ពីនេះ ពីនោះ
ព័ត៍មានសុខភាព
អ្នកដែលមានហ្សែនធាត់ជ្រុលនៅតែអាចសម្រកទម្ងន់បាន
× យោងទៅតាមសេចក្តីរាយការណ៍របស់សារព័ត៌មាន The Daily Telegraph បានឲ្យដឹងថា ការដែលមានហ្សែនធាត់ហើយ អ្នកក៏មិនបាច់ភ័យថាមិនអាចមានរាងស្លីមបានដែរ ព្រោះវាមិនប៉ះពាល់ដល់សមត្ថភាពសម្រកទម្ងន់ឡើយ។ វាគឺជាដំណឹងល្អមួយបានមកពីការស្រាវជ្រាវដែលនិយាយថា អ្នកដែលឡើងទម្ងន់លែងមានបញ្ហាទៀតហើយ ព្រោះហ្សែនរបស់អ្នកនៅតែអាចសម្រកទម្ងន់បានតាមរយៈ របបអាហារ ការហាត់ប្រាណ និងការព្យាបាលដោយប្រើថ្នាំ។
ការប្រែប្រួលរបស់ហ្សែន FTO គឺជាផ្នែកមួយដ៏សំខាន់នៃហ្សែន ៩៧ ដែលមានឥទ្ធិពលធ្វើឲ្យមនុស្សយើងឱកាសទៅជាធាត់ ឬធាត់ជ្រុលបាន។ ការប្រែប្រួលរបស់ FTO ត្រូវបានគេបង្ហាញថា មានទំនាក់ទំនងយ៉ាងខ្លាំងបំផុតជាមួយនឹងការធាត់ជ្រុល។ អ្នកដែលមានហ្សែនពីរប្រភេទដែលទាក់ទងនឹងទម្ងន់ជាមធ្យម ៣គីឡូក្រាមឡើងទៅ និងមានឱកាសរហូតដល់ ១,៧ដងឡើងទៅឯណោះក្នុងការធាត់ជ្រុល។
ការសិក្សានេះមានការចូលរួមដោយមនុស្សប្រមាណ ៩៦៦៣ ដែលមកពីការសិក្សាផ្សេងៗពីគ្នាចំនួន ៨ ហើយក៏ស្ថិតក្នុងកម្មវិធីសម្រកទម្ងន់ដោយមានការផ្សំចូលគ្នាទាំងរបបអាហារ ហាត់ប្រាណ ការប្រើថ្នាំ និងការព្យាបាលដោយផ្លាស់ប្តូរអាកប្បកិរិយា។
អ្នកស្រាវជ្រាវបានពិនិត្យទៅលើរបៀបដែលមនុស្សធាត់ជ្រុលត្រូវបានជម្រុញដោយហ្សែន FTO ទាំងមានការព្យាបាល និងគ្រប់គ្រង នៅពេលប្រៀបធៀបជាមួយអ្នកដែលគ្មានហ្សែននេះក្នុងខ្លួន។ ពួកគេក៏បានពិនិត្យទៀតថា តើអញនកដែលមានការប្រែប្រួលហ្សែនមានការឆ្លើយតបល្អយ៉ាងណាចំព៖ការព្យាបាលដោយការសម្រកទម្ងន់មួយប្រភេទ។
ពួកគេបានសន្និដ្ឋានឃើញថា ខណៈពេលដែលហ្សែន FTO ទំនងជាធ្វើឲ្យមនុស្សងាយនឹងធាត់ក៏ដោយ តែវាមិនប៉ះពាល់ដល់សមត្ថភាពក្នុងការសម្រកទម្ងន់តាមរយៈរបបអាហារ និងការហាត់ប្រាណ ឬរបៀបព្យាបាលផ្សេងៗទៀតឡើយ។ លើសពីនេះទៅទៀត មិនមានវិធីព្យាបាលណាមួយល្អជាងណាមួយឡើយ៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com