួនឯង។ ជាពិសេសកសិកម្មបែបកិច្ចសន្យានេះ ក៏ចៀសវាងការបន្ទាបថ្លៃពីឈ្មួញកណ្ដាល ដោយសារដំណាំផលិតលើសតម្រូវការទីផ្សារ ។
លោក ផៃ ចិត្ត អ្នកសម្របសម្រួលកម្មវិធីសន្សំប្រាក់ដើម្បីផ្ដាស់ប្ដូររបស់អង្គការ Oxfam បានលើកឡើងថា ការអនុវត្តនៅមានបញ្ហាប្រឈមមួយចំនួន ទាក់ទងនឹងបច្ចេកទេស និងកសិកម្ម ជាពិសេស ផលិតកម្មដំណាំស្រូវ និងបញ្ហាទីផ្សារ។ ខេត្តគោលដៅរបស់គម្រោងនេះមានខេត្តសៀមរាប ឧត្តរមានជ័យ ពោធិ៍សាត់ និងខេត្តបន្ទាយមានជ័យ។
លោក ផៃ ចិត្ត បន្តថាប្រជាពលរដ្ឋជាពិសេសយុវជនភាគច្រើន បានធ្វើចំណាកស្រុកដើម្បីរកការងារធ្វើនៅតំបន់ផ្សេង ឬទៅក្រៅប្រទេសជាដើម។ កត្តានេះបានបណ្ដាលឲ្យការបង្កបង្កើនផលរបស់ប្រជាពលរដ្ឋមានចំនួនតិចនៅឡើយ។ លោក ផៃ ចិត្ត បញ្ជាក់ថា៖ «យើងព្យាយាមធ្វើការជាមួយប្រជាពលរដ្ឋក្រីក្រ ប៉ុន្តែពួកគាត់តែងតែចល័ត គាត់តែងធ្វើចំណាកស្រុករយៈពេលយូរ ឬខ្លី ហើយយុវជនក៏មានការចល័តច្រើនដែរ។ សូម្បីតែគណៈកម្មការគ្រប់គ្រងក៏យើងត្រូវការលេខាដើម្បីកត់ត្រា នៅពេលដែលខ្វះធនធានមនុស្សបែបនេះ ក្រុមក៏មិនអាចដំណើរការបានដែរ»។
យ៉ាងណាអង្គការនេះ នៅតែបន្តព្យាយាមធ្វើការ និងជំរុញដល់ប្រជាពលរដ្ឋ ក្នុងការចងក្រងជាក្រុមសន្សំប្រាក់, សហគមន៍កសិកម្ម ទាំងការការសន្សំប្រាក់, ការចិញ្ចឹមសត្វ និងការដាំដុះដំណាំ ជាពិសេសផលិតកម្មដំណាំស្រូវ។ ជាកស្ដែងអង្គការនេះ បានរៀបចំទស្សនកិច្ចរយៈពេល៣ថ្ងៃនៅខេត្តព្រះវិហារ ដល់កសិករ ដើម្បីរៀនសូត្របន្ថែមទាក់ទងនឹងការចងក្រងសហគមន៍ និងចប្ចេកទេសដាំដុះស្រូវសរីរាង្គ ចាប់ពីថ្ងៃទី១១ ដល់ថ្ងៃទី១៣ ខែធ្នូ ឆ្នាំ២០១៧ ដោយមានកសិករចំនួន៥០នាក់ មកពីខេត្តចំនួន២ចូលរួម ក្នុងនោះមានខេត្តពោធិ៍សាត់ និងខេត្តបន្ទាយមានជ័យ។
ជាការកត់សម្គាល់ ក្រុមកសិករបានផ្លាស់ប្តូរបទពិសោធន៍លើបច្ចេកទេសដាំដុះ ស្រូវសរីរាង្គ និងចែករំលែកបទពិសោធន៍ថែទាំ ចាប់ផ្តើមតាំងពីការដាំដុះ រហូតប្រមូលផល និងលក់ទៅទីផ្សារ។ ក្រុមកសិករមកពី ២ខេត្តខាងលើនេះ មានចំណាប់អារម្មណ៍យ៉ាងខ្លាំង និងបានរៀនសូត្រលើការអនុវត្តគម្រោងកម្មកសិកម្មតាមបែបកិច្ចសន្យារនេះ បន្ទាប់ពីកសិករបានចងក្រងជាសហគមន៍កសិកម្ម ដែលបានទទួលការគាំទ្រពីរាជរដ្ឋាភិបាលកម្ពុជា តាមរយៈមន្ទីរកសិកម្មខេត្តព្រះវិហារ។
គម្រោងសន្សំប្រាក់ដើម្បីការផ្លាស់ប្ដូររបស់អង្គការ Oxfam ដែលជម្រុញឲ្យកសិករធ្វើការជាក្រុមនេះ បានអនុវត្តប្រតិបត្តិការរបស់ខ្លួនអស់រយៈពេលជាង១០ឆ្នាំមកហើយ ដែលបានចងក្រងសមាជិកក្រុមសន្សំជាង ១៤មឺននាក់ ដែលអាចអោយក្រុមសន្សំប្រាក់មានទុនប្រមាណជិត ៦លានដុល្លារ ៕
លោក ផៃ ចិត្ត អ្នកសម្របសម្រួលកម្មវិធីសន្សំប្រាក់ដើម្បីផ្ដាស់ប្ដូររបស់អង្គការ Oxfam បានលើកឡើងថា ការអនុវត្តនៅមានបញ្ហាប្រឈមមួយចំនួន ទាក់ទងនឹងបច្ចេកទេស និងកសិកម្ម ជាពិសេស ផលិតកម្មដំណាំស្រូវ និងបញ្ហាទីផ្សារ។ ខេត្តគោលដៅរបស់គម្រោងនេះមានខេត្តសៀមរាប ឧត្តរមានជ័យ ពោធិ៍សាត់ និងខេត្តបន្ទាយមានជ័យ។
លោក ផៃ ចិត្ត បន្តថាប្រជាពលរដ្ឋជាពិសេសយុវជនភាគច្រើន បានធ្វើចំណាកស្រុកដើម្បីរកការងារធ្វើនៅតំបន់ផ្សេង ឬទៅក្រៅប្រទេសជាដើម។ កត្តានេះបានបណ្ដាលឲ្យការបង្កបង្កើនផលរបស់ប្រជាពលរដ្ឋមានចំនួនតិចនៅឡើយ។ លោក ផៃ ចិត្ត បញ្ជាក់ថា៖ «យើងព្យាយាមធ្វើការជាមួយប្រជាពលរដ្ឋក្រីក្រ ប៉ុន្តែពួកគាត់តែងតែចល័ត គាត់តែងធ្វើចំណាកស្រុករយៈពេលយូរ ឬខ្លី ហើយយុវជនក៏មានការចល័តច្រើនដែរ។ សូម្បីតែគណៈកម្មការគ្រប់គ្រងក៏យើងត្រូវការលេខាដើម្បីកត់ត្រា នៅពេលដែលខ្វះធនធានមនុស្សបែបនេះ ក្រុមក៏មិនអាចដំណើរការបានដែរ»។
យ៉ាងណាអង្គការនេះ នៅតែបន្តព្យាយាមធ្វើការ និងជំរុញដល់ប្រជាពលរដ្ឋ ក្នុងការចងក្រងជាក្រុមសន្សំប្រាក់, សហគមន៍កសិកម្ម ទាំងការការសន្សំប្រាក់, ការចិញ្ចឹមសត្វ និងការដាំដុះដំណាំ ជាពិសេសផលិតកម្មដំណាំស្រូវ។ ជាកស្ដែងអង្គការនេះ បានរៀបចំទស្សនកិច្ចរយៈពេល៣ថ្ងៃនៅខេត្តព្រះវិហារ ដល់កសិករ ដើម្បីរៀនសូត្របន្ថែមទាក់ទងនឹងការចងក្រងសហគមន៍ និងចប្ចេកទេសដាំដុះស្រូវសរីរាង្គ ចាប់ពីថ្ងៃទី១១ ដល់ថ្ងៃទី១៣ ខែធ្នូ ឆ្នាំ២០១៧ ដោយមានកសិករចំនួន៥០នាក់ មកពីខេត្តចំនួន២ចូលរួម ក្នុងនោះមានខេត្តពោធិ៍សាត់ និងខេត្តបន្ទាយមានជ័យ។
ជាការកត់សម្គាល់ ក្រុមកសិករបានផ្លាស់ប្តូរបទពិសោធន៍លើបច្ចេកទេសដាំដុះ ស្រូវសរីរាង្គ និងចែករំលែកបទពិសោធន៍ថែទាំ ចាប់ផ្តើមតាំងពីការដាំដុះ រហូតប្រមូលផល និងលក់ទៅទីផ្សារ។ ក្រុមកសិករមកពី ២ខេត្តខាងលើនេះ មានចំណាប់អារម្មណ៍យ៉ាងខ្លាំង និងបានរៀនសូត្រលើការអនុវត្តគម្រោងកម្មកសិកម្មតាមបែបកិច្ចសន្យារនេះ បន្ទាប់ពីកសិករបានចងក្រងជាសហគមន៍កសិកម្ម ដែលបានទទួលការគាំទ្រពីរាជរដ្ឋាភិបាលកម្ពុជា តាមរយៈមន្ទីរកសិកម្មខេត្តព្រះវិហារ។
គម្រោងសន្សំប្រាក់ដើម្បីការផ្លាស់ប្ដូររបស់អង្គការ Oxfam ដែលជម្រុញឲ្យកសិករធ្វើការជាក្រុមនេះ បានអនុវត្តប្រតិបត្តិការរបស់ខ្លួនអស់រយៈពេលជាង១០ឆ្នាំមកហើយ ដែលបានចងក្រងសមាជិកក្រុមសន្សំជាង ១៤មឺននាក់ ដែលអាចអោយក្រុមសន្សំប្រាក់មានទុនប្រមាណជិត ៦លានដុល្លារ ៕
Tag:
កសិកម្ម
កសិករ
ចំណាកស្រុក
© រក្សាសិទ្ធិដោយ thmeythmey.com
