អន្តរជាតិ
អាមេរិកទំនងវេតូដំណោះស្រាយក្រុមប្រឹក្សាសន្តិសុខប្រឆាំងការទទួលស្គាល់ហ្ស៊េរុយសាឡិម
×![]()
ក្រុមប្រឹក្សាសន្តិសុខអង្គការសហប្រជាជាតិនឹងជួបប្រជុំនៅថ្ងៃចន្ទទី ១៨ ខែធ្នូដើម្បីបោះឆ្នោតអនុម័តសេចក្តីព្រាងដំណោះស្រាយមួយដែលទាត់ចោលការទទួលស្គាល់ក្រុងហ្ស៊េរុយសាឡិមជារដ្ឋធានីផ្លូវការរបស់អ៊ីស្រាអែលនោះ។ សេចក្តីព្រាងដំណោះស្រាយនោះត្រូវបានរៀបចំឡើងដោយអេហ្ស៊ីប ប៉ុន្តែអាមេរិកទំនងជានឹងប្រើប្រាស់សិទ្ធិវេតូរបស់ខ្លួនផង។
នៅចន្ទទី ១៨ ខែធ្នូនេះក្រុមប្រឹក្សាសន្តិសុខនឹងជួបប្រជុំគ្នាដើម្បីបោះឆ្នោតអនុម័តដំណោះស្រាយមួយដែលព្រាងឡើងដោយរដ្ឋាភិបាលអេហ្ស៊ីប។ ដំណោះស្រាយនេះ មានគោលដៅសំខាន់បដិសេធការទទួលស្គាល់ក្រុងហ្ស៊េរុយសាឡិមជារដ្ឋធានីរបស់អ៊ីស្រាអែលកាលពីសំណាក់រដ្ឋបាលដូណាល់ ត្រាំ កាលដើមខែធ្នូកន្លងមក។
យោងតាមទីភ្នាក់ងារព័ត៌មាន AFP សេចក្តីព្រាងដំណោះស្រាយក្រុមប្រឹក្សាសន្តិសុខដែលរៀបចំឡើងដោយអេហ្ស៊ីបនេះមិនបានបញ្ជាក់ចំឈ្មោះអាមេរិកឡើយ ប៉ុន្តែអេហ្ស៊ីបគ្រាន់តែបញ្ជាក់ថា វាជារឿងគួរឲ្យសោកស្តាយខ្លាំងចំពោះការសម្រេចចិត្តកន្លងមកពាក់ព័ន្ធឋានៈនៃក្រុងហ្ស៊េរុយសាឡិមនោះ។ ក្រៅពីនេះដំណោះស្រាយនេះក៏បានលើកឡើងផងដែរថា ឋានៈនៃក្រុងហ្ស៊េរុយសាឡិមអាចដោះស្រាយបានដោយការចរចាគ្នាតែប៉ុណ្ណោះ។
គេដឹងច្បាស់ថា អេហ្ស៊ីប ក៏ដូចជាអង់គ្លេសដែលមានចំណែកក្នុងការរៀបចំចងក្រងដំណោះស្រាយនេះប្រឹងប្រែងធ្វើយ៉ាងណារក្សាភាសាដែលប្រើប្រាស់ឲ្យមានលក្ខណៈអព្យាក្រឹត្យ និងដើម្បីធានាថា អាមេរិកមិនប្រើប្រាស់សិទ្ធិជំទាស់របស់ខ្លួនទាត់ចោលដំណោះស្រាយនេះ។
ប៉ុន្តែប៉ាឡេស្ទីនឯណោះវិញខឹងសម្បារ និងចង់ឲ្យមានការប្រើប្រាស់ឈ្មោះអាមេរិកចំៗក្នុងដំណោះស្រាយនេះដែរ។ ប្រតិភូប៉ាឡេស្ទីនប្រចាំអង្គការសហប្រជាជាតិបានបន្តជួបប្រជុំជាមួយសមាជិកក្រុមប្រឹក្សាសន្តិសុខជាបន្តបន្ទាប់ដើម្បីពិភាក្សាលើដំណោះស្រាយក្រុមប្រឹក្សាសន្តិសុខនេះ។
យ៉ាងណាក៏ដោយដំណោះស្រាយនេះទំនងជាត្រូវអាមេរិកវេតូផង ប៉ុន្តែប៉ាឡេស្ទីនទំនងជានឹងបន្តស្នើសុំទៅកាន់មហាសន្និបាតអង្គការសហប្រជាជាតិទៀតនៅពេលខាងមុខ។ បេសកជនអ៊ីស្រាអែលប្រចាំអង្គការសហប្រជាជាតិ Danny Danon ឯណោះវិញ បានចេញមុខថ្កោលទោសសេចក្តីព្រាងដំណោះស្រាយនេះ ហើយអះអាងថា គ្មានការបោះឆ្នោត ឬជជែកដេញណាដែលអាចផ្លាស់ប្តូរការពិតដែលក្រុងហ្ស៊េរុយសាឡិមជារដ្ឋធានីរបស់អ៊ីស្រាអែលឡើយ។
អ្នកការទូតអ៊ីស្រាអែលបានប្រកាសដូច្នេះ៖ «ហ្ស៊េរុយសាឡិមនឹងនៅតែជារដ្ឋធានីរបស់អ៊ីស្រាអែល។ រួមគ្នាជាមួយសម្ព័ន្ធមិត្តយើង យើងនឹងអាចបន្តប្រយុទ្ធ, ប្រយុទ្ធដើម្បីប្រវត្តិសាស្ត្រពិតរបស់យើង»៕
នៅចន្ទទី ១៨ ខែធ្នូនេះក្រុមប្រឹក្សាសន្តិសុខនឹងជួបប្រជុំគ្នាដើម្បីបោះឆ្នោតអនុម័តដំណោះស្រាយមួយដែលព្រាងឡើងដោយរដ្ឋាភិបាលអេហ្ស៊ីប។ ដំណោះស្រាយនេះ មានគោលដៅសំខាន់បដិសេធការទទួលស្គាល់ក្រុងហ្ស៊េរុយសាឡិមជារដ្ឋធានីរបស់អ៊ីស្រាអែលកាលពីសំណាក់រដ្ឋបាលដូណាល់ ត្រាំ កាលដើមខែធ្នូកន្លងមក។
យោងតាមទីភ្នាក់ងារព័ត៌មាន AFP សេចក្តីព្រាងដំណោះស្រាយក្រុមប្រឹក្សាសន្តិសុខដែលរៀបចំឡើងដោយអេហ្ស៊ីបនេះមិនបានបញ្ជាក់ចំឈ្មោះអាមេរិកឡើយ ប៉ុន្តែអេហ្ស៊ីបគ្រាន់តែបញ្ជាក់ថា វាជារឿងគួរឲ្យសោកស្តាយខ្លាំងចំពោះការសម្រេចចិត្តកន្លងមកពាក់ព័ន្ធឋានៈនៃក្រុងហ្ស៊េរុយសាឡិមនោះ។ ក្រៅពីនេះដំណោះស្រាយនេះក៏បានលើកឡើងផងដែរថា ឋានៈនៃក្រុងហ្ស៊េរុយសាឡិមអាចដោះស្រាយបានដោយការចរចាគ្នាតែប៉ុណ្ណោះ។
គេដឹងច្បាស់ថា អេហ្ស៊ីប ក៏ដូចជាអង់គ្លេសដែលមានចំណែកក្នុងការរៀបចំចងក្រងដំណោះស្រាយនេះប្រឹងប្រែងធ្វើយ៉ាងណារក្សាភាសាដែលប្រើប្រាស់ឲ្យមានលក្ខណៈអព្យាក្រឹត្យ និងដើម្បីធានាថា អាមេរិកមិនប្រើប្រាស់សិទ្ធិជំទាស់របស់ខ្លួនទាត់ចោលដំណោះស្រាយនេះ។
ប៉ុន្តែប៉ាឡេស្ទីនឯណោះវិញខឹងសម្បារ និងចង់ឲ្យមានការប្រើប្រាស់ឈ្មោះអាមេរិកចំៗក្នុងដំណោះស្រាយនេះដែរ។ ប្រតិភូប៉ាឡេស្ទីនប្រចាំអង្គការសហប្រជាជាតិបានបន្តជួបប្រជុំជាមួយសមាជិកក្រុមប្រឹក្សាសន្តិសុខជាបន្តបន្ទាប់ដើម្បីពិភាក្សាលើដំណោះស្រាយក្រុមប្រឹក្សាសន្តិសុខនេះ។
យ៉ាងណាក៏ដោយដំណោះស្រាយនេះទំនងជាត្រូវអាមេរិកវេតូផង ប៉ុន្តែប៉ាឡេស្ទីនទំនងជានឹងបន្តស្នើសុំទៅកាន់មហាសន្និបាតអង្គការសហប្រជាជាតិទៀតនៅពេលខាងមុខ។ បេសកជនអ៊ីស្រាអែលប្រចាំអង្គការសហប្រជាជាតិ Danny Danon ឯណោះវិញ បានចេញមុខថ្កោលទោសសេចក្តីព្រាងដំណោះស្រាយនេះ ហើយអះអាងថា គ្មានការបោះឆ្នោត ឬជជែកដេញណាដែលអាចផ្លាស់ប្តូរការពិតដែលក្រុងហ្ស៊េរុយសាឡិមជារដ្ឋធានីរបស់អ៊ីស្រាអែលឡើយ។
អ្នកការទូតអ៊ីស្រាអែលបានប្រកាសដូច្នេះ៖ «ហ្ស៊េរុយសាឡិមនឹងនៅតែជារដ្ឋធានីរបស់អ៊ីស្រាអែល។ រួមគ្នាជាមួយសម្ព័ន្ធមិត្តយើង យើងនឹងអាចបន្តប្រយុទ្ធ, ប្រយុទ្ធដើម្បីប្រវត្តិសាស្ត្រពិតរបស់យើង»៕
Tag:
ក្រុមប្រឹក្សាសន្តិសុខ
ហ្ស៊េរុយសាឡិម
អាមេរិក
© រក្សាសិទ្ធិដោយ thmeythmey.com
