ចង្កូតឡាន-កង់ស៊ីក្លូ-ច្រវាក់ម៉ូតូ...ត្រូវបានលោក សុភារះ ច្នៃជាយានជំនិះមួយប្លែក

ជាតិ

រថយន្ត

វីដេអូ

01, Jan 2018 , 8:59 pm

រូបភាព

ដោយ: ញឹក ស្រីល័ក្ខ (Nhek Sreyleak)

ភ្នំពេញ៖ លោក ឯម សុភារះ ជាអ្នកដឹកទំនិញនៅម្ដុំគីឡូម៉ែត្រលេខ៩ រាជធានីភ្នំពេញ។ ជាអតីតជាងផ្សារដែក លោក សុភារះ បានឆ្លៀតពេលទំនេរច្នៃយានជំនិះដ៏ប្លែកពីគេមួយ ដែលមានគ្រឿងបង្គុំរបស់រថយន្ត ម៉ូតូ រ៉ឺម៉ក ស៊ីក្លូ និងកង់បញ្ចូលគ្នា ដោយចំណាយថវិកាជិត១ពាន់ដុល្លារ។ យានជំនិះនេះមានរូបរាង និងទំហំស្រដៀងរ៉ឺម៉ក ប៉ុន្តែប្រើចង្កូតរថយន្ត កង់ស៊ីក្លូ ច្រវាក់ម៉ូតូ ឈ្នាន់ធាក់ជាឈ្នាន់កង់ មានបំពាក់អំពូលសូឡាសម្រាប់បំភ្លឺផ្លូវនៅពេលយប់ ភ្លើងស៊ីញូ និងកញ្ចក់ឆ្វេងស្ដាំ និងមានកន្លែងសម្រាប់តែកុងម្នាក់ និងអ្នកធាក់៣នាក់ ព្រមទាំងកន្លែងដាក់អីវ៉ាន់នៅផ្នែកខាងក្រោយ។

លោក សុភារះ បានដាក់ឈ្មោះយានចម្លែកនេះថា «កង់ខ្មែរថែសុខភាព» ព្រោះលោកចង់បញ្ជាក់ថាកង់នេះច្នៃដោយកូនខ្មែរ និងបានចូលរួមបន្ថយការបំពុលបរិស្ថាន។ កន្លងមក លោក សុភារះ ក៏ធ្លាប់បានច្នៃរ៉ឺម៉កមួយគ្រឿង សម្រាប់ប្រើប្រាស់ផ្ទាល់ខ្លួនផងដែរ។ ដោយឡែកសម្រាប់កង់នេះ តាមលោក ភារះ ត្រូវលាបថ្នាំឲ្យថ្មី និងដាក់ដំបូលទៀត។ បន្ទាប់ពីរួចរាល់ លោកនឹងដាក់លក់ កង់ ដែលអាចជិះដើម្បីហាត់ប្រាណជាគ្រួសារ ឬសម្រាប់ជិះកម្សាន្តនៅតាមរមណីយដ្ឋាននានា៕

សូមអញ្ជើញទស្សនាវីដេអូខាងក្រោម៖