ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
សង្រ្កាន្តឆ្នាំថ្មី
អត្ថបទពាណិជ្ជកម្ម
បទយកការណ៍/សម្ភាស
ជាតិ
បទយកការណ៍ / បទសម្ភាសន៍
យុវវ័យ៖ ជូនកាដូគ្នានៅថ្ងៃណូអែលដើម្បីបង្កើនភាពស្និទ្ធស្នាល មិនខុសអ្វីឡើយ!
24, Dec 2017 ,
9:00 pm
រូបភាព
×
ដោយ:
ទោះបីជាណូអែល ឬគ្រីស្តស្មាស មិនមែនជាបុណ្យប្រពៃណី ឬសាសនាផ្លូវការរបស់កម្ពុជាក៏ដោយ ប៉ុន្តែចលនានៃការប្រារព្ធពិធីនេះ មានការផុសផុលយ៉ាងខ្លាំងក្នុងចំណោមយុវជនខ្មែរ។ ការមិនស្គាល់ច្បាស់ពីប្រភពនៃពិធីបុណ្យណូអែល មិនមែនជាបញ្ហាចោទនោះឡើយ ដោយយុវជនខ្មែរ តែងតែយកវេលានេះដើម្បីទិញអំណោយអនុស្សាវរីយ៍សម្រាប់បងប្អូន មិត្តភក្តិ និងគូស្នេហ៍របស់ខ្លួន។
បុណ្យណូអែល ឬ Christmas គឺជាពិធីអបអរសាទរការជួបជុំគ្នារបស់អ្នកកាន់សាសនាគ្រិស្ត ដើម្បីរំលឹកដល់ថ្ងៃដែលព្រះយេស៊ូប្រសូត។ ទោះមិនមែនជាបុណ្យសាសនារបស់ប្រទេសកម្ពុជា ដែលជាអ្នកគោរពព្រះពុទ្ធសាសនាក្ដី តែគេសង្កេតឃើញថា យុវវ័យភាគច្រើន ជាពិសេសនៅទីប្រជុំជន ពួកគេបានប្រារព្ធពិធីបុណ្យនេះយ៉ាងផុសផុល ហើយក្រុមហ៊ុនមួយចំនួនរៀបចំតុបតែងដើមណូអែលដោយមានអំពូលភ្លើងភ្លឺផ្លេក ព្រមជាមួយកញ្ចប់កាដូផងដែរ។
កំពុងតែរកទិញវត្ថុអនុស្សារីយនៅតូបតូចៗជាច្រើនខាងក្រោយវិទ្យាល័យសន្ធរម៉ុក លោក បូរ៉ា ហាក់ដូចជាពិបាកក្នុងការសម្រេចចិត្តបន្តិចដោយសារតែកាដូដែលខ្លួនពេញចិត្ត មានតម្លៃខ្ពស់ជាងប្រាក់ដែលអាចចំណាយ។
ប៉ូរា រើសបានកូនតុក្កតាមួយដែលមានតម្លៃ៨ដុល្លារអាមេរិក ដែលសមស្របទៅនឹងប្រាក់នៅក្នុងហោប៉ៅរបស់ខ្លួន។ អង្គុយមើលអ្នកលក់ខ្ចប់កាដូ បូរ៉ា ដែលរៀននៅថ្នាក់ទី៩ បាននិយាយទាំងអារម្មណ៍រំភើបថា៖ «មកពីស្រលាញ់គេទើបទិញកាដូនេះឲ្យគេ ខ្ញុំគិតថាគេនឹងពេញចិត្ត» ។
ខណៈពេលដែលបូរ៉ាកំពុងរង់ចាំការខ្ចប់កាដូជូនមិត្តស្រី យុវតីពីរនាក់ បានជិះម៉ូតូទៅឈប់ក្បែរនោះ ដោយនៅលើដៃម៉ូតូ សុទ្ធសឹងតែថង់ពោរពេញដោយវត្ថុអនុស្សាវរីយ៍។ ក្នុងចំណោមស្រីស្អាតទាំងពីរ កញ្ញាស្រីពេជ្រ បាននិយាយទាំងបើកចំហរមកកាន់សារព័ត៌មានថ្មីៗថា វត្ថុអនុស្សាវរីយនៅពេញដៃរបស់ខ្លួននោះ គឺសម្រាប់យកទៅចាប់ឆ្នោតប្ដូរកាដូគ្នានៅកន្លែងធ្វើការ។
ស្រីពេជ្រ ដែលមានអាយុខ្ទង់២០ឆ្នាំ បានបញ្ជាក់ថា កម្មវិធីបែបនេះ គឺធ្វើឡើងដោយសារចង់បង្កើនភាពស្និតស្នាលរវាងបុគ្គលិក និងបុគ្គលិក។ កញ្ញាសប្បុរសរូបនេះ បាននិយាយ៖ «ខ្ញុំមិនគិតថាការចូលរួមពិធីដែលមិនមែនសាសនាព្រះពុទ្ធខុសនោះទេ ព្រោះលែងបែបហ្នឹងគឺសប្បាយ ហើយធ្វើឲ្យបុគ្គលិកកាន់តែមានភាពស្និទ្ធស្នាលជាមុន ហើយមើលទៅដូចជារឿងធម្មតាទៅហើយ»។
ក្រោយញាប់ដៃញាប់ជើងខ្ចប់កាដូ ម្ចាស់តូបដែលមានឈ្មោះ ស្រីពេជ្រ ដូចជាភ្ញៀវខាងលើផងដែរនោះ បានឆ្លៀតនិយាយមកកាន់សារព័ត៌មានថ្មីៗថា៖ «លក់ដាច់ណាស់អូនពេលបុណ្យអ៊ីចឹងៗ ហើយខ្ចប់កាដូក៏ច្រើនពេលខ្លះក្រោយចប់កម្មវិធីអ្នកលក់ឈឺក៏មាន»។
ចំពោះការលក់វត្ថុអនុស្សាវរីយ និងខ្ចប់កាដូនៅអំឡុងពិធីបុណ្យណូអែលនេះ អ្នកស្រីពេជ្រ អាចរកចំណូលបានប្រមាណ១០០០ដុល្លារអាមេរិក។ ម្ចាស់តូបវ័យក្មេងរូបនេះបានឲ្យដឹងទៀតថា ពេលបុណ្យណូអែលវត្ថុអនុស្សាវរីយលក់ដាច់គ្រប់មុខ ហើយភ្ញៀវដែលមកទិញមានចាប់ពីថ្នាក់បឋមសិក្សាឡើងទៅ។
ទោះបីជាយ៉ាងណាក៏ដោយ អ្នកស្រី ពេជ្រ បានបញ្ជាក់ថា សន្ទុះនៃការលក់កាដូ មិនបានច្រើនដូចទឹកបាក់ទំនប់ ដូចជានៅក្នុងទិវានៃសេចក្តីស្រឡាញ់ (Valentine Day) នៅថ្ងៃទី១៤ខែកុម្ភៈនោះឡើយ៕
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
Tag:
បុណ្យណូអែល
វត្ថុអនុស្សាវរីយ
យុវវ័យ
© រក្សាសិទ្ធិដោយ thmeythmey.com
អត្ថបទពេញនិយម
ផ្សារដើមគរថ្មី លើផ្ទៃដី៣០ហិកតា ត្រូវបានដាក់ដំណើរការជាផ្លូវការហើយ
5 ថ្ងៃ
ដំណឹងបឋម៖ ករណីផ្ទុះឃ្លាំងគ្រាប់នៅបន្ទាយភូមិភាគ៣ ក្រុងច្បារមន មានអ្នកស្លាប់ និងរបួសច្រើននាក ...
5 ថ្ងៃ
តើពាក្យងារជា «សម្តេច» មានន័យដូចម្តេច?
2 ថ្ងៃ
គ្រឿងឥស្សរិយាភរណៈ គឺ «មេដាយ» មិនមែន «មេដៃ» ឡើយ
1 សប្តាហ៍
តើពាក្យ «ដុតដៃដុតជើង» មានន័យដូចម្តេច?
7 ថ្ងៃ
អត្ថបទពេញនិយមបន្ថែម