សិល្បៈអន្តរជាតិ
អន្តរជាតិ
តារាចម្រៀង K-Pop កូរ៉េ Jonghyun សមាជិកក្រុម Shinee ទទួលមរណភាពក្នុងអាយុ២៧ឆ្នាំ
តារា K-Pop កូរ៉េ Jonghyun ឈ្មោះដើម «Kim Jong-hyun» ទទួលមរណភាពក្នុងអាយុ២៧ឆ្នាំ
×![]()
ដោយ: ធីតា
Jonghyun ដែលមានឈ្មោះដើមថា «Kim Jong-hyun» ដែលជាសមាជិកម្នាក់ក្នុងចំណោម៥នាក់នៃក្រុម Boy Band SHINee បានទទួលមរណភាពក្នុងអាយុ២៧ឆ្នាំនៅពេលបញ្ជូនទៅកាន់មន្ទីរពេទ្យ ក្រោយត្រូវបានប្រទះឃើញសន្លប់ស្តូកស្តឹងក្នុងអាគារមួយនៅក្រុងសេអ៊ូល នាថ្ងៃទី១៨ ខែធ្នូ។
ប៉ូលិសកូរ៉េខាងត្បូង បាននាំគ្នាទៅកាន់អាគារដែល Jonghyun ស្នាក់នៅបន្ទាប់ពីទទួលបានសេចក្តីរាយការណ៍បន្ទាន់ពីបងស្រីបង្កើតរបស់តារាចម្រៀង K-Pop រូបនេះ។ បើតាមការផ្សាយរបស់បណ្តាញព័ត៌មានកូរ៉េ ប៉ូលិសបានទៅដល់ទីតាំងកើតហេតុ ហើយបានប្រទះឃើញ Jonghyun ឈ្មោះដើម Kim Jong-hyun សន្លប់ស្តូកស្តឹង ហើយបានស្លាប់នៅមន្ទីរពេទ្យ។
បងស្រីរបស់ Jonghyun បានអះអាង ប្អូនប្រុសខ្លួនទំនងជាស្លាបដោយសារតែការធ្វើអត្តឃាត ពីព្រោះនារយៈពេលចុងក្រោយនេះ គេបានផ្ញើសារប្លែកៗទៅគ្រួសារតែរៀបរាប់ទាក់ទងនឹងការព្រាត់ប្រាស់។ ទីភ្នាក់ងារព័ត៌មាន Yonhap បានរាយការណ៍ថា បងស្រីរបស់ Kim បានទទួលសារខ្លីពីប្អូនដែលសរសេរថា៖ «សូមឲ្យខ្ញុំចាកចេញទៅ។ ប្រាប់ខ្ញុំមកថា ខ្ញុំធ្វើបានល្អហើយ។ ការលាជាលើកចុងក្រោយ»។
SHINee ជាក្រុម Boy Band ដ៏ល្បីល្បាញនៅកូរ៉េខាងត្បូង ដែលត្រូវបានបង្កើតឡើងនៅឆ្នាំ២០០៨ ដោយក្រុមហ៊ុន SM Entertainment។ Jonghyun ជាសមាជិកម្នាក់ក្នុងចំណោម៥នាក់របស់ក្រុម ដោយសមាជិកផ្សេងទៀតមាន Onew, Key, Minho និង Taemin។
ក្រៅពីអាជីពតារាចម្រៀង Jonghyun ក៏ជាសកម្មជនម្នាក់ដែលតស៊ូមតិលើគោលនយោបាយអប់រំ និងការគាំទ្រក្រុមអ្នកស្រឡាញ់ភេទដូចគ្នា LGBT ផងដែរ។
ខណៈដែលប៉ូលិសបើកការស៊ើបអង្កេតទាក់ទងនឹងការស្លាប់នេះ ក្រុមហ៊ុន SM Entertainment បានប្រកាសថា ពិធីបុណ្យសពរបស់ Jonghyun នឹងរៀបចំឡើងជាលក្ខណៈគ្រួសារ ដោយមានវត្តមានសាច់ញាតិ និងមិត្តភក្ត្រមួយចំនួនប៉ុណ្ណោះ៕
ប៉ូលិសកូរ៉េខាងត្បូង បាននាំគ្នាទៅកាន់អាគារដែល Jonghyun ស្នាក់នៅបន្ទាប់ពីទទួលបានសេចក្តីរាយការណ៍បន្ទាន់ពីបងស្រីបង្កើតរបស់តារាចម្រៀង K-Pop រូបនេះ។ បើតាមការផ្សាយរបស់បណ្តាញព័ត៌មានកូរ៉េ ប៉ូលិសបានទៅដល់ទីតាំងកើតហេតុ ហើយបានប្រទះឃើញ Jonghyun ឈ្មោះដើម Kim Jong-hyun សន្លប់ស្តូកស្តឹង ហើយបានស្លាប់នៅមន្ទីរពេទ្យ។
បងស្រីរបស់ Jonghyun បានអះអាង ប្អូនប្រុសខ្លួនទំនងជាស្លាបដោយសារតែការធ្វើអត្តឃាត ពីព្រោះនារយៈពេលចុងក្រោយនេះ គេបានផ្ញើសារប្លែកៗទៅគ្រួសារតែរៀបរាប់ទាក់ទងនឹងការព្រាត់ប្រាស់។ ទីភ្នាក់ងារព័ត៌មាន Yonhap បានរាយការណ៍ថា បងស្រីរបស់ Kim បានទទួលសារខ្លីពីប្អូនដែលសរសេរថា៖ «សូមឲ្យខ្ញុំចាកចេញទៅ។ ប្រាប់ខ្ញុំមកថា ខ្ញុំធ្វើបានល្អហើយ។ ការលាជាលើកចុងក្រោយ»។
SHINee ជាក្រុម Boy Band ដ៏ល្បីល្បាញនៅកូរ៉េខាងត្បូង ដែលត្រូវបានបង្កើតឡើងនៅឆ្នាំ២០០៨ ដោយក្រុមហ៊ុន SM Entertainment។ Jonghyun ជាសមាជិកម្នាក់ក្នុងចំណោម៥នាក់របស់ក្រុម ដោយសមាជិកផ្សេងទៀតមាន Onew, Key, Minho និង Taemin។
ក្រៅពីអាជីពតារាចម្រៀង Jonghyun ក៏ជាសកម្មជនម្នាក់ដែលតស៊ូមតិលើគោលនយោបាយអប់រំ និងការគាំទ្រក្រុមអ្នកស្រឡាញ់ភេទដូចគ្នា LGBT ផងដែរ។
ខណៈដែលប៉ូលិសបើកការស៊ើបអង្កេតទាក់ទងនឹងការស្លាប់នេះ ក្រុមហ៊ុន SM Entertainment បានប្រកាសថា ពិធីបុណ្យសពរបស់ Jonghyun នឹងរៀបចំឡើងជាលក្ខណៈគ្រួសារ ដោយមានវត្តមានសាច់ញាតិ និងមិត្តភក្ត្រមួយចំនួនប៉ុណ្ណោះ៕
Tag:
Jonghyun
K-Pop
© រក្សាសិទ្ធិដោយ thmeythmey.com
